رايكم ؟ يوكون او باترول 2015

بالنسبة لي الباترول افضل حتى من ناحية الشكل


الشكل الجديد حق اليوكن قبيح جدا ولكن لا انكر مواصفاته الجبارة بالذات فئة الدينالي

من ناحيتي الباترول وانا مغمض وياحبذا لو كان بلاتنيوم.

بالتوفيق اخي ويفضل انك تجرب السيارتين قبل كل شي لفترة من اسبوع الى اسبوعين
وترا ايجابيات السيارتين.

اليوكن والباترول مواتر قوية وجبارة

يارجل المشكله مو بهاذي
المشكله انهم مو متقبلين ان اليوكون او جي ام بشكل عام بدت تركز على سياراتها من ناحية الجودة والاعتماديه وغيره وهذا ملحوظ بالنسبة لنا

لكن ان كانت شركة اخرى وبدت تحسن وتدارك بعض سلبياتها صار فيها قبول وغير ذلك

المشكلة فيه تحامل غريب وفي النهاية محد بطالع بشي يستفيد منه مادياً من خلال هذا الشيء

ولدينا تجارب مع هاذي السيارات للجيل اللي قبل واللي تعتبر اقل مستوى من الجيل الجديد 2015

يوكون 2007 وتاهو 2009 ويوكون اكس ال دينالي 2010 ويوكون اكس ال 2012 ومازالت موجوده مع اصحابها
والان انظم تاهو ال اس 2015

^
اتفق معك
جربت جموس كثيره من مستعمل لجديد .. عرفت ان اغلب او كل الناس تستخدمه بدون صيانه او عنايه او اقل شي اهتمام .. لانه متعود ع الياباني .. والامريكي لاعطيته واحد فاهم له
ابصم لك بالعشره يعيش اطول عمر من الياباني !
بخصوص نفض الجيب بالورش للسيارات الامريكيه
ممكن جمس يدخل عشر مرات ورشه .. وموتر ياباني يدخل مرتين للورشه
واحسب التكلفه .. لو بحسبها طلع الجمس ارخص تكلفه مع انه يدخل الورش اكثر !! مقارنه التكلفه
كلامي عن غلا قطع الغيار + التكلفه قريبه من الجمس او اغلى
قارنها بلاند مثلا
تكلفته عاليه بالصيانه من تجربه
سبق كان معنا لاند ضربت طنجره القير وهو ماكمل 40 الف !
وانا ماعرف بالتويوتا .. رحت لافضل ورشه معروفه بالقصيم ويجيها ناس برا القصيم
اسمها الشيبان .. قال عيب بالجيوب كلها
من 2008 وهو يصلح طنجرات الجيوب بكثره
والتكلفه !! اوضب قير جمس 3 مرات اوفر !
وسالت منتدى مختص بالتويوتا نفس الكلام .. بغض النظر عن العيوب الاخرى

اما الباترول بنظري هو ملك الفئه بلا منازع .. حتى اللكزس
لكن يبقى عيبه الكبير الوكيل .. اخسر الموتر ولا اخسر الوكيل

ابو اسد

اعرف انك شخص عقلاني وفاهم
وتملكون يوكون من الجيل السابق اللي تغير من 2007
وانك احد الافراد اللي تحترم علامة جي ام سي ولها مكانه بالقلب عندك :tongue:

لكن قضية انه صديق الورش وغيره وتشوف ان الموديل الجديد ان غير اعتمادي رغم اختلافاته الجذريه الحاصله من تحسينات ورفع مستوى الجوده تقول ان السياره من سياق كلامك ومفهومه انها غير عمليه
هذا الشي الواحد مايتقبله ابداً

السياره صارت افضل من سابقتها لموديل 2015 وانت تعرف ان الشركة مرة بمرحلة فساد نهش فيها من ايام التسعينات
والان الوضع بدا يتدارك ويتحسن بشكل ملحوظ

نيسان باترول الشكل الحالي تحسن بشكل كبير من ناحية الجودة والاعتماديه والتقنيه مقارنة بالموديل السابق

فليش هذا الشي ماينطبق على جي ام سي او حتى نتقبله ؟

كلامك لا غبار عليه و أنت ما قلت شيء خطأ و لم تكن من المقصودين
على فكرة أنا أفضل الباترول على اليوكن :xyxthumbs:



الموديل الحالي فيس لفت لهذا الموديل


و يا أخي الباترول ماهو توه طالع للدنيا علشان تقول لي في سنة واحدة حقق مبيعات نصف اللاند كروزر !!!

سؤالي واضح : ليش الباترول لم ينتشر كنسبة إنتشار الألتيما و الماكسيما ( و هم لنفس الماركة و الوكيل ) لهذا الموديل و لم يبدأ بالإنتشار إلا في المديل المحسن ؟!
اعتبر كلامي كله خاطئ و مغلوط بس جاوب على هالسؤال

أنا لا أنكر تاريخ باترول فـ بنظري أقوى باترول للإعتمادية هو باترول سفاري الموديل اللي قبل الحالي
و لو كنت أنا مكان صاحب الموضوع لوضعت الـ 220 ألف ريال في الباترول :xyxthumbs:



أخي أبوأسد أنا لا أكذبك ولكن أبي أشوف اللي تشوفونه
أنا أقابل ناس تواجه مشاكل بس بعد الأسئلة يطلع المشكلة منه هو
يا سوء إستعمال و عناية أو عدم المعرفة بالمركبة

على سبيل المثال توه قبل شهر ونص كنت أبدل شدادات سيور للمكينة و كان واحد يسوي لسيارته صيانه بنفس الورشة عنده كابرس بوحديدة :bigggrin: فصار الكلام بعد السلام و سألني الموتر ما تعبكم بطرمبة البنزين ؟
على طول رديت عليه موديل اللي عندكم 2003 و تحت صح ؟
إستغرب و قال لي إيه صحيح
كم ماشي ؟
فوق 200 ألف
غيرت فلتر البنزين و متى أخر مره ؟
الإجابة كانت صادمه ! ؛ الفلتر من نفس الطرمبة و غيرناها 3 مرات
لحظة ! الآن شريت ثلاث مرات الطرمبة ما لاحظت ان الفلتر ماهو موجود فيها !!!
رد علي يقول على حد علمي إنها بنفس الطرمبة
قلت له يا سبحان الله شغله قيمتها 25 ريال كلفتك أكثر من 3000 ريال لا يا الأخو الفلتر مفصول و خارج التانكي و قيمة الفلترب 25 ريال أبو صاحبي معاه واحد موديله 2003 ليومك ما إشتكى إلا من إنخفاض طاقة المحرك لأن شوية موية لامست أسلاك كهرباء عند غسيلها بمغسلة و اليوم الثاني إختفت و الموتر صاحبي مستلمه تفحيط

أتمنى فهمت مقصدي
أنا لا أكذبك ولكن ودي أشوف ناس واجهو من تخبيط و ما إلى ذلك
و بالنسبة لموقفك بصراحة محرج جداً جداً أقدر شعورك لو أنا مكانك أتوقع كرهت الأمريكي من أوله لأخره
و الحمدلله لا أنصح أحد بنصيحة إلزامية و إنما أُخيره مثلا هذه تجربتي و هذه تجربة فلان إنظر من الأصدق و إحكم بنفسك و إختر

أرجع و أقول أنا أفضل الباترول على اليوكن :xyxthumbs:

ما شاء الله عليك يا ابو اسد

طيب فئة البلاتينيوم باترول بكم ؟
ووش يفرق مواصفات عن SE2
ووش اعلى البلاتنيوم ولا LE ?

وشكرا لك

ماشاء الله عليكم
تفاعل جميل وفعال

الاغلبية صوتهم للباترول بس مو السياحي
وانا جديا بديت افكر بالباترول se
لكن شكله له خمس سنوات !!
ننتظر نصائح واقتراحات أخرى

تنصحوني اخذه من الوكيل او معرض ؟
وكم يطلع الفرق مابين الوكالة والمعارض ؟
هل فيه معارض للباترول ثقة في جدة وسعرها مناسب

د

د. عادل

كلام جميل

بما ان المعارض ارخص بفكر بالمعارض وارد خليجي

للحين محتار

نتابع اقتراحاتكم ونشوف وين الخيره فيه

شوف أخوي د. عادل

مثل ماقالك كومبو11 ومثل ماذكرت لك بردي السابق هذي السيارات تطول ماتتغير تغير كامل ممكن فقط تغير جذري ولكن ليس كلي وهي أصلا توها متغيرة تغير جذري أبتداءا من عام 2014

المعارض نفس وارد العيسى ألاحظ عندنا بالرياض أرخص بفرق يصل تقريبا إلى 7 ألاف ريال
الخليجي ممكن أرخص منه والخليجي يشمله الضمان غصب عن الوكالة رغم ساعات يستقعدون لبعض الناس لكن تلفون لوزارة التجارة يترجونك بعدها ليش دقيت عليهم ماكان له أي داعي :smilie16:

مشكلة ودي أرسلك لمعارض أعرفها لكن الي أعرفه بس بالرياض :smilie16: ما أعرف أي معرض بجدة

عموما أن كنت بديت تفكر في SE
أنصحك تفكر من SE2 وأعلى والسبب
أن مواصفات SE2 تجي الأسطبات الامامية LED بعكس SE1 الخلفية فقط
أضافة في SE2 تشغيل عن بعد ومواصفات أخرى
بأمكان تشيك على بقية المواصفات والفروق من هذا الرابط
http://www.nissan-alissa.com/Vehicles-ar-New_patrol

وأرجع أقولك أن كنت تبي تشتري خليجي تأكد أنه فعلا خليجي بأخذ رقم الهيكل والمرور لوكالة العيسى وتأكد أنه يشمله الضمان أو لا بسبب مثل ماقلت لك سابقا الغير الخليجي زي العراقي وماشابه ماله ضمان نهائيا وتجيك أرخص بكثير حتى أرخص من الخليجي وشكل السيارة من الخارج لا يختلف أبدا من الخليجي والسعودي

نصيحة أخرى

أذا تبي الراحة حتى بالشوارع

أبتعد عن جنوط 20 فترى من زملائي الي مجربين السيارة أن جنوط 20 مطبها قاسي بالشوارع وحتى بالبر لذلك فئة SE2 خيار جدا جيد
ميزة جنط 20 أنه اكثر ثبات فقط لكن ضريبته أنه أقل راحة بالمطاب والطرق المكسرة وماشابه ... الخ

أو أبحث عن فئة LE1 أبو400 حصان فئة سياحية جدا لكن مواصفاته زي SE2 تقريبا بأمكانك تتطلع بنفس المواصفات بالرابط الي حطيته بالأعلى لكن محرك أقوى قير 7 تغييرات بدون هيدروليك وجنوط 18 هذه الفئة والي ودي أستبدلها بسيارتي مستقبلا العيب قيمتها عندنا بالوكالة رسميا في 243 ألف بينما بالمعارض ممكن تحصلها بـ 236 ألف (لكن هذي الفئة قليل جدا توجدها عندنا) وبينما تباع نفس الفئة بقطر بـ 213 ألف بالريال قطري (طلع بعد التحويل للريال السعودي 219 ألف وكسور)

وعلشان تكون على قرار تكون مطمئن عليه
جرب السيارتين اليوكون والباترول وشوف فرق السواقه بينهم الي ترتاح لهم أكثر ولا تنسى الأستخارة

A

AGENT_63

أبي مره أقابل شخص وجه بوجه يشتكي فعلاً من اليوكن و أنه حبيب الورش و نافض مخابيه :confused1:

إحنا عندنا يوكن طويل و إذا شفت أحد معاه جمس ولا شفر كبير بمكان أسأله عن سيارته و كيف هي
كلهم يمدحونه و يصفونها بالخدومه و أقول لهم طيب أنا أقرأ ناس كثيرة تقول إنها كلها مشاكل يردون علي بإبتسامه و يقول لي كلام جرايد و إبعد عن القيل و القال
و مره قابلت شريطي مخابيه كلها مفاتيح تويوتا بالتوكيلات العالمية جاي ياخذ تاهو الجديد و عنده جكسار قال لي من أردى السيارات ذي و هو يناظر بسارته واقفه برا
قلت له ترا أصحاب تويوتا ما يعجبهم الأمريكي عندهم التويوتا عال العال فما أنصحك تاخذ التاهو لأن حاط في بالك غنه راعي خرابات
ضحك و قال لي ترا عندي تاهو 2011 شاريه مستعمل و إحنا أربعه جالدينه جلد ما يبي غير زيت و قطرة بنزين غير ذا ( و هو يناظر اللاند موديله 2011 ) بربع مليون شاريه جديد من الوكاله و بدلت صوف المكينة و القير مرتين ذي السنة سيارات أبو كلب بس وش نسوي الناس ما تدور إلا الردي فما لنا إلا نشتريها و نبيع فيها
" هذا الكلام نقلاً عنه "
و الرجال جاي يدل لاند كروزر بتاهو 2015 و علق ربع مليون بمواصفات أحسن من الهندل

و أما الباترول صحيح موتر جبار و لكن تجحفون في اليوكن جحف لتلميع الباترول !
نسينا كثرة مشاكله بالمنتديات و صار ماله مبيعات هنا عندنا بسبب مشاكله اللي تدوخ الراس ؟؟!
لا لا تقول لي وكيل سيء شوف الماكسيما و الألتيما كيف منتشرين إلا الباترول توه هه بدأ يظهر بعد التحسينات
طيب وكيل سيء !! ما تقولون لي ليش سيارات كرايزلر قروب منتشره رغم وكيلها السيء و تاريخها الأسود عندنا !!! :rolleyes1:

بتلمع و تصبغ في سيارة على حساب سيارة أخرى لا أعتقد هذا من الإنصاف و الفطنه

اخوي AGENT_63

أذا أنت ماشفت أحد معه مشاكل فتحمد ربك

أنا مقتنع أن السيارات توافيق من الله

فيه ناس كثيرين يشترون سيارات فتجي الي يلعن خير الموتر بالكرف موتره عال العال والي يحافظ عليه أنواع المشاكل والبلاوي

المقصد بكلامي كله الي قلته سابقا ليس أني ألمع الباترول نهائيا بل ماقلته واقعيا وأنا شخص شفت بكم واحد عنده مشاكل فمو ضروري نعيد النقاش بكل مرة بهذا الموضوع

أنا ناصح واحد بيوكون دينالي عام 2007 وبعد فترة بسيطة من أستخدام الموتر أعتقد ماكمل نص سنة جاني يقولي ترى الموتر مخبطة مكينته!!! والموتر تقريبا ماشي 20 ألف فقط, تعرف وش وضعي أنه جاي مستشيرني أني فاهم بالسيارات وقايله لا تبعد عن اليوكون :c0038:

عندنا يوكون 2007 والله مبتلشين به في البيت نبي نتخلص منه لكن من يبي موتر يمشي نص ساعة ثم يطفى من نفسه؟! هذا بعض التوضيب بسبب التخبيط المفاجئ الي صار بعد 50 ألف فقط؟!

غير الي ضارب قيره وأعرفه شخصيا و.... ألخ
وللمعلومية لا أتكلم فقط عن مشاكل رأيتها كانت محصورة بأول موديل نزل للجيل السابق من اليوكون لأني شفت حتى 2011 وأعلى

شوف كل السيارات فيها مشاكل
حتى الباترول فيها مشاكل لكن ماتقارن أبدا بجنرال موتورز

وكثر مخلفات جنرال موتوزر بالخرابات مابعد شفت مثلها حتى الأن :a120(115):

لذلك يتوجب علي تحذير الناس منها سواء أنت رأيت ذلك أم لم ترى ذلك :c0214:
وليس لتلميع ماركة ثانية سواء أمتلكها أو لا

وللمعلومية فقط
نظريتي الي أنت تشوف كاتبها بالأعلى ماراح تتغير لأني ماجبتها من راسي بل من شيء شفته بنفسي إلا كانك ماتبي تصدقني فهذا شيء راجع لك

معليش اخوي ... هذا الكلام اول مرة اسمع به
مشاكل للباترول الجديد وش كثرها !!! وتدوخ الراس !!! وعلشان كذا ماصارت له مبيعات !!!!!
من وين جايب هالكلام!!!

مشاكل الباترول اراهن على انها الاقل في فئته وحتى نوعية هالمشاكل اقل اهمية من مشاكل منافسينه
هذا من ناحية المشاكل اما الانتشار فالباترول خلال عام واحد فقط وصل لنصف مبيعات لاندكروزر الاكثر مبيعاً في فئته
والعاقل يعرف ان بهذا الرقم حقق إنجاز صعب جداً ..
ولو كان الباترول سيء كما ذكرت لما حقق هذا الرقم الصعب في المبيعات في كل دول الخليج

اخيراً باترول له سمعة قوية جداً في المنطقه وتاريخ مبيعاته مشرف جداً
ونيسان تراهن عليه دائماً

اما ان نطمس الحقيقة بكلمتين فهذا عجيب وغريب

كلام جميل

بما ان المعارض ارخص بفكر بالمعارض وارد خليجي

للحين محتار

نتابع اقتراحاتكم ونشوف وين الخيره فيه

انصحك تشوف دوبزيل الامارات وتقارن بالاسعار
السيارات خليجية اما بهوان اووالعربية للسيارات وجميعا خليجية بضمان للشرق الاوسط 3سنوات
اي مكان تدخلها للصيانة

هدي الوضع هههههههه
انا ذكرت نقطة ايجابيه للباترول
ولاكن هذا الشي ماينقص ولايعيب اليوكن بشكل كامل
كل السيارتين فيها مميزات جباره وشكل حلو
ولاكن في احيانآ مميزات اساسيه تنحسب للسيارة عن أخرى
على سبيل المثال الامان وووو
وانا ذكرت نقطة التعليق في الباترول انه منفصل ( مقصات )
وهذا عيبه الوحيد ان السيارة تنزل من الخلف مع الاحمال الثقيله
بس مع سيارة بحجم الباترول وارتفاعه مايعتبر عيب
انا موجود في موتري التيما ( مقصات خلفية ) واعاني وقت التحميل
لانها سيارة سيدان ولاهي فئة الجيوب
وبخصوص العيسى اعطوه فرصة وراح يثبت نفسه
لانه من واقع تجربة اسعار قطع الغيار عنده ارخص من الموزعين والمحلات الاخرى
الله يكون بعونك ياصاحب الموضوع
لاني لو كنت مكانك اليوكن بصراحة 2015 ابداع
والباترول موتر بعد

عادي خمس سنوات على هذا النوع من السيارات لا يعيبها التغيير سيكون بعد 3-4 سنوات كحد أدني
الموضوع راحة شخصية يعضهم يوسوس إذا شراء من المعارض لو طلع أي صوت مثلًا أو خراب مثلاً
هذا أفضل له أن يشتري من الوكالة أريح له أنا شخصيًا خلال 10 سنوات الماضية اشتريت 12 سيارة لي وللوالد ولأخواني كلها من المعارض إلا البي إم لأنها ما توفرت بالمعارض (باختصار لأنه كانت أرخص)
الفرق يفيدونك أصحاب الباترول وأنت ابحث
ما فيه معارض ثقة ومعارض نصابه
أنك توقف على السيارة وتتأكد من من السيريال نمبر على السيارة ومطابقته مع العقد اللي بينك وبين المعرض وتستلم الوصل بالسداد وتتأكد من وضع السيارة خاصة بالخدوش أو نواقص هذا يكفي
فيه معارض تكون مشهورة بالنيسان راجع موقع حراج

ماشاء الله عليكم
تفاعل جميل وفعال

الاغلبية صوتهم للباترول بس مو السياحي
وانا جديا بديت افكر بالباترول se
لكن شكله له خمس سنوات !!
ننتظر نصائح واقتراحات أخرى

تنصحوني اخذه من الوكيل او معرض ؟
وكم يطلع الفرق مابين الوكالة والمعارض ؟
هل فيه معارض للباترول ثقة في جدة وسعرها مناسب

إذا هذي خياراتك فقط فأنصحك بالباترول

والله الاعضاء ماقصروا صراحه
بس نقطه اضيفها وهي حق تجربة السيارتين او استأجرهما من محلات التاجير .. قد لا تجد نفس الفئه المطلوبه لكن راح تعطيك انطباع عام عنهم ..
وصل الاستخاره وشوف وش ترتاح له وشي مهم راي العائله :xyxthumbs:

أبي مره أقابل شخص وجه بوجه يشتكي فعلاً من اليوكن و أنه حبيب الورش و نافض مخابيه :confused1:

إحنا عندنا يوكن طويل و إذا شفت أحد معاه جمس ولا شفر كبير بمكان أسأله عن سيارته و كيف هي
كلهم يمدحونه و يصفونها بالخدومه و أقول لهم طيب أنا أقرأ ناس كثيرة تقول إنها كلها مشاكل يردون علي بإبتسامه و يقول لي كلام جرايد و إبعد عن القيل و القال
و مره قابلت شريطي مخابيه كلها مفاتيح تويوتا بالتوكيلات العالمية جاي ياخذ تاهو الجديد و عنده جكسار قال لي من أردى السيارات ذي و هو يناظر بسارته واقفه برا
قلت له ترا أصحاب تويوتا ما يعجبهم الأمريكي عندهم التويوتا عال العال فما أنصحك تاخذ التاهو لأن حاط في بالك غنه راعي خرابات
ضحك و قال لي ترا عندي تاهو 2011 شاريه مستعمل و إحنا أربعه جالدينه جلد ما يبي غير زيت و قطرة بنزين غير ذا ( و هو يناظر اللاند موديله 2011 ) بربع مليون شاريه جديد من الوكاله و بدلت صوف المكينة و القير مرتين ذي السنة سيارات أبو كلب بس وش نسوي الناس ما تدور إلا الردي فما لنا إلا نشتريها و نبيع فيها
" هذا الكلام نقلاً عنه "
و الرجال جاي يدل لاند كروزر بتاهو 2015 و علق ربع مليون بمواصفات أحسن من الهندل

و أما الباترول صحيح موتر جبار و لكن تجحفون في اليوكن جحف لتلميع الباترول !
نسينا كثرة مشاكله بالمنتديات و صار ماله مبيعات هنا عندنا بسبب مشاكله اللي تدوخ الراس ؟؟!
لا لا تقول لي وكيل سيء شوف الماكسيما و الألتيما كيف منتشرين إلا الباترول توه هه بدأ يظهر بعد التحسينات
طيب وكيل سيء !! ما تقولون لي ليش سيارات كرايزلر قروب منتشره رغم وكيلها السيء و تاريخها الأسود عندنا !!! :rolleyes1:

بتلمع و تصبغ في سيارة على حساب سيارة أخرى لا أعتقد هذا من الإنصاف و الفطنه

نصيحة لوجه الله
ان بغيت تفتك من الاصوات والقرقعه والتردد على الورش بعد كم سنه وتفتك من البلاستيك الرخيص وريحته اللي اللاحظها في جميع السيارات الامريكية الجديدة صراحة شئ مضحك اليوكون والتاهو داخليته ربما تكون بمستوى السيارات الكورية او ربما اقل جودة
خذ باترول يكفي انه اوف رود حقيقي وليس سيارة للطرق المعبده مثل اليوكون
الباترول اجمل واقوى واكثر تحمل ورفاهيه واعتماديه من اليوكون حتى الراحة

انا راح افيديك بنقطه واحدة وهيا من صالح الباترول ومهمه
نظام التعليق الخلفي للباترول منفصل
وهذا يعطي ثبات افظل
وحتى لاقدر الله في حالة انسلاخ احدى الكفرات الخلفية فبعد مشيئة الله فهوا أئمن
وبينما اليوكن ثابت
وهذي اكبر مشكلة