هل فيه احد جرب زيت 5w30 ؟

الماغناتيك5W30 جربته بعد زيت الوكالة وحسيت بعد مشوار
واحد ان العزم صار أكبر والأكيد ان السيارة كانت تمشيني
حدود 635 الين تولع اللمبة ومع الماغناتيك صارت تمشي
حدود 735.

اعطيك ملخص تجاربي مع الزيوت
اول شي كنت مافهم فيها ، ورحت للبنشري ويعطيني زيت الترا سفن 20w50
بعد اسبوع صار يطلع صوت في المكينه من ثقل الزيت
وصرت اودي السياره للوكالة ، قالولي شكلو من البنزين مو نظيف وكذا .
بعدها قلت خليني اقرا كتلوج السيارة ، واقرا تحذير من جنرال موترز من استخدام لزوجة 20w50
رجعت للبنشري ، قلي ياخي ٢٠ سنه واحنا نغير الزيت هذا للونيت هذا ( واشر عل هايلكس ٨٤)
قلتلو يارجل تقارن مكينة عمرها اقدم من مكينتي باكثر من ٢٠ ؁ وتحطلهم نفس الزيت !!!
المهم وقتها حطيت كاسترول 10w30 ، ومن اولها اختفى الصوت نهائياً وعزم افضل
بعد فترة قريت عن زيت موتركرافت وجربت 5w30 وكان رائع جداً (قبل سنتين تقريبا)
بعدين جربت موتركرافت لزوجة 5w20 وكان زيت خورافي المكينة هادئة ، توفير ملحوظ في البنزين ، السيارة نص دقيقه وتحمى في الصبح بسبب سرعة تدفق الزيت ، مشيت عليه الى ان انقطع من السوق .
الان استخدم زيت ايسيديلكو الجديد بمواصفات ديكسوس 5w30 سعر العلبة ٢٤

للمعلومة وفي ما يتعلق بدرجة الحراراة في كاتالوج
الهوندا كاتبين تغيير الزيت في الظروف الشاقة كل 5000
وحددوا من ضمن الضروف الشاقة القيادة في درجة حراراة
أعلى من 35.

#

يعطيكم العافية ياشباب , بس انا لو بركبه بركب عند بترومين حقهم
لاني كنت ناوي على موتر كرافت ودورته وماحصلته
واكتشفت اني حتى لو حصلته مو كل البناشر يرضون يغيرون لك زيت
جايبه من برا مو حقهم
والي يرضى ياخذ شغل يد ما بين 25 الى 30 والشيء ذا مادخل راسي

بانتظار تجارب اخرى لنفس الزيت من بعض الاخوان

يعطيكم العافية على الموضوع




يقولون انقطع هالزيت من السوق

من وين تاخذه ومن وكيله؟

استخدم

10w40

تويوتا افالون

انا استخدمة
5w30
5w40
10w30
10w40
20w50

طبعا الزيوت الي استخدمتها
بداية 20w50 وكان الحمراني يوصي فيه فوكس سوبر جي تي
سبب تغيره لانه كان جدا ثقيل على طرمبة الزيت
بعدها جربة كاسترول 10w30
كان جيييد نوعا ما
لاكن بعد تغييره بنوع
فوكس 10w30 صار افضل
وعزم السياره كمان افضل
طبعا 20w50
فيه فرق عزم غير طبيعي والموتر اشبه انه مكتوم
بعدها بداية في الزيوت التخليقية
كاسترول ماجنتيك 10w40
كنت اغير الزيت مابين 8000-10000
طبعا مع اول التجارب كان بطل
واستخدمته لفترة تقارب سنة ونص
واخر مرتين اغير فيها
كان سيء جدا افك الزيت على 5000 كأني ماشي 10000
الزيت حالته يرثى عليها
بعدها جربة توتال 5w40
وكان صراحة بطل وسعر العلبة من المستودع 30 ريال
لاكن بعدها حولنا على افضل زيت جربته
موتر كرفت جربة 5w30 وكان بطل جدا جدا واغيره على 7000
طبعا بعدها غيرت 10w30 لان ماحصلت ويوصل اليوم الي بعده
وانا لازم اغير الزيت لان يومها فترة الاختبارات على ابوابها وما راح يمديني
اغير زيت
سعر كرتون موتر كرفت 5w30 مايزيد عن 210 ريال وفي البناشر العلبة 30
فرق اكثر من 12 ريال في العلبة
اخذت كرتونين موتر كرفت 10w30 وكان نفس الشي ابداع
ومستوى السياره بطل جدا جدا
واغيره كل 5000
نصيحتي للكل يبعد عن كاسترول
خصوصا ماجنتك لان مادري ينزل مغشوش او ايش حكايته
وافضل وارخص زيت الى الان يعتبر موتر كرفت

ماتقوله غير صحيح
افتح كاتالوج السيارات الحديثة ستجد ان اللزوجة التي تقولها لاينصح بها لانها ثقيلة
مكينة السيارة لاتعترف بالجو الخارجي والدليل امبير الحرارة
رديتر السيارة مسؤول عن ثبات حرارة المكينة على درجة حرارة معينة سواء كانت الدرجة الخارجية باردة او حارة

انا اول مرة استخدم 5w-30 لسيارتي GX460
وماشي علية 6الف كيلو والى الان لم اقم باتشيك على مستوى الزيت
الي طبعا هو كاسترول

20/50 هو افضل زيت لآجواء المملكه الباقي مصاريف زايده على الفاضي لزوجة الزيت مهمه لما تكون في دول اجوائها ثلجيه لكن عندنا نركب السياره نصير نحنا لزجين

نعم أنا استخدمه لسيارتي اكورد 2012 بترومين a1
استخدمته والسيارة ماشية 50 الف والحين ماشية السيارة 113 الف واغيره كل 10 الف والزيت وقتها لازال محتفظ باللزوجة يعني اتوقع يمشي اكثر من كذا بس اني ماجربت امشي عليه اكثر من 10 الف
المهم انه تعاير مستوى الزيت اول بأول