امبالا LT ولا ماليبو LTZ ؟؟؟

MohamedS8 @user_303273 · 17-07-2014

السلام عليكم ..
مثل ما قريتم في الموضوع .. انا ميزانيتي 110 ..
ماليبو ltz 102.000
امبالا lt 108.000

لي 3 ايام افكر وابشتري قبل العيد ان شاء الله ..
المهم بذكر لكم الشيء اللي خلاني احتار اللي هو ان الماليبو من جوا ضيقه مررره ما فيها اماكن احط فيها الجوال والبوك والمفاتيح عكس الامبالا .. الشيء اللي خلاني اتردد في الامبالا شكامينها في الـ LT مخفيه وتفرق من ورا عن ال LTZ .. الماليبو لمباتها الخلفيه LED الامبالا عاديه ..

المهم حبيت اقولكم السياره بستخدمها 8 سنين اقل شيء وانا طالب في الثانويه وتهمني المساحه الداخليه والشكل الخارجي ..

وجزاكم الله خيرا ..

رولس رويز @user_259746 · 19-07-2014

خذ الماليبو انت طالب ثانوية وتناسبك اكثر لانها شبابيه وفيها مواصفات احس الامبالا حق شيبان :/

Generator @user_301448 · 19-07-2014

جرب سواقة المااليبو LTZ
وجرب المبالا ..

الصراحة أنا مو من النوع اللي يحب التعديل ،
يعني آخذ لي ماليبو فل (جاهزة) ! ولا آخذ إمبالا ، وبعدين أعدل عليها أسوي فيها إنها فل كامل \:

طبعا هذي وجهة نظري ، وأنت شف اللي يناسبك ، وبالتوفيق ،،

Laramie @user_283130 · 19-07-2014

المواصفات مو كل شي
الحين السيارات الصينيه فيها كل شي
بس سواقتها علة
:c0038:
الامبالا فئة أعلى وعزلها وقيادتها افضل
جرب السيارتين واحكم بنفسك

alomari949 @user_303219 · 19-07-2014

اخوي محمد
افضل شي هو التجربة استاجر امبالا lt وماليبو ltz لان المساله ليست مواصفات فقط
السياره تختلف من شخص لاخر ممكن بعد التجربه راح تواجه مشكله مع حجم الامبالا والابعاد خاصه انها لارج سيدان وتقرر تاخذ الماليبو او تواجه مشاكل في الماليبو مثلا الحجم ما يناسبك او الشكل الداخلي تفضل الامبالا عليه ممكن اشياء ما تعجبك بالسياره نفسه ما تنتبه له الا بعد التجربة فافضل حل هو التجربه خاصه ان كل خيار افضل من الثاني وبالتوفيق

الحيران الحيران @user_18683 · 18-07-2014

ما فيه مقارنة

هل تستطيع ان تختار الكامري مثلا على الافالون !! مستحيل

mohammed-aj @user_302393 · 18-07-2014

السلام عليكم اخوي انا كنت محتار زيك لاكن استخرت ربي و خذيت امبالا lt و توفقت فيها

بس تبي نصيحة لا تاخذها من الجميح التوكيلات افضل الجيمح سوالي مشاكل و الموتر مستلمه في 21 يوم و المسجل خربان و النيكل الي على الباب فيه طقه خفيفه
بالتوفيق مقدما ...

ferasfu @user_302139 · 18-07-2014

امبالا وانت مغمض
شف لو قلت امبالا او اكورد فل كان قلنا فيه مقارنة شوي
لكن معليش الماليبو ضيفة من جوا ومساحة الراس والارجل جدا ضيقة
انا اخذت امبالا lt ومدري بصراحة اذا كان الصدام الخلفي يتعدل ويصير مثل الفل والله يالبت لاغيره لو يكلف خمسة الاف
اللي اعرف ان الكشافاتالليد تتعدل واتوقع الزينون والباقي ما اتوقع مثل الفتحة والمراتب الجملية وتكييف المراتب وبقية انظمة الامان السامجة
استخر ولاتستعجل لان الاستعجال والرجة دايم تجيب القرارات الخاطئة
بالتوفيق لك في سيارتك وبالتوفيق لك في مستقبلك التعليمي اتمنى لك مستقبل ناجح

AS ROMA @user_303245 · 17-07-2014

المواصفات والتقنية في الامبالا افضل بكثير من الماليبو

ZEZ00-7 @user_288217 · 17-07-2014

وعليكم السلام والرحمة ..

شف ياطويل العمر اذا انت ماتهتم للمواصفات والتقنية والشكل إلخخ , ف انا ارشحلك الامبالا كمساحة داخلية وحجم ,وفئة افضل من الماليبو واكبر ..
اما بخصوص , شكل الشكامين لو حاب بعد فتره غير الصدام مع القزوز عشان تعدل الشكل يمديك ,اهم شيء تشري راحتك ..

وانصحك بالتجربة لكلا السيارتين واكيد بتشوف بعد التجربة مميزات وعيوب كل سيارة ,وبعدها استخر وبالتوفيق ..

AS ROMA @user_303245 · 17-07-2014

شوف عن نفسي لا طلع امبالا الا اذا كانت LTZ فل كامل اما الا تحتها شكلها بايخ فالافضل خذلك ماليبو LTZ,وفي النهاية هو قرارك