bmw الفئة الخامسة 2015

+11
والله صح بس هو شكله عاشق للبافاري

خذها مني المرسيدس E كلاس ستكون يخت متوسط الحجم ومتوقع انها تتسيد هذه الفئة لذلك انصحك بالانتظار واخذها

أخوي نصيحة إنتظر الجيل الجديد

السلام عليكم
اعتراضي على الصيانه المجانيه للاسباب التاليه
الصيانه لخمس سنوات او 100 الف
والصيانه كل 10 الاف

الفرامل تمشيك مالا يقل عن 60 الف كلم يعني راح تتغير مره وحده بس مجانا وهي تكلفتها ماتتعدى 1000 ريال
الزيوت والفلاتر ماتكلف ولا 500 كل 10 الاف و محطات بترومين معتمده عند وزارة التجاره

يعني 500x10 = 5000 ريال تكلفة الزيوت خلال اول 100 الف وضيف عليها 1000 فرامل صارت 6000 ريال
طيب ليش ادفع 25000 ريال مقدم وانا اقدر ادفع 6000 بدالها ؟ حتى لو وصلت الصيانات 10000 ريال يضل انت الكسبان
وتفتك من مشوار خريص والمواعيد وقرف الناغي

C CLASS سيارة صغيرة اذا بتتجه للمرسيدس اخذ E CLASS افضلك من C CLASS

ايه والله بس اتوقع المرسيدس بتفوز

ماراح يكررون غلطتهم في شكل الـ E Class اللي سووه في الجيل الحالي البشع القبيح

برضو المرسيديس e class راح يتغير شكلها في منتصف 2016 كموديل 2017 .... المنافسة كذا راح تكون شرسه لذا اتوقع الانتظار والمقارنة حينها

في منتصف 2016 بتتغير وتنزل موديل 2017

والله يا اخوي انا نفسك رحت الوكالة وحصلت 528 عليها كت M
وسعرها في الوكالة 260 الف بصراحه دخلت خاطري سئلت مسؤول المبيعات وقالي راح يتغير شكلها في 2018
حبيت احد يأكد المعلومة لاني مابي اغامر بسيارة راح تتغير بعد سنة ونص بهالسعر
او اخذ C250 الجديدة ياليت احد يشور علينا

لان الصيانات سعرها بايخ بصراحة

فيه صيانة عندهم توصل 5000 ريال غير القطع :)


خلك عالصيانة المجانية واللي يغيرون لك القطع فيها وشغل اليد مجانا

اذا بنتكلم عن 100 الف بدون صيانة مجانية بتدفع مبلغ يقارب 30 الف عالصيانات

صيانتها بتكون مكلفة بشكل عام
لذلك ريح بالك وخذها بباكج الصيانة

اهم شي خذها بالمراتب الكومفورت
بتتعبك المراتب العادية

ويفضل ان المراتب تكون مهواة والجلد "نابا"
الجلد الستاندرد "داكوتا" سيء خاصة انك بتدفع مبلغ مو بسيط

هذي ابرز ميزتين افتقدتها في سيارة صديق لي ٥٢٣
لا تتخلى ابدا عن هالميزتين لانها اهم حتى من حجم المكينة


ونصيحة شيك على اودي A6 لانه بميزانيتك تقدر تاخذها بمواصفات أفضل بكثير من الفئة الخامسة
اضافة الى ان الاودي شكلها بيجلس ٣ سنوات اضافية عالأقل

موفق

لماذا عدم المخاطرة بالصيانة المجانية اخوي؟

حسب علمي اخر زياره قبل سنه لما الوالد اشترى ال X5
الفئة الخامسه
مافي محرك 2.8 ال 520 هي الاقل قير 6غيارات والمحرك القديم 180 حصان
528 نفس المحرك تيربو 4سلندر بس قوه اكبر 240 وقير 8سرعات 335 سته سلنر 3.0 تيربو

لا تخاطر بالصيانة المجانية ابدا

^^^^^^^^

بس الصيانة المجانية جدا ممتازة وهذا الشي يخفض تكاليف الخرابات او المشاكل بالمستقبل,

السلام عليكم

بالنسبه للبي ام الفئة الخامسه 4 سلندر تيربو نزل منها ثلاث فئات

برستيج وهي 520 اربعه سلندر تيربو ستاندرد
لقجري وهي 520 اربعد سلندر تيربو فل
بزنس وهي 528 اربعه سلندر تيربو فل

الفرق بين القجري والبزنس غير المكينه لان الأولى 2.0 والثانية 2.8
الالوان الداخليه والجنط ومكانية توفر كت M

الأسعار كالتالي

برستيج 190
لقجري 223
بزنس 250

الرأي الشخصي

تأكد من تغيير الشكل والغالب ماراح يتغير والأكيد ان الاسعار راح تتغير
يعني
اذا ما خذت البزنس الآن بـ250 ,,, احتمال تزل 2016 بنفس المواصفات والشكل بالضبط لكن بزيادة 15000 ريال

ملاحظه... تقدر تشيل الصيانه المجانيه وهذا راح يخفض عليك حوالي 20000 ريال..
وتقدر تجيب موظف بنك وتاخذها بأسمه وينقلها لك وراح تحصل على خصم حوالي 8000 ريال

التجربه الشخصيه

كان معاي 520 موديل 2008 اربعه سلندر بدون تيربو وكان ادائها فوق المتوقع
وحالياً افكر جدياً آخذ لقجري 2015


الله يكتب لك اللي فيه الخير

انصحك الانتظار واذا مستعجل انصحك بي فئة 535 اكثر عملية وقوة متوسطة,

واذا متوفرة بي بكج M5 اخذها بالبكج,

بالتوفيق.