أباكم تشاركون انشاء شركتي الخاصه

اشكركم احبابي على تفاعلكم وانا اعتبر هذا الموصوع مرجع لي وبكل فخر

الحمدلله تواصلت مع حسن كتبي انه اذا راح دبي يشوف مصنع السيارات العربي دبليو موتورز كما نصحني بعض الاعضاء الكراماء
ولله الحمد اعجبت الفكره الرجال ووعدني على تويتر في الخاص بالزياره للمصنع

(اذا كانت الزياره لي خاصه فأنا راح انزلها هنا ليستفيد منها الجميع)
محبكم

وانا اخوك (في برامج تفيدك في اي المجال اللي تنفع تكون فيه ) يمديك تختبر نفسك وتشوف اللي يصلحلك
المستقبل ماينفع تردد فيه ويقول الشاعر
ان فساد الرأي ان تتردد

يعطيك الف عافيه يالغالي..
انا بصرحه لو تسلمني اي شغله ابدع فيها ...ماراحت ايام الخيزرانه الزرقا عبث ههههههههه :):D

لكن الحيره تعبتني :blue:
لا انا قادر اختار ولا انا قادر القى العلم الصحيح !

MADI1 حضورك شرف ومعلوماتك الثريه.و سعيد انك موجود بموضوعي.
اخوي يارب رحمتك (الله يرزقك الشيء اللي تبدع فيه وتكون ذخرا للأمه الإسلاميه)
وانا من وجهة نظري (وجهة نظري يعني لاتاخذها بعين الإعتبار) المكان اللي تسعد فيه راح تبدع فيه بلا شك
فما ارتقى تويودا ولا هوندا ولا فيراري إلا بعلمهم ان سعادتهم تكمن في مكان العمل الذي يحبون فأنتجوا وابدعوا (ولتكن عملك مقرونا بالنيه لتكسب الثنتين الدنيا والأخره)

الله يجزاك الف خير يالغالي

ما قصرت ...نستخير الله ونشوف وش المكتوب:xyxwave:

الله يعافيك يا غالي

بالنسبة للرواتب صراحة لا أعلم جيدا لأني تخرجت حديثا و الشهادة يبغالها شهر حتى تصدر ،، بشكل عام تختلف من دولة لأخرى ، لكن حسب ما سمعت أن الدخل اكثر من ممتاز

شخصيا دخلت تخصص الأوتوترونيكس لأني أحبه ، ما سألت لا بفرص عمل ولا بالراتب و للحين تخرجت ولا أعلم الراتب كم بيكون لكن أهم شيء تعمل بما تحب

بالنسبة للابتعاث بالخارج فهو بالتأكيد أفضل لأن جامعاتنا بشكل عام تصنيفها سيء مقارنة بالخارج لكن التكاليف بتكون عالية جدا إذا ما معك بعثة ، عدا عن صعوبة الدراسة ،، أما العمل بالخارج فهو يرجع لميولك ،، فيه ناس ما تحب مغادرة الدول العربية ، و فيه ناس مثلي :bigggrin: مستحيل انها ما تغادر الدور العربية ،،، شخصيا لأني أحب صناعة السيارات و هالشيء غير موجود هنا ،، عندنا مصيرك لمراكز الصيانة للأسف إذا كنت بتشتغل بالسيارات ...

لكن في حالتك الميكانيك مجاله أوسع بكثير من السيارات حتى بالدول العربية فيه فرص عمل جيدة خصوصا بمجال التدفئة و التبريد .

و فقك الله ، و ان شاء الله بالخدمة إذا عندك أسئلة ثانية ..

تحياتي لك ..

يعطيك الف عافيه يالنشمي

...
وكيف رواتبهم ؟؟
وهل تنصحني بالابتعاث؟ او العمل في الخارج ...وش الفرق تقريبا؟

اعذرني يالغالي على كثر الاسئله:blue:
لكن ما حصلت كلام يدخل راسي ...الا كلامك دخل قلبي:)

تسلم يا غالي لازلت حديث التخرج و بحاجة للكثير من العمل لم أصل لدرجة الخبراء بعد :rolleyes1:

بالنسبة للابتعاث حاول قدر المستطاع لليابان لأنهم كما ذكرت عندهم أمانة أفضل من غيرهم ،، بالنسبة للشركة الأمريكية فهي كغيرها بالتأكيد مجرد مصانع تجميع و ليست تصنيع ،، لكنها مفيدة جدا لك كبداية بالتأكيد ..

بالنسبة للخبراء فلا تركز على الجنسية ، أي شخص عنده خبرة و ممكن يفيدك صح اسحبه لو انه من جزر القمر :bigggrin: ،، لاحظ هيونداي وضعت بيتر شراير رئيس للشركة وهو ألماني لأنهم شافوا انه ممكن يفيدهم ،، عدد كبير من كبار الدكاترة على مستوى أقوى الجامعات بأمريكا هم هنود و باكستان و ليسوا أمريكان ،، الخلاصة ذيك الدول تقدمت لأنهم مستعدين يسحبون الكفاءة مهما كان أصله أو بلده أو دينه :smile:

ان شاء الله تتيسر أمورك ، و واصل العمل الجاد :xyxthumbs:

تحياتي لك ...



حياك يالغالي

هندسة الميكانيكية هي من أوسع التخصصات الهندسية، وتشمل على مجالات كثيرة/ مثل الطاقة، وميكانيكا الموائع ، و الديناميكا ، والاحتراق ، والاهتزاز، والتصميم ، وعمليات التصنيع، ونظم النمذجة والمحاكاة، وميكانيكا المواد والنماذج الأولية السريعة والمواد المركبة.

بالنسبة لعمل المهندسين الميكانيكيين فهم تقريبا في كل نوع من الصناعة ، مثلا :

1- العمل الرائج و الأغلب هو تصميم أنظمة التدفئة و التبريد و التهوية للمباني HVAC ، هذه الطلب عليها عالي خصوصا بالخارج .
2- تصميم مكينات المصانع و صيانتها .
3- الرافعات الهيدروليكية و صيانتها .

إذا بتتخصص بالسيارات فيه أنظمة تستخدم الهندسة الميكانيكية بالسيارة مثل:

1- تصميم المحرك أو صيانته ،، لكن الأمور اللي بتتحكم بالمحرك أصبحت كلها الكترونية الآن و بالتالي بحاجة لمهندس أوتو أو الكترونيات ليكمل الجوانب الغير ميكانيكية .
2- أنظمة التبريد و التزييت بالمحرك .
3- نظام التكييف بالسيارة .
4 - نظام التعليق بالسيارة ، أيضا المتحكمات الالكترونية للتعليق الهوائي ليست من الاختصاص .
5- بناء شصي السيارة .
6- القير لكن كتروس و صمامات فقط ،، عملية التحكم الآن الكترونية بالكامل و ليست من الاختصاص .

و غيرهم فيه كثير ، لكن هذا أكثرهم شيوعا من الناحية العالمية

أما عندنا تحن العرب لأنه مافيه تصنيع وين بيقتصر عملك بمجال السيارات ؟؟

بأقسام الصيانة بالشركات كمشرف على الفنين ،، يعني وظيفتك تعرف وين الخلل و تقول للميكانيكي وش يفك أو يركب ،، أيضا فيه وظيفة متحكم بالجودة وهذه انك تجرب السيارة بعد اتمام الاصلاح للتأكد من أنها أصلحت بشكل صحيح ،، و فيه وظيفة المدير العام لمركز الصيانة .

للأسف جاني احباط يوم اكتشفت أن كل هذه الوظائف المذكورة سابقا بمراكز الصيانة يقوم فيها ميكانيكي خبير بالخارج و ليس مهندسين :confused1: ،، و لكن عندنا هي المخرج الوحيد لمن أراد العمل بمجال السيارات لأنه ما عندنا صناعة .

طبعا دراستها أصعب قليلا من بقية الهندسات ،، أول ثلاث سنوات أغلبها مواد فهم مثل الرياضيات و الفيزياء و الديناميكا الحرارية و الموائع ،،،، آخر سنتين كلها حفظ :a120(115): كتب كالتاريخ و بالانجليزي .

أما الطب فعندي زميل يدرسه حاليا يقول لا يوجد مواد للفهم ،، كله حفظ كتب مثل التاريخ بالانجلزي من أول سنة :a1120(82): ،، شخصيا أشوفهه ممل جدا ، لكن ترجع لميولك في ناس يستمتعون فيه مثل متعتي بالسيارات :bigggrin:

بالتوفيق لك .. :xyxthumbs:

يعطيك الف عافيه على ردك الرائع :a1120(86):
عز الله انك قلت اللي يصير لي انا بالمللي يوم ادخل الورشه او افك كبوت السياره:ch19:

يا رجل الطب عز الله اني اكرهه واكره ريحه المستشفيات ...يازين ريحه الزيت المحروق بس هههههههههههههههههههههههههه
بالاضافه ان عمل الطبيب دقيييق الغلط الوحده طررد على طول


لكن الرواتب للمهندسين و الاطباء كم رواتبهم تقريبا يعني انا مهندس بدرجه عاليه كم يصل الراتب
..بالاضافه اذا فتحت لي ورشه للسيارات كم يوميتها تقريبا ؟ لان ماني موقف على الوظيفه فقط .

الله يجزاك خيير ما قصرت ...

يارب رحمتك، انت لن تدخل إلا مجال واحد اي المجالين اذا كنت تسمع معلومه عنه تفرح واذا عملت فيه او شفتها تستانس فهذي المجال هو المجال المناسب، ياشيخ انا لو امر ميكانيكي وتدخل لقلبي ممكن تحسبني اني دخلت قصر الملك او اعطوني فلوس، وبل اطلب من الميكانيكي مساعدته وامسكله واعدم يدي بالزيت وانا متكشخ فكل شيء يهون امام ماتحب ارى ان الميكانيكا حياتي، فشوف اي شيء يجذب لما تكون تفكر فيه او تكون قريب منه، واذكرلك قصه مره كنت عند الميكانيكي ابى انظف الكربريتر يارجال تحسني رايح اخطب فرحان واظطراب، ولما خلاني انظف معاه بغى يغمى علي.
طولت عليك وانا اسف، لكن من القلب للقلب ��، ويكفيني شرف انك قلت انك راح تشتغل في شركتي قبل لاأسويها ��
واسف تطفلت على استاد MADI1

ماشاء الله تبارك الله ..
رد كامل مكمل

..
الله لا يهينك يالغالي كان عندك خبره في الهندسه الميكانيكيه
ياليت تعطيني فكره عميقه عنها ..وطبيعه العمل فيها ؟مابعد التخرج في ماذا اعمل ....مكاين ؟او....؟
..مع العلم اني طالب طموحي الدكتوراه و شهادات افضل منها ان شاء الله

لانها في راسي من زمان ..ومحتار بينها وبين الطب :c0038: نوب اقول يا زين الطب ونوب اقول يازين الهندسه ...



واحتمال اني اقدم في شركه مسلوقه للسيارات :D

افدتني استادي القدير

اخوي MADI1 مرورك والله شرف واتشرف ان اكون طالب تحت يدك، بالنسبه لما ذكرت خلاص راح ادخل هندسه ميكانيكيه لأنها العشق والهوايه والكل، وراح اشوف واحد يعشق الكهربا ونشترك، الصهر والمعمل ان شاءالله يكون امره سهل (لأنه في سابك عندنا في السعوديه فاأتوقع مايقصرون)، والله يعيني على مهندسين خربه متخصصين في مجالات السيارات يساندوني وحتى ولو لم يكن سعودي، ولا أظن احد راح يساندني بل من كان يفكر غير رايه كلهم طموحاتهم راتب زوجه سياره وغيره من امور دنيوه (مايفكر ان اسمه يكتب بماء الذهب في مدينته) وبإذن الله إذا سويت شركتي راح اكتب بخط عريض منحوت على حجر قصتي مع المصنع وتكون كمعلم، وانت نصحتني بتويوتا وانا فكرت قبل سنوات بالإبتعاث لليابان للعمل في تويوتا او المانيا للعمل في مرسيديس وابشرك ذحين في شركه امريكيه تفكر تسوي مصنعها في السعوديه واحتمال اشتغل عندهم اذا فتحوا الشركه قبل ابتعاثي. والمشكله الأكبر من سيعمل لأجل وطنه بلا مقابل لن تجد عربي يفعل هذا الشيء إلا من رحم ربي، ووالله ان كلامك افادي وعلمني بالصعوبات ونبهني عليها بل خليتني اغير خريطتي للمستقبل وزادني عزما لا إحباط.
ودائما افكر انه اذا انا مابديت شركة سيارات فلن تتطور الدول العربيه السعوديه ومن ثم اعلم باقي الدول العربيه واتسقطب افكارهم وابداعتهم، وارجوا ان القى داعم (ومن يدعم عربي يفكر بشركة سيارة فهو يفكر انه يدعم مجنون في مستشفى المجانين فيقبل العرض بالرفض وقد يهدي الله بعض الناس.
وشفت تفاعلا على هذا الموضوع وهذا ان دل دل على ان عندهم الهمه ولكن النوم ماكلهم او الكسل. الله يصلحهم
واتنظر اطروحتك القادمه ��

السلام عليكم و رحمة الله

ممتاز جدا ، أهم شيء كنت أتمنى أشوفه إني ألقى عربي عنده حلم و طموح من الشغل غير الراتب :a1120(82):

بحاول أطرح عليك خبرتي المتواضعة هنا كمهندس تصنيع سيارات ( مختص بتصميم الأنظمة من مكاين و قيور و الكترونيات و .. إلخ ) تخرجت حديثا و خضت الكثير من البرامج التدريبية

ما سأطرحه لك ليس إحباطا ، بل لأجعلك تدرك الواقع و تفكر جيدا و تضع هذه الأمور ببالك صح قبل لا تتورط بأي مبالغ ما لها داعي ،، يعني تشتغل عن علم

انت ذكرت بالبداية هندسة الميكاترونكس ،، و هنا أخطرك قبل لا تورط انها مختصة بتصميم و تصنيع الروبوتات و لا علاقة لها بميكانيك أو الكترونيات السيارات ،، و هو تابع لقسم الهندسة الكهربائية . >> يعني انتبه جيدا للعلم الذي يبحث فيه التخصص قبل دخوله .

بالنسبة لحلمك لديك تخصصين

-الأول عام جدا و هو تخصص الهندسة الميكانيكية العام ،، هذا يبحث بكل الأنظمة الميكانيكية بشكل عام مثل أنظمة التدفئة و التبريد بالأبنية ، الرافعات الهيدروليكية ،، السيارات من الناحيية الميكانيكية فقط >> تستطيع تغطية البقية بجهدك الشخصي لأنه غير مختص تماما بالسيارات و فيه نواقص كثيرة خصوصا بالنسبة للأنظمة الكهربائية و الالكترونية اللي هي الأساس حاليا ،، يعني فقط يدرسك ما هو ميكانيكي بالسيارة .

- الثاني متخصص بتصنيع السيارات و هو التخصص الذي درسته و يسمى هندسة الأتوترونيكس ،، هذا التخصص يعني بكل أنظمة السيارة سواء كانت هيدروليكية أو ميكانيكية أو كهربائية أو برمجية ،،،، بالأصل يجب أن يتركز على تصميم و تصنيع الأنظمة و لكن للأسف سيتم التركيز على التشخيص و الصيانة و الفهم العلمي الكامل للسيارة ، بعدها يتطلب منك تعلم نفسك على برامج التصميم الميكانيكي ،، الدكاترة بهذا التخصص يدرسونه بهذا الشكل بسبب طلب السوق متركز على الصيانة و لأنه ما عندنا صناعة . >> ملاحظة ،، هذا التخصص تدرّسه فقط جامعة واحدة بالشرق الأوسط كامل ،، و هي موجودة بالأردن بالعاصمة عمان ،، و اسمها جامعة البلقاء التطبيقية / كلية الهندسة التكنولوجية ،،

،،،،،،،،،،،

نيجي لمسألة صناعة سيارة ، يا غالي أنت قلتها يجب أن تبدأ من الصفر ،، القير و المكينة ماهي صفر أبدا ،، بل هي أصعب جزء و أكثر جزء مكلف ،، هيونداي في بداياتها استوردت المكاين كلها من ميتسوبيشي و ارجع للإلنترا موديلات بداية التسعينات ستجد كلمة MITSUBISHI MOTORS مكتوبة بالخط العريض على راس المكينة .

يمكن تسأل ليه استعملوا مكاين يابانية لهذه الفترة الطويلة ؟؟

1- بناء محرك يحتاج مختبرات خاصة لبناء و اختبار المحرك ،، و هذا المختبر يحتاج مئات الملايين لإقامته >> تخيل هذا فقط مختبر ما سوينا مسمار بالمكينة للحين :wavey:

2- تحتاج معمل صهر و صب و قوالب للمكاين و هذه غير موجودة بالوطن العربي كامل و لله الحمد :a120(115):

3- تحتاج مخبرات خراطة خاصة و تكلفتها لا تقل عن سابقتها .

يعني انسى المكينة و القير لآخر شيء لين تبني شركتك و تنجح و يصير عندك دخل ذاك الوقت ابدأ بتطوير المكينة .

مهمة بناء سيارة تحتاج لفريق كامل من المهندسين و الخبراء ، لا أحد يستطيع بناء محرك أو سيارة بمفرده ،، هنا مهارات عمل الفريق مطلوبة بشكل كبير جدا ،، و تذكر يد واحدة لا تصفق تحتاج فريق ذو كفاءة ،، هناك سيارات وصل عدد فريق عملها لأكثر 1500 مهندس و 88 مصمم . بالتأكيد سيارة بسيطة مبدئية لن تحتاج لمثل هذا العدد ، لكن احسب حساب فريق من الآخر :bigggrin:

تحتاج كبير مهندسين ليشرف على الفريق ، مهندس أمان ليضبط أمان القفص و يصمم مواقع الأكياس الهوائية ،، مهندس الكترونيات ،، مهندس برمجة .. إلخ

غير كارثة مختبرات التصميم و المصممين ..

،،،،،

إذا تبغى تفهم بصورة اعمق ايش عمل كبير المهندسين و ايش مشاكل تطوير سيارة جديدة فيه مثالين رائعين :

الأول :
https://www.youtube.com/watch?v=EEwcE9ngKXA

الثاني :
https://www.youtube.com/watch?v=3k6-3UoUhJ8

هذه شركة فاخرة و شغلهم نوعا ما معقد ، لكن أمثلة تسري على الجميع مع تكالف أقل للسيارات الشعبية .

مجموعة تويوتا بشكل خاص و الياباني بشكل عام تابعهم لأنهم يملكون أمانة علمية و أكثر ناس فادوني بمسيرتي الهندسية .

.....

راجع موضوعي عن كيفية تصميم سيارة من الفكرة إلى خطوط الإنتاج موجود الرابط بتوقيعي ،، لكن هذا من جانب التصميم فقط ، لم أتطرق فيه للهندسة لأنها أطول و أعقد بمراحل ،،، كذلك فيه مقابلة مع مهندس مازدا مياتا نشرتها مؤخرا بقسم الياباني ممكن تفيدك ،، و فيه مقابلات أخرى مع ناس تجاربهم قيمة جدا بعالم السيارات ربما أنشرها لاحقا ان شاء الله ..

أتمنى أن ما كتبته يكون جعلك تدرك فعلا ما أنت مقدم عليه و يساعدك لأن تتغلب على الصعوبات .


تحياتي لك ...

اخوي يمديك تراسلني عالخاص.
وكيفك مع الميكانيكا والكهرباء
واذا كنت من مكه يمدينا نتكلم عن هذا الموضوع وجه لوجه.

كيف الانضمام ؟؟

طيب أخوي انارماعندي الفلوس عشان اركب القطع من الشركات الثانيه، ولذلك لجأت إلى محرك وطني لكي يتم دعمه من قبل اصحاب الهوامير (الأموال) وانت لازم تثبتلهم حسن نيتك وليس سرقتهم كما هو معروف بين الأوساط ومره وحده يعتبر حلم حياتي صنع مكينه من نفسي
ولكن لو لقيت الداعم فراح ابدأ من وقتها ولا أتوقع تاجر عربي يتمنى نجاح دولته، ولذلك راح ابدأ من نفسي واذا فيه مؤسسات تدعم مثل هؤلاء اتمنى ذكرها!

أنصحك في البداية بألا تفكر في تصنيع المحرك والجيربوكس والتركيز على صنع الهيكل وتصميم السيارة وباقي القطع. وممكن تستخدم محرك وجير بوكس من شركات أخرى لأن تصنيعهم معقد ومكلف لأبعد الحدود. ماركات سيارات كثيرة قامت على أكتاف ماركات أخرى واستخدمت محركاتهم وجيراتهم مثل كيا قامت بمساعدة مازدا وهيونداي ( وحتى الآن ) تستخدم محركات وجيرات من ميتسوبيشي. وبالتوفيق إن شاء الله.