اكيد اغلبكم شاف الموستنج الشكل الجديد على الطبيعه خصوصا بالمدن الرئيسيه بدأ ينتشر الله يبارك لي اصحابها
ولايخفاكم جمال الموديل الجديد ابدعو بالتصميم وصار الموستنج ارقى من قبل وصرت من عشاق الموس وقت
مازرت توكيلات الجزيرة بجدة وشفته ع الطبيعه اسر قلبي لدرجة اني كنت بتهور واحجز لي واحد حتى لو نقص
علي المبلغ ادبره وادخل بمتاهات لعيونه مع انه السياره اشوفها ماتناسب عمري واحس السياره حق مراهقين
بس العشق بلوه و ابي اجدد شبابي والي خلاني اعزم اكثر ان اللون الي ابيه متوفر ..
الشاهد انه كذا واحد نصحني اغض النظر عن السياره وماتصلح لك ومن ذا الكلام و بعضهم يقولون الكمارو الشكل الجديد اطلق انتظر لين ينزل , وماقدر احكم على الكمارو لين اشوفه على الطبيعه , شرايكم ؟ الكمارو يستاهل الانتظار , ولا الموستنج تشوفون انه اجمل ؟
هذي صور الموستنج GT
وهذا الكمارو ..
وهذا مقطع يختصر كل شي
https://www.youtube.com/watch?v=ZjiWKCYXQoM
ياليت كل واحد يقول وش يفضل !
