طقطقة الكفرات الأمامية و رجة الدركسون - جراند شيروكي 2012

MR.307 @user_993 · 12-10-2014

السلام عليكم ورحمة الله ..

عندي مشكلتين في السياره ، الأولى قديمه ولسى ما لقيت لها حل وهي صوت طقطقة كأنه حديد يضرب في بعضه في احد الكفرات الاماميه و وديتها الوكاله المره الأولى قالوا لي المساعد خربان وغيروه و فتره بسيطه ورجع الصوت اكثر من قبل وكل مره اوديها لهم يقولوا السياره سليمه مافيها شي وانا لسى اسمع الاصوات لين مليت ومشيت. الصوت يطلع لما امشي على سرعات بطيئه حتى وان كان الشارع مستوي + المطبات ، علماً ان الصوت احياناً ما يطلع.

المشكلة الثانيه ، اني صرت الاحظ وجود رجة في الدركسون من سرعة 110-125 وبعدها تروح الرجه ، سويت ترصيص و غيرت مواقع التواير ، صارت السيارة ترج من ال 100 للـ 130 ولما توصل لل 120 ترج السياره بشكل واضح.

السيارة هي جراند شيروكي 2012 اوفرلاند ( تحتوي على هيدروليك يعلي ويهبط السيارة)

تحياتي

sss404 @user_50526 · 08-11-2014

نفس الصوت طالع عندي وسيارتي جراند شيروكي 2014 جديده ماشي بس 300 كيلو

MR.307 @user_993 صاحب الموضوع · 21-10-2014

s

speeed1

حسب ما فهمت من وصفك على اللفات تحس حديد يضرب بحديد ولما غيرت المساعد خف

غالبا كراسي المساعدات

شيك على الكراسي و حرك الدركسون وخلي واحد يشوف المساعدات من فوق اذا بتححرك بفضاوة يعني الكراسي مكسورة

لا مش عند اللفات ، في المطباات وفي الشوارع اللي فيها تعرجات طلعات ونزلات ، والصوت مثل سبارنج السرير

speeed1 @user_47102 · 21-10-2014

حسب ما فهمت من وصفك على اللفات تحس حديد يضرب بحديد ولما غيرت المساعد خف

غالبا كراسي المساعدات

شيك على الكراسي و حرك الدركسون وخلي واحد يشوف المساعدات من فوق اذا بتححرك بفضاوة يعني الكراسي مكسورة

MR.307 @user_993 صاحب الموضوع · 21-10-2014

ركب المقصات سليمه ومافيها شي :)

وما زالت المشكله ..

يقول يمكن الصوت طبيعي ومالك الا تنساه

MR.307 @user_993 صاحب الموضوع · 20-10-2014

يعطيكم الف عافيه ، بطلع لورشة التربيط بكره او اللي بعده وان شاء الله نكون القضيه حلها سهل

عبدالعزيز 8 @user_231972 · 20-10-2014

شيك على الفحمات وتأكد من وجود الكلبسات الحديد اللي تثبت الفحمات
وما يمنع تسوي تربيط للجزء الامامي للسيارة
مع التأكد ان الكفرات سليمه ما فيها سلخ او تحبيل

super_safari @user_201024 · 20-10-2014

نعم الآن واضح وصفك أخوي.
و هذه ركب المقصات 100 % . يكون فيها فضاوة و تقدر تكتشف الفضاوة حتى و السيارة على الأرض بدون حفرة و لا ميزان. و بالحفرة أسهل و أوضح طبعًا.

MR.307 @user_993 صاحب الموضوع · 20-10-2014

توضيع للصوت ، واحد من الشباب قال لي انه مثل صوت سبرنق السرير القديم لما تطلع عليه :)

اتمنى انه وضح الصوت كذا :) واتطلع لمساعدتكم

MR.307 @user_993 صاحب الموضوع · 18-10-2014

الحين كلمني صاحب الورشه ، يقول شيك علي كل شي العضلات والمقصات والاذرعه والجامبينات وكل شي سليم ومافيه اي شي خربان مع ذلك يشيك عليها و يطلع الصوت من جديد !، شي يحير !

MR.307 @user_993 صاحب الموضوع · 18-10-2014

يعطيكم العافيه يا شباب ، اليوم الصباح اخذت السياره لورشة يشتغلوا فيها شباب سعوديين ، واحد منهم سمع الصوت قال يمكن من عمود التوازن ، بيشيك الاذرعه و العمود وبيعطيني خبر وان شاء الله المشكله تكون بسيطه ..

اوافيكم بالجديد لاحقاِ و مشكورين جميعاً

aaaoh @user_304598 · 17-10-2014

رجة الدركسون اكيد 100% من الاذرعه شيك عليها واحيانا تطلع صوت مع المطبات والحفر

super_safari @user_201024 · 17-10-2014

لم أفهم كلمتك "السبندل". وسيارتك بدري عليها بالتربيط. هو يمكن قصده جلد الشاصي!
بالنسبة للرجة لا داعي لأن تتطرق للفرامل طالما الرجة تأتي في المشي و ليس عند الفرملة.
طيب إيش قالوا عن الأذرعة ؟ الآن تذكرت أن حصلت معي مشكلة في نيسان باترول بحيث تاتي رجة شديدة جدًّا و مفاجئة بعد سرعة 100 و كان السبب الأذرعة.

MR.307 @user_993 صاحب الموضوع · 16-10-2014

عزيزي سوبر سفاري ، وديت السياره لميزان اليوم وقال احتمال يكون الصوت من السبندل ونصحني اخذها لمحل تربيط وأشوف.

وعن الرجه ، الكفريات والجنوط سليمه أتوقع يكون من القماشات لآني اسمع لها صوت لما ادعس فرامل ، وإلا مستحيل ؟

مع ذلك وديتها لترصيص ارضي بس ما يسوونه لي لان السياره فيها هايدرولك.

اي نصائح او تعليقات ؟

MR.307 @user_993 صاحب الموضوع · 12-10-2014

s

super_safari

و عليكم السلام و رحمة الله و بركاته

الوكالات لا تجد منهم سوا التهرب كما تعودنا أن نسمع للأسف. روح لمحل ميزان و نرجو أن يستطيع اكتشاف السبب. و بعدها إذا سيارتك على الضمان روح انشب للوكالة و أخبرهم عن الشيء الي ما قدروا يكشفوه.
صوت الحديد إذا كان غير مع اهتزاز السيارة فربما يكون سلك متدلي من داخل الرفرف و يصير يضرب بالرفرف , و هذه تحصل كثيرًا.
و إذا الصوت يأتي مع الفرملة فهذا من مسمار الكليبر.
و إذا مع الانطلاق فيكون من جلد المقصات أو الركب
و الله أعلم , و تحتاج نظر في الميزان للمحور الأمامي كاملاً. إذا تسمع الصوت من الخلف فهذا شيء آخر.

الرجة على هذه السرعة لها أسباب:
1- استهلاك الكفرات , و هذا شيء طبيعي لأن الاستهلاك لا يكون منتظم.
2- تحبيل على دعسة الكفر و ليس على الجانب.
3- أحد الجنوط فيه ضربة.

أيضً محلات الميزان تكشف ذلك.

يعطيك العافيه عزيزي ..

صوت الطقطقه لما اصعد ع المطبه و الا لما امشي بسرعه تحت ال 20 اسمع الصوت ، ،اما من ناحية الرجه فالكفرات جديده مالها 6 اشهر ، اتوقع اما ضربه في الجنط او شيء من هذا القبيل

super_safari @user_201024 · 12-10-2014

و عليكم السلام و رحمة الله و بركاته

الوكالات لا تجد منهم سوا التهرب كما تعودنا أن نسمع للأسف. روح لمحل ميزان و نرجو أن يستطيع اكتشاف السبب. و بعدها إذا سيارتك على الضمان روح انشب للوكالة و أخبرهم عن الشيء الي ما قدروا يكشفوه.
صوت الحديد إذا كان غير مع اهتزاز السيارة فربما يكون سلك متدلي من داخل الرفرف و يصير يضرب بالرفرف , و هذه تحصل كثيرًا.
و إذا الصوت يأتي مع الفرملة فهذا من مسمار الكليبر.
و إذا مع الانطلاق فيكون من جلد المقصات أو الركب
و الله أعلم , و تحتاج نظر في الميزان للمحور الأمامي كاملاً. إذا تسمع الصوت من الخلف فهذا شيء آخر.

الرجة على هذه السرعة لها أسباب:
1- استهلاك الكفرات , و هذا شيء طبيعي لأن الاستهلاك لا يكون منتظم.
2- تحبيل على دعسة الكفر و ليس على الجانب.
3- أحد الجنوط فيه ضربة.

أيضً محلات الميزان تكشف ذلك.