استفسار محتار بين خيارين بالمستقبل

نفس الراي بالنسبة للwrx اما اليجاسي انا اقول تاخذ المازدا 6 اللي احتمال كبير انها راح تنزل AWD حيث انها نزلت على فئة الديزل و احتمال كبير انها قريبا على فئة البنزين

توكل على الله wrx
ال CVT مش بطال بالعكس انا مرتاح معاه مع الليجاسي بس مشكلته صوته كثير ناس تنتقده حتى بد،ن تجربة واعتقد ان اغلب السيارات بهالحجم بتتوجه له في المستقبل القريب

خذلك WRX وتمتع بالقيادة والسوبارو

هلا وغلا أبو أسد

سأتكلم معك على محورين:

المحور الأول خياراتك (سأقلبها رياضيات حديثة مثل نظرية فيثاغورس):

بما أن لديك الباترول كسيارة عائلية
بما أن الليجاسي سيارة أوسع وما تحتاج سيارة وسيعة بوجود الباترول
بما أن الليجاسي تشبة السوناتا من الوجه (أعتبره عيب)

إذا الـ WRX هي الإختيار الأول


المحور الأول خيارات أخرى (سأقلبها رياضيات حديثة مثل نظرية فيثاغورس):

بما أن لديك الباترول كسيارة دفع رباعي
بما ان السوبارو دفع رباعي

إذا إبحث عن خيارات أخرى تكون دفع خلفي (كرايسلر - لكزس IS250 - إنفينيتي Q50) أو سحب أمامي (مازدا 6 - مازدا 3 - كامري XSE - سيفيك)

انصحك بالليجاسي طبعا من تجربه الامبريزا اللي معي(جيل 08 الى 12) عزلها دون المطلوب ولا تقارن بالليجاسي الا انها اخف وزن ,محرك الليجاسي ال 6 سلندر مستغرب جدا انه فقط 260 حصان مع ان سعته كبيره 3.6 لكن اتوقع انها شغلت برمجه لان القديمه اللي كان محركها 3.0 كانت بنفس القوه تقريبا او اقل بشي بسيط.

باختصار الليجاسي: راحه,عزل افضل,قوه حلوه بدون ماتدعس الى الاخير,اقل اعطال لانها بدون تيربو,تجمع ميزة الفخامه والحجم مع الاداء الرياضي الجيد, حقت واحد عاقل شويه:smilie16:.
ال WRX : راحتها اقل بحكم انها رياضيه بحته,قوتها ماتطلع الا على RPM عالي بحكم ان المكينه 4 سلندر,لاتنسى انها تيربو وتاريخ سيارات التيربو من سوبارو عندنا اسود جدا ,واسال اصحاب الموديل السابق ,الميزه الوحيده فيها انها رياضيه لكن القيره بيفقدك الاحساس بهذي المتعه,حط في بالك ان قطعها اغلى بكثير من باقي سيارات سوبارو خصوصا الفرامل وانظمة التعليق والاكسسوارات لان اغلبها تكون من شركة Brembo ,Bocsh

والله يوفقك في اللي بتختار ويفكك شر الوكيل:xyxwave:

سيارة ليجاسي جيدة لكن ماينفر عنها الزباين بالمملكة
انها صغيره جداً
فلماذا لايقومون ع الاقل بتكبير السياره حتى تصل إلى إتساع الكامري ؟
شكل السياره ايضا غير مريح
وكأنة من الكلاسيكي الفرنسي او الكلاسيكي الصيني
طبعا اختار لك ليجاسي المعروفة التي عهدناها وليست ليجاسي الشبيهه بالتك تك :bigggrin:

بالنسبة لي
أتوقع أن ال wrx أفضل كشكل و كأداء
وقابل للتعديل أكثر
بالتوفيق

طبعا سيارات سوبارو تتميز بالاعتمادية وهذا الي متعودينه من الياباني :ch19:

قير CVT بالاستخدامات المدنية على ارقام احصنة ليست عالية جدا يضل قير يأدي الغرض وزيادة

ومشكور على الرد والتوضيح

ماقلت ليجاسي ولا WRX



هههههههه

هي خيارات ممتازة لكن تضل فيه خيارات ممكن أرخص وأقوى منها وأعلى منها مواصفات ببعض الاشياء وليس بكل شيء او متفوقة عليها بكل شيء

فعلا فيها مواصفات ناقصة عن الي موجودة بالخارج
لكن مايهمني أطلاقا تواجد تسخين المقاعد فهي ميزة غير مرغوب بها اطلاقا بمنطقة تتميز بالحرارة العالية بفصل الصيف

اما بخصوص نظام مراقبة الطريق والنقاط العمياء الموجودة بنظام EyeSight ممكن اتمناها رغم ان ساعات (أقول ساعات) قد تكون مزعجة بعض الشيء بحكم التدخل المستمر في الزحمة وازعاج التنبيه اذا كان تنبيهها مزعج يعني لو هذي الخاصية مافيها خاصية تعطيلها مؤقتاً فأنا ما ابيها خير شر

النافيقيشن ممكن شيء يقهر لكن عندي يقين انه ماراح ينفعني بعد فترة من الزمن بيكون تحديثه قديم جدا وغير مستمر وصعب تحديثه متعودين من وكلائنا التماطل بمثل هذا المواضيع فقوقل ماب افضل حل (في حال الحاجة إليه) رغم يعيبه أنه لازم اتصال بالانترنت :c0038:

وبخصوص مراقبة الاطارات أعتقد انها حصرية للسوق الامريكي فمهي موجودة على ما اظن بالسوق الياباني!

وانا مجرب السيارة وعجبتني مقارنة بالجيل السابق رغم انها ممكن مالبت طموحي أنها تكون هادئة جدا من ناحية العزل بحكم أنهم تكلمو أنهم طوروه فمازلت ارى الباترول أفضل عزل منها رغم أن السيارة SUV!

وبخصوص القوة زين جبت طاريها

حقيقة نعم الوكيل كاتب أنها 260 حصان
ودخلت بموقع اليابان فعلا كاتبين قوتها 260 لكن بوحدة PS وليس HP!
لما تحول هذي القوة إلى وحدة HP ستجد أن قوتها 256 حصان وكسور

http://www.convertunits.com/from/ps/to/horsepower
http://www.statman.info/conversions/power.html

فما ادري احس القوة الي عندنا مهي HP بل انها PS على الموجودة باليابان :smilie16:

وبخصوص الصيانة انا مثلك أعتقد مافي مشكلة بالاشياء الباقية عدى مسألة المكينة والقير ونظام الدفع بالكامل فقط رغم أنها الزبدة بالسيارة ههه

وانا حقيقة ما ادري وش نظام استخدامي بالضبط
مرة اقول ابي موتر تسارعه ممتاز اخليه حق مقاوم نهاية الاسبوع وحق الاستمتاع

ومرة أقول يهمني جدا موضوع اتساع وفخامة ومريحة بالمطب والمركب بالسيارة لكن بالمقابل تسارع ليس بذلك المحمس جدا على 6 سلندر وساعات اقول ماودي اكون راعي تهور فالموضوع فيه تناقض شوي ههه

على فكرة أظن صار فيه تطوير لنظام السلامة بالليجاسي والاوتباك باليابان بتقنية تسمى بـ Advanced Safety Package
http://www.subaru.jp/legacy/b4/safety/advancedsafety.html

طبعا للاسف وبكل تأكيد محرومين منها :c0038:



ان شاء الله اذا شريت السيارة بيكون عنها تقرير



وهي كذلك



طبعا فالليجاسي فئة أرقى فخامة من WRX الي يغلب عليها الطبع الرياضي



اشكرك يبومؤيد على المرور

يبدولي ان مبدئيا أغلب الاصوات لليجاسي :c0214:

الليجاسي أكيد ياأبو أسد

رحابة ورياضية بنفس الوقت
ومتعة قيادة

بالنسبة لي اختياري راح يكون لليجاسي.

اشوفه أجمل.

وممكن يكون الذوق من شخص إلى شخص يختلف.

بالتوفيق ياغالي

الليجاسي شكلها احلى وافخم واوسع

توني انتبه :smilie16:


مبروك مقدمآ والله يطعمك من خيرها ويكفيك شرها

ولاتنسانا
نطلبك بتقرير عنها :bigggrin:

مرحب اخي ابو اسد ..

خياراتك موفقه جدا وتعتبر من افضل الخيارات للسيدان :tongue:

بحكم اني استخدمت سوبارو كثير وجربتها بكل موديلاتها ..

بالنسبة لليجاسي هذا الجيل نقله نوعيه في كل حاجه

السيفتي و الجودة و الشكل اما من ناحية المواصفات فهي تعتبر مشلحه :a120(115):

يعني التسخين ورا وقدام و مراقبه الطريق و النقطه العمياء والنافيقيشن و مراقبه الاطارات

و نظام الايسايت بكبره مو موجود وحتى حساسات التنبيه للقادم من الجهتين شايلها ..

فهذا الشيء يغبن الصراحه ..

اما بالنسبة للتعليق فتحسن عن السابق صار الين وارسى ..

اما المحرك فهو حاجه خرافيه الصراحه كانه هدير محرك 8 سلندر وعلى فكرة تراه 260 حصان مو 256

لان 256 للنسخه الامريكية اما اليابانية فمدخل على المحرك بعض التعديلات ويجينا من اليابان ..

ااما من ناحية القير فالجيل السابق كان يحن لما تحط الدعسه الكامله ززي نيسان اما الجيل الجديد

اخختلف بحيث انك لما تجربه ما يحسسك انه cvt ابدا بل انك تشعر بانه 6 غيار حقيقي ..

اما من ناحيه الازعاج غير صحيح عادي جدا واقل ازعاج من 4 سلندر ..

وال wrx سيارة جميله وشبابيه ولكن اقسى واضيق من الليجاسي ولو اني اشوفه زي الجيل

السابق من ليجاسي من حيث الوسع .. ومحركه الصراحه جبار وقوي وافضل بكثير

من السته سلندر ..

اما الصيانه ما اشوف لها ذاك الصعوبه ترى سوبارو الاختلاف يكمن في 3 حاجات القير والمحرك والدفع

وذي الاشياء تجلس معك سنون طويله بدون خراب فما لها حاجه الصيانه وباقي الاشياء عند

اي مركز صيانه ممكن تزينه ..

بالنسبة للاختيار يجي احتياجك بالمرتبه الاولى اذا تبي تطاير و تستمتع خذ wrx

اما اذا تبي تكشخ و تتمتع بالدفع الرباعي خذلك الليجاسي :xyxthumbs:

واعذرني ع الاطاله :a1120(86):

تقبل مروري :ch19:

بصراحة ما استخدمت بحياتي سوبارو ,, لكن اعرف انها من افضل السيارات عملانية وجودة وتحمل وسرعة

لكن بتكلم عن قير الـ cvt بصراحة قير ممتاز واقتصادي جدا جدا جدا ,, وتسارعه عجييييييييب

والي يقول ان صوت المحرك مزعج اقوله غلطان جدا جدا والقير تقدر تخليه يبدل طبيعي مثل القير التقليدي ولكن حسب نوع السيارة وحسب برمجة القير الي جايه من المصنع

ولكن القير ممتاز وانصح به خصوصا من شركة مثل سوبارو

الف مبروك مقدما ,, والله يعطيك خير ما تختار ويبعد عنك شرها

اها

تقصد هالجيل




كان جيل جميل رغم انه كان لا يتمتع بالرحابة مقارنة بمثيلاتها



قد يكون ممل ومافيه متعة بالقيادة بنظر الكثيرين :c0214:
لكن ارى سيارة بدفع رباعي بقير CVT أكثر متعة قيادة من سيارة دفع أمامي بقير تماتيك دبل كلتش!

مسالة الازعاج بتكون ثباته أذا دعست على الاخر لفترة طويلة (بخلاف القير التماتيك التقليدي ان الازعاج يروح ويجي بسبب التبديل بين السرعات لكن قد ضييع بعض عزم اندفاع السيارة بين التبديل اذا ماكان دبل كلتش) فالاغلب إلا أن كان برمجته قير CVT سيئة بيكون صوته مزعج حتى بالقيادة الاعتيادية

وطبعا عندي فكرة عن CVT :2smilie40:


ــــــــــــــــــــــــــــــــــــــــــــــــــ

غريب على ان فيه ردود ومشاهدات بس مابعد شفت ولا تصويت واحد :e058:

مانختلف على تسارع الـcvt

والي يأكد هالشي الالتيما القديمة وجيل الـcvt
ومن اهم مميزاته اقل صرفية للبنزين


مقصدي انه ممل ومافيه متعة قيادة واحيانآ يكون مزعج لاصرت مستعجل واذا معك احد او(اهلك)بيحسبونك مقلع بسبب صوت المكينة


واهم شي انك مجربه وعلى دراية ومقتنع فيه :xyxthumbs:

عمروي في اثنين محبين لسوبارو اختلفو عليها
الليجاسي هي شكل 2004 الى 2009 وبس

ايضا تفضل هذا المقطع أخوي MAGNUM_62

مقاوم بين سيارتين WRX من الجيل الجديد وحدة منهم قير عادي والثانية CVT
https://www.youtube.com/watch?v=ECUEU3P5Ypw

اذا خذيت قير عادي للـ WRX بتكون السيارة مجرد أستخدام لنهاية الاسبوع أو مرتين بالشهر وهذا الشيء ما ابيه فنيتي للاستخدام شبه يومي :c0214:

انا لي تجربة للقير العادي للمعلومية وما ابي اكررها نهائيا :c0038:
كرهت نفسي بالسواقة السيارة تجلس بالايام ما اسوقها بسبب القير

انا مجرب قير CVT بالالتيما والمكسيما والليجاسي الجيل السابق والجديد وأعتقد كم سيارة اخرى اذا ماخانتني الذاكرة
لست من كارهين CVT للمعلومية لكن بالطبع ليس أفضل قير تماتيك بالنسبة لي

ساعات قير CVT أفضل من القير التماتيك التقليدي من ناحية ان مافيه تضييع للوقت بين تنقيل بين السرعات أذا ماحطيته على التنقيل اليدوي فانا شفت مقطع تسارع WRX بناقل CVT فلما تحطه على التنقيل اليدوي بياخذ وقت أطول للتسارع 60 ميل! بينما بدون التنقيل اليدوي بيكون تسارعه افضل

شوف هذا المقطع لتسارع WRX بقير CVT
https://www.youtube.com/watch?v=wGChzK9DZDQ

بالوضعية العادية جاب تسارع 5.8 ثواني
لكن يوم حطه بالتنقيل اليدوي جاب 6.1 ثواني!

سوبارو وضعت قير CVT بسياراتها لأجل تقليل أستهلاك الوقود حتى انها تفوقت على بعض منافسيها بالاستهلاك بوسط المدينة وهي دفع رباعي مستمر ومنافسيها دفع أمامي؟!

ما اخفيك أنا متمني أن قير WRX يكون تماتيك دبل كلتش لكن أذا مهو موجود فهي ليست بتلك القضية الكبيرة بالنسبة لي

بحثت كثير بالموضوع بين ملاك سوبارو WRX في المنتديات الاجنبية والتقارير عن قير CVT
حصلت معارضين واجد وشيء طبيعي لكن حصلت أيضا مؤيدين لهذا القير ويمتلكون WRX بقير CVT وانه ليس بالمشكلة الكبيرة لعدم اختيار السيارة

فلا تقلق فكرتي لأخذ WRX بقير CVT مهب من فراغ بل بحثت كثييييييير عن الموضوع لين اخذ المعلومات الكافية والمقنعة عنه :ch19:

وعليكم السلام


بالنسبة لي افضل الليجاسي لعدة اسباب:
رحابة
فخامة
شكلها عاجبني
اعتقد انها اكثر راحة من اختها

wrx اذا نيتك تعديل توكل على الله وخذها قير عادي :xyxthumbs:
لاتنسى معاك سيارة ثانية يعني لازهقت من العادي ارجع للنيساني ولا زهقت منه وحنيت للأداء ارجع للسوبارو


ونصيحة يابو اسد ابعد عن الـcvt مافيه متعة نهائيآ
ما ادري انت جرته ولا,,استأجر اكسنت ولا التيما لثلاث ايام وجرب

والله يسهل لك
بالتوفيق