اخوي السياره قويه بكل امانه واستخدمتها لمدة 15 شهر وبعتها بخساره كبيره والسبب عدم معرفة الناس فيها
وبقولك العيوب بكل امانه والمميزات بالنسبه للاستاندر
الاضائه سيئه جدا وخصوصا العالي لدرجة اني ركبت زينون ولاكن النور واطي مره ولايكشف الخط
وسائل السلامه في الستاندر سيئه تخيل سياره عائليه كبيره ومافيها غير ايرباق واحد
اصوات الربلات تطلع صوت خصوصا اذا السياره بارده من اول ماشتريتها طبعا ربلات المقصات او البدي مدري لاكنها عقدتني وممكن تكون مشكله مصنعيه بسيارتي فقط
المميزات
السياره قويه عزم ودبل ممتاز
مكيف افضل مكيف شفته بالسيارات ممتاز جدا ماشاء الله
مشيت عليها 73 الف في سنه وشهرين ماغيرت غير اقمشه فقط وكان باقي فيها عمر ولاكن عشان رجة الفرامل
اخيرا
نصيحه نصيحه نصيحه
لك ولكل من بياخذ سياره كوريه
الاستاندر والنص فل السلامه فيها صفر حتى بعض انواع الفل لاتحتوي الا على ايرباق واحد وبدون abs الكوري والياباني بعد خصوصا تويوتا
خذ فل كامل او توجه لاي شركه ثانيه افضل لك وخصوصا السيارات الامريكيه اشوف وسائل السلامه فيها ممتازه
