ماهو الافضل : سنتافي او باثفندر؟

يعطيك الف عااافيه اخوي على هذا الموضوع وباثفايندر تطورت بشكل واسع

السلام عليكم

بالنسبه للكوري اطلق عليه من دول اوروبا وأمريكا واليابان بأنه المارد

بصراحه الكوري سيارات جيده خاصه الهيونداي وأثبتت نفسها

لكن انا بالنسبه لي لا افكر اقتنيها نهائيا

النيسان انا شخصيا من الناس الي أكره التعامل معه على الرغم بأنه منافس تويوتا التقليدي

وسلامتكم

نعم نعم أخوي صح عليك أنت كويس مر على تصادم بالحقيقة وليس بالتجربة على توروس و السيارات الفخمة تشوف الخارجية راحية في أم أم أمها والداخلية ما صارلها شيئ
زي الباثفندر الخارجية راحت لكن الداخلية والي فيها الأرواح بقيت سليمة وغير كذه شوف الإيرباقت الي فتحت بالباث وشوف بالسانتافي أما سالفة الكوري أجود من الياباني يقال العقل زينة وانا اخوك هههههههههههههه حلوة هذه الكوري أجود من الياباني والمشكلة أنك مجرب

اسمحولي ياشباب انا قلت تجربتي لسيارات نيسان وانفنتي اللي حاب يصدق واللي مو حاب بكيفه انفنتي ممتازه لكن قطع غيارها وصيانتها في السعوديه سيئه جدا... نيسان امريكا من اسوأ السيارات ...الباترول فقط اللي اشهد له انه موتر في سيارات نيسان الحديثه ...هذا رأيي الخاص محد مجبر يصدقني ...
السيارات الكوريه الآن اجود وهذا الواقع كمان محد مجبر يصدق وهذا نتيجة اختبارات التصادم لسنتافيه واخذ 5 نجوم
https://www.youtube.com/watch?v=2pIMvd_8phU


وهذا الباثفندر
https://www.youtube.com/watch?v=up4BXbN1Vf0

الاحظ اغلب الردود تمدح الباثفندر ، اميل للباثفندر بحكم المجربين و الله يكتب اللي فيه الخير ،

اشكركم على تفاعلكم و تقبلوا تحياتي. و تقديري

اخوي سامحني مو تكذيب لك
اول شي كنت سابقا من ملاك الالتيما
وبعدها اصبحت سابقا من ملاك المكسيما
والان صرت متنقل بين نيسان وانفنتي
مابي اقتبس ردودك وكل يوم وانت مار على سيارة في الشركة

ثانيا سالفة ان السنتافي اجود من الباثفندر :a1120(121):
من متى صار هذا الكلام والسنتافي يعد من السيارات ذات الجودة العالية
روح اركب الموترين وبعدها احكم
حتى راحة المقاعد مافي مقارنة
هونداي لسى ماتعلمت تصنع مقاعد مريحة !!!
وخصوصا ان راكب الفئة الي تجي قماش
وهي اقل راحة كيف الجلد
سالفة ان نيسان الامريكي اقل جودة
وجودته رديئة
موتري الالتيما 2010 ماشي 240 الف
وانا والله ماني راحمة اطلاقا واعدل وافك التعديل من وهي ماشية 80 الف
والى الان صاملة وكل شي يشتغل فيها بدون اي مشاكل كهربائية او مكنيكية
وقلت كل شي شغال فيها لان فيها بعض التكنولوجيا ولم اعاني منها اطلاقا
الي ملكوا سوناتا 2009 وكانو نفس طريقتي في القيادة
والله غيروا المكينة على 130 الف
والي عندهم 2010 الشكل الجديد حتى العكوس مغيرينها وانا لسى والله شد بلد
ماغيرتها
كل الي جربوا الباثفندر يقولوا مركبه مريح وهدوئة جدا بطل ونعومته
وتجي وترد وتقول جوده رديئة بلا تجربة :a1120(121):
لا والكوري اجود :smilie16:

الباثفايندر قيادتها ممتعه ومساحتها الداخلية رحبه وتفتح النفس :xyxthumbs:

حبيبي أنا بالنسبة لي أفقد متعة القيادة ولا آخذ سيارة آخذة تقاييم ضعيفة بالتصادم يعني أفقد متعة القيادة وأكسب أمان أكثر
وبالنسبة لتجميع أمريكا الأرمادا من ناحية الجودة الأفضل بين المنافسين إلا الدينالي والإسكاليد أما الباقي فهي أفضل منهم وجداً مقاربة للتاهو اليوكن 2015 لكن تضل أفضل ليس تعصب لكن عن تجربة لاني جربت التاهو 2015 تجربة بسيطة أم 10 دقائق ومن خلالها إستنتجت كلامي
وبالنسبة للملل حول إلى وضعية سبورت وعشق من القير كأنه قير اوتوماتيك ومحوله تبترونيك اتوقع المعلومة هذه قلتها أكثر من 10 مرات

فيه ردود تشم فيها ريحة تعصب ...الغرض من استشارة الرجال لنا هو البحث عن السياره الافضل مو السياره الاقرب للقلب ...!!!!
من وجهة نظري السنتافي افضل كجوده وكمواصفات الباثفاندر يتفوق بأنه اوسع قليلا .... اكلمك وانا شخص عاشق للنيسان وطول عمري متنقل من بين نيسان وانفنتي لكن خذها مني نيسان اذا ماكانت صناعه وتجميع اليابان ابعد عنها بالذات نيسان امريكا كلها سلبيات وجودتها منخفضه جدا واشكالها روعه ....ونقطه اخيره القير cvt انا اعتبره ممتاز لتوفير الوقود لكن ممل جدا الى درجه كبيره ومافيه اي متعه في القياده ...
وعشان تتاكد من كلامي جرب السياراتين ومو شرط تستأجرهم روح للمعارض تلاقي مستعمل خذ فيها لفه للتجربه ...
السنتافيه ومازدا cx9 وكيا سورينتو هم الافضل

باثفايندر بس الافضل ان تاخذ الفل لان الفل يفرق عن نص الفل بـ

- كاميرات محيطية او ما يسمى عين الطائر .
- ايرباج اكثر يصل الى 6 ايرباج.
- عدد سماعات اكثر تصل لـ 12 سماعة بوز .
- ذاكرة تخزين موسيقية ا كبر .
- ذاكرة لكرسي السائق .
- 3 شاشات دي في دي للمقعد الامامي والمقاعد الخلفية مع سماعات راس لا سلكية ونظام ترفيهي يشمل عصا تحكم لا سلكية وسي دي العاب .
- نظام تبريد وتدفئة المقاعد الامامية واعتقد انها مهمة مع كراسي الجلد .

بما اني احد ملاك الباثفندر , انصحك فيه وبقوة

واسعة + راحة + عزل ارضي + عزل صوتي , جيد جدا , اقل استهلاك وقود بفئته + فخامة انفنتي + جودة اعلى بكثير من هيونداي

إذا عرفت من الأفضل بين الماكسيما والأزيرا
والأفضل بين الألتيما والسوناتا
والأفضل بين الإكستريل والتوسان

فستعرف من الأفضل بين الباثفايندر والسانتافيه :ch19:

والله فيه فرق في الحجم بينهم موهب بسيط
حتى الجراند سنتافي اصغر من الباثفايندر الشكل الجديد الكروس اوفر

وشي اخر ايضا هناك فرق السعر موهب بسيط بينهم

عموما صوتي للباث ..

والله يوفقك

الباثفندر يمدحونه في البر القديم الجديد مدري
بس اذا بتاخذه خذ لون فضي او رمادي اذا بتاخذ غيرها بتندم

أخوي ليس لأنني أملك نيسان لكن الباثفندر لو بتاخذها فل كامل أفضل من السنتافيه بمراحل
و أنا أقولك سبب واحد يخليك تبعد عن السنتافيه وهو أن السنتافيه حاصلة على تقاييم سيئة بالتصادم عكس الباث
الراحة كل من ركب الباث الجديد مدحها من الراحة والمساحة عكس السنتافيه الي تشتكي من المساحة حبيتين ما أدري عن راحتها
بالنسبة للبر إثنينهم سيئين لكن السانتافيه أفضل