مشكلة يوكن SLT 2013

انا با افيدك بتجربتي طلع لي صوت حك حديد تحت السيارة ماخليت ورشة ولا ميزان ما احد عرف المشكلة لين ما شفت موضوع يتكلمون عن هالمشكلة واللي هي بالهيدروليك مع المطبات يهز ويطلع صوت والحل افصل الفيوز حق الهيدروليك شفة بالكبوت رقم الفيوز 58 انا فصلته ماتغير علي اي شي بالسيارة ابد والصوت ماعاد طلع وبعد تقريبا 3 او 4 اشهر رجعت وركبت الفيوز واشتغل الهيدروليك ولا طلع الصوت وصلحت من ذا اليوم شلون اصلحت مدري بس اصلحت

سيارتك تعتبر جديده واستبعد خراب المساعدات الهيدروليك
ولو فيها أي خلل راح تولع عندك لمبة بالطبلون
وكذلك سوف يكون دينمو شحن الهواء للمساعدات شغال بأستمرار

عليك بالتالي:

1- فك الكفر الاستبنه وجرب السيارة

2- دينمو شحن هواء المساعدات اللي خلف الكفر الايسر الخلفي داخل الرفرف الخلفي بعض الأحيان يصدر صوت طقطقه اذا اشتغل
وعند تحريكه بيدك يختفي او يخف الصوت والحل تثبيت ماطور شحن الهواء .

3- فحص الكفرات لا يكون واحد منها محبل او منسلخ جزء منه وهو سبب الطقطقه.

بالتوفيق

اي سياره تفرغ الهواء من المساعدات تنزل
زي ماذكرت لك العطل مايبان في الفحص
هناك برمجه من المصنع وعن طريق ايسي ديلكو اون لين هي من يتحكم في المعطيات للمساعدات ودرجة نعومتها
اتوقع والله اعلم الاشكال من البرمجه
موفق

ياجماعة اللي عنده خبرة يفيدني المساعدات في SLT اذا فضت من الهوا تنزل السياره ولا شلون لاني فرغتها من الهوا ولا تحركت السياره

بارك الله فيك اخوي فحصت السبير وفكيت المراتب الخلفيه
بس اليوم اكتشفت شي بسالكم عنه محل الميزان شال الهوز حق الهوا في المساعدات وفرغها من الهوا المفروض السياره تنزل ولا لا ؟
السياره ماتحركت يقول المساعدات منتهيه وش رايكم مع ان الوكاله غيروها على كلامهم واذا كانت منتهيه يعني الوكاله نصبوا علي ولا غيروا شي
افيدوني بارك الله فيكم

اخوي دام الوكاله يقولون طبيعي خلهم يطلعون معاك بسياره ثانيه نفسه سيارتك و شوف اذا طبيعي ولا
هنا تقطع الشك باليقين
طيب فحصت السبير يمكن مو مجدود مثل ماذكرت او المراتب الخلفيه ماهي راكبه كويس في مكانها او في حاجه في الدرك العفريته ماهي مثبته بالشكل المطلوب و تتحرك
يعني شيك على هذي المخابي يمكن يكون في حاجه تتحرك مع المطب

يعطيك العافيه اخوي

ماخليت ميزان يعتب علي كلهم يسمعون الصوت بس مافيه شي واضح لهم
بالنسبه للاخ الكريم اللي يقول برمجة مساعدات جيت فحص الكمبيوتر اليوم وقال فصحت لك كمبيوتر قبل يومين لو المساعدات فيها شي يبين على الكمبيوتر الكراسي والشدادات كلها تمام
المشكله الوكاله يقولون طبيعي وكل فئة السياره فيها الصوت هذا بس ماني مصدقهم صوت طبطبه وطبيعي ماتجي
بارك الله فيك على الرد

صعب تحديد مشاكل الصوت بدون فحص

لكن اتوقع جلود عمود التوازن

الله يعطيك العافيه على الرد
المساعدات غيروها الشركه بعد شكوى عليهم ولازال الصوت
كيف طريقة البرمجه اللي ذكرت وتتوقع اليايات تتضرر من التخزين ؟