نيسان اكستريل 2015

انا حاولت اشوف الاكستريل فى معارض نيسان .. لكنه غير موجود

عدم تواجده بالوكالة أو نهاية الدفعة بشكل سريع لايدل على كثرة المبيعات الا في حال كانت الدفعة كميتها كبيرة مثل 20 ألف سيارة ..!!

لو كنت بتاخذ فل كامل
رح تكون الأكستريل أفضل بحكم أن الباث مشلح حبتين
بس لو المساحة والراحة تهمك أكثر فعليك بالباث

بارك الله فيكم جميعا ... انا فى حيرة مابين الاكستريل والباثفندر

ادري ان فى فرق ماكينة .. لكن الاوبشنز متقارب جدا

هنا اسأل هل الجير مسوي مشاكل فى الباث ولا لأ ؟

شوف بأمريكا كيف
لكن عندنا
عمي قبل تقريباً 3 شهور
كان يبغى يشتري جيب صغير وكان محتار اكستريل او راف4
ناوي على اكستريل بالآخر
لفلفوا أم أم الوكالات والمعارض ولا لاقوا فل كامل
بينما راف 4 على الوكالة فوراً حصلها
وهذا دليل على مبيعاتها
ولو تركز عليها رح تلقاها بكل شارع
خاصة أنا كل يوم بمدارس الرجال والنساء
أنواع السيارة كثير عندهم إكستريل وباث
وسكويا وكورولا هذول أكثر سيارات إنتشاراً بالنسبة عند المدارس

وعليكم السلام

وشلون مبيعاته كبيرة وانت ما تشوفه بالشارع الا قليل ...!!!؟؟؟

انا اشوف بسعره فورد ايدج 2015 عاملين عليه عرض تصفية قبل نزول الجيل الجديد .. بسعر 90 ألف ..

ارحب واريح ومحرك 6 سلندر وعملي حسب تجربة الناس له ...

بالنسبة للقطع أفضل تسأل الوكالة
بس القير بالفعل زي ما قال الأخ
مبيعات السيارة دليل على نجاحها
وأنا أشوف قير cvt على 4 سلندر ممتاز لكن على 6 سلندر أشوفه مو مرة
بالتوفيق

انا مجرب قير cvt القير ممتاز فيه توفير للوقود وتقريبا مايحتاج اي صيانه وعمره طويل لكن مشكلته انه ممل جدا في القياده وصوته عالي ... نيسان مصممه تستخدمه وتبغاه ينجح غصب وانا اعتقد انه ممكن ينجح في السيارات الصغيره زي الصني والسنترا لكن سيارات دفع رباعي او سيارات نشيطه صعب جدا ان الواحد يهضمه ..