السلام عليكم
اليوم وبعد عناء 3 شهور مقارنات بين المنافسين فى السوق وزيارات للمعارض واستئجار وتجربه قياده للعديد من الانواع
اتوفقت فى تضييق المقارنه الى كادينزا او امبالا رغم للصراحه فى الاول الكيا لم تكن خيار اصلا ولكنها والله جت فى التصفيات ههههه
المهم انا عملت اللى عليه وبعدين صليت استخاره وطلعت على الوكيلين شيفروليه اولا ومعرفش حسيت انى اول مره بشوف العربيه ومش داخله مزاجى اوى بالزات الخارجى والموضوع اتعقد مع المبيعات ولقيت الاسعار ها شاطحه
طلعت على كيا واول ماشوفت الكادينزا للمره التانيه وقعت على طول مع انى شفتها قبل كده وخرجتها من الحسبان فى دور ال 16 ههههه
ودخلت على الموظف والموضوع اتيسر وقدمت عليها على طول سبحان الله
المهم انا مستنى موافقه البنك واخترت الداخلى ابيض لانه زياده 2000 ريال فعلشان العرض يتعمل بالزياده للبنك
الاسئله دلوقتى:
1- حد يعرف نازله بنظام UVO ولا لأ (والله تبقى كبسه كبيره لاخونا من غير زكر اسماء)؟
2- لو نازله بيه حد جرب يفعله ويشغله ؟
3- اللون الخارجى محتاج تصويت على اسود وداخليه بيضا ام ازرق وداخليه بيضا ام سلفر وداخليه بيضا
4- انهى افضل لون مبين شكل العربيه؟ انا عارف انها ازواق بس فيه لون بيبقى نخصص لكل عربيه بيبينها زى مثلا السلفر للبى ام والاسود للمرسيدس وكده محدش بيختلف عليهم يعنى والباقى ازواق؟
5- الجنط اللى بييجى 18 احلى ولا 19 ؟
6- ايه اخبار الديكور بيطقطق فعلا ولا؟
7- اشيك على ايه عند الاستلام (قال يعنى الموافقه جت خلاص هههه)؟
8- اعمل ايه بعد الاستلام ومنين؟ (افضل تظليل) (حمايه الداخلى من جلد وكونسول)؟
9- لو ناسي حاجه فكرنى الله يهديك؟
ومشكورين جميعا لو حتى قريت بس من غير ما تعلق
