نصيحه ف الأكورد 2015

^^^^^^^
مشاكل في قير السيفك cvt على الهايبرد

اخوي انت متاكد من كلامك ولا عشاني جبت طاري نيسان زعلت وقمت تذب كلام :bigggrin:

لاني بحثت عن مشاكل قير السيفيك بالعربي والانجليزي ما طلعلي شي عن السيفيك

ياليت تثبت صحه كلامك عشان الكل يستفيد

ممكن إذا تقدر تجيب أدلة على مشاكل السي في تي حق السيفيك
أو الأكورد؟

بالنسبة لي صارت للاسوء ولكن
خلفيتها عجبتني
السيارة بشكل عام رائعة ولكن بدون مواصفات ولكن هوندا عوضتك بالجودة
وانا اشوف ان الاعيب الي في موديل 2015 الشبك الامامي وباقي الاشياء اشوفها جيدة بعض الشي
ولكن شكل 2014 اجمل بالنسبة لي وشكل 2015 افضل من الناحية الخارجية اصبح اجمل من الخلف فقط

بالتوفيق اخي الاكورد سيارة اعتمادية وجيدة وافضل من غيرها
واذا تبي خيار اخر

عندك
سوناتا و اوبتيما و افلون و التيما ومازدا 6

كيف اتأكد بنفسي
والسيفيك والاكورد بنفس القير
راح تذكر كلامي ومشاكل الاكورد مع cvt
عشان يكونوا الشعب امام مقلب وجودة هوندا :smilie16:

انا اقول شوف لك خيار ثاني افضل وارجح لك المازدا 6 او السوناتا الجديدة اللي بتنزل خلال هاليومين او نزلت يمكن اوبشن افضل بكثير وشل احلى وارجح لك المازد6 بس عيبها الوكيل يتأخر بالدفعات وصناعة يابانية 100%

:xyxthumbs:

مادري عن السيفيك ولاني متابع اخباره

لاكن الاكورد ماقريت عن احد يشكي من قيره (cvt)

وتقدر تتاكد بنفسك

على العموم زي ما قلت للي قبلك
مع الوقت يبان اذا القير جيد ولا سيء مثل نيسان :wink:

:c0214:

انت وراي وراي من منتدى لمنتدى :bigggrin:

احمد ربك ع اللي عندك والله يعطيك خيرها ويكفيك شرها

مشكلة التنسيم ظهرت في دفعة 13 واشتكو منها كثير وانا انتظرت 14 عشان يعدلون المشكله ومع الاسف مازالت موجوده ف دفعات كثيره من 14

هوندا مشاكل cvt من اول بداية له في السيفيك
والى الان تعاني
والاكورد عندك شي يثبت انها ما تعاني مشاكل في القير
او على الاقل التسخين :c0214:

^ ^
عندي 014 فل وقابلت واحد معه نفس سيارتي
لا أنا أشتكي من التنسيم ولا هو, حتى يقول
وصل 210 ولا فيه تنسيم, أنا حدي 160
ولا فيها تنسيم الا إذا كان الجو هوا تسمع صوت بعد الـ 100

اخوووي يشهد علي الله اني سجلت عشانك

اولآ انا معي فل كامل 2014 فيها تنسيم مو طبيعي يبدا من سرعة 80 - 70 ازعاج هوا ينفخ راسك ف ما بالك ف السرعات العاليه .! ندمت اني حطيت فيها فلوسي الشركه يسحبون فيني من خمسه شهور تقريبآ بكرا بعده بكرا بعده .. بعد اسبووع بعد يومين كذب في كذب
بفخخها وارسلها لهم بسطحه :(
من ناحيه ثانيه فيها اشياء قديمه وبطلوها الشركات زي البريك يدوي .! الحين كل السيارات بزر

لكن للأنصاف السياره من ناحية الرساوه حلوه بس كرهتها من التنسيم

عندك بدايل حلوه اذا بتدفع 130 ف اكورد خذ جنسس صيانه مجانيه ومفتوحه 5 سنوات
استخير ولا تستعجل والله يرزقك بألماني هديه اكشط واربح ^_^

دورها في معرض الفلاح اكيد بتحصل عندهم ان شاء الله

انا استغرب من اللي يقول جودتها افضل من السابقه ؟؟؟ متى نزل عليك الالهام وعرفت ان جودتها افضل اصلا حتى 2014 وقبل جودتها تعبانه وانا كانت عندي اليابانيه مو الامريكيه والله انها خايسه ... لكن الشباب اذا حب الواحد سياره وصلها السماء
السياره تجميع صيني يعني معظم السياره من ديكورات وبدي وخلافه بيكون صيني اذا فيه شي بيكون ياباني يمكن المحرك ...ومع كل السلبيات في مكان تصنيع السياره وخلافه ماراح يبان نوعيتها الا بعد فتره من التجارب ...لكن الشي اللي يدعوا للسخريه سعرها الغالي انا اعتقد مافيه احد بيشتريها بالسعر هذا الا واحد عاشق و متهور والبدائل كثيره ويكفي استغلال من الوكلاء آخر شي بيجيبها عبدالله هاشم تجميع بنجلاديش والعالم مدرمخه وتشتري

ماسمعت عن هل مشكله للاسف
اغلب المشاكل الي اسمعها بقيور نيسان

اما هوندا ماقريت ولا شفت احد اشتكى من قيره
والمواقع الشهيره الي جربت القير صنفته كافضل قير cvt

على العموم مع الوقت يبان اذا القير ممتاز او سيء

هي أصلاً تصنع في الصين وأمريكا لكن الشركة غيروا خطتهم
وصاروا يجيبون للخليج ويمكن الشرق الأوسط
هوندا أكورد الصينية ومصنع أمريكا مستمر في إنتاجه للأكورد,,
طبعاً الأكورد الصينية مختلفة عن الأمريكية بعض الشيء.
[COLOR=Red]
http://www.assayyarat.com/forums/t281849.html
[/COLOR]

من جدكم الأكورد 2015 صارت تجميع بالصين؟!

في أمريكا كان في مشاكل في القير خصوصا على سرعات قليله مثل رجفه ما اعرف اذا حلوها أو لا كثير ناس اشتكوا منها .

اخوي السياره بنفس الجوده بمواصفات اعلى من قبل
حتى سمعت من الي جربو السياره انها افضل عزل من الي قبل ولا فيها تنسيم

بنسبه لقير cvt ماشفنا شكاوي عليه في امريكا بالعكس كل الي جربه مدحه ومقيمينه كافضل قير cvt
وهوندا ماتمزح بالقيور والمكاين تطمن من هل ناحيه

اما الشكل
بنسبه لي القديمه اجمل
و الجديده ماهي شينه بالعكس تنفخت وصارت اكبر واعتقد مع الوقت بتتعود العين عليها