بسم الله الرحمن الرحيم
يشرفني اني انظم لمنتداكم الرائع والمفيد جدا واتمني انكم تفيدوني بمشكلتي ..
المشكله هي كالاتي
عندي سيارة جيب مازدا cx9 فل كامل2015 حين وصلت ل30 الف لاحظت تهريب زيت من المكينه الي علبه
فلتر الهواء توجهت للوكاله واستقبلوها وعطوني موعد استلام بعد سبعه ايام اشتكيتهم بالتجارة
انهم ماوفروا سيارة بديله او طبقوا شروط الضمان وسبحان الله الصبح سلمتهم السيارة الساعه 10 صباحا
وشكيتهم 12 الظهر والساعه 5 العصر يتصلون عليه يقولون جاهزه ؟ كله لجل لايعطوني سياره بديل
المهم مشيت ع السيارة لحد 38 الف وشيكت ع علبه فلتر الهواء واذا بتهريب الزيت اسوء من اول
رجعتها عند الحاج فرع كيلو 11 بجده رفضوا يستلمونها بحجه المواعيد وقابلت المدير قال رووح فيها
وتعال بعد اسبوع قلت السيارة يوجد فيهها تهريب زيت بالمكينه اكتب لي وثيقه انكم مسئولين
عن السيارة لو خبطت المكينه بعد هالكلام جاب مهندس قال اكشف عليها شوف ينفع ياخدها
ويجينا بعد اسبوع المهم المهندس شافها قال لازم تدخل السيارة الصيانه فورا
استقبلوا السيارة ,قبل 14 يوم من الان وعطوني موعد بعد سبعه ايام .
بعد ماخرجت من عندهم شكيتهم انهم ماطبقوا شروط الضمان بنفس اليوم اتصل عليه مدير الصيانه
للاسف سعودي ؟؟ وقال عندنا بيجو صغيرها تبغاها رفضت قال طيب استاجر وجيب لنا الفاتورة قلت بعد عده مراوغات منه الهدف منها هضم حقي
انتهينا من هذي المرمطه كلها واللعب واللف والدوران.
نجي للكارثه
مر اسبوع وكنت كل يومين اروح له اسئله ماهي اخر الاخبار بالنسبه للسيارة
كان يقول نشوف ايش المشكله ونحددها ونبلغك اتصل عليهم تلفون مايردون ارجع لهم اليوم الثاني
قال نراسل اليابان ونشوف ايش ردهم لحد ماقال لي للاسف لازم نغير المكينه؟؟؟؟
هنا قلت امرنا لله متي بتخلص قالي ممكن حول عشرة ايام وهذا لاكلام كان يوم اربعاء
سبحان الله يوم الجمعه تذكرته وفكرت بكلامه ليش حوول عشرة ايام اذا المكينه جديده تتركب مثل ماهي يوم او يومين؟؟
يوم السبت رحت لهم الظهر ومن حسن حظي كان الفرع يشتغل جزئي صيانه سريعه وبطاقم اقل
ومدير الصيانه ماهو موجود لقيت مشرف وقلت له فيه اوراق بسيارتي ابغي اخذها قال طيب تعال
قسما بالله العلي العظيم يااخوان اني انصدمت مما شفته سيارتي ع الرافعه وتحتها مكينه السيارة
مقسمه اجزاء جالسين يوضبونها ؟؟؟؟ وحاطين قطع غيار كثيره ع جنط السياره بالارض
طبعا من هول الصدمه راح عن بالي اصور
خرجت من عندهم وسويت شكوه غش تجاري عليهم انهم وعدوني يغيرون المكينه والحين جالسن
يوضبوها ؟
يوم الاحد دق عليه مدير الصيانه قالي ليش تشتكي قلت انت قلت لي بتغير مكينه والحين توضبوها
قال ايوه بنغير نصف مكينه والنصف العلوي بنوضبه ؟؟ قلت كلامك تغير قلت لي بتغير مكينه قال
لا قلت بنغير نصف فقط جحد المهم قلت انا مارضى بهذا الكلام وليش توضبوا المكينه بدون ماتقولون لي
قال اليابان يقولون بسس نغير نصف مكينه , سويت فيهم شكوي رابعه وطالبت مندوب وزارة التجارة يحضر لاثبات الحاله
التجارة احالت الشكوي للشركه وبعدها اتصل عليه المدير مرره ثانيه قال المكينه نصف بيتغير والنصف الثاني بس بنصنفر الوجهه حق الراس ؟؟؟
رفضت هالكلام جمله وتفصيل وراوغ اكثر من مره قلت غيروا لي مكينه جديدة كامله قال بكره بنركب المكينه
قلت لاتركبوها الا لمن اشوفها ورحت ع اتصاله امس العصر لقيتهم عملوا الي براسهم نصف المكينه
السفلي جديد والعلوي وضبووه والسيلكون واضح وفاضح .
كانه يقول مامعك الا تقبل بالواقع ؟؟ قلت له اني لن استلم السيارة وساواصل شكواي بوزارة التجارة
وان لم تفدني باوصلها بالمحاكم ؟؟ رد عليه بابتسامه يعني ارد ع وزارة التجارة برفض العميل استلام السيارة
الان ياااخوان
هل اجرائهم صحيح بتوضيب المكينه ؟؟؟ بدون موافقتي بالرغم بوعدهم لي بتغير المكينه كامله
هم يستندون ان السيارة ع الضمان ويحق لهم عمل جميع الاصلاحات بما يرونه.
وانا ارى ان السيارة بسبب اهمالهم في المرة الاولي لجل عدم تطبيق شروط الضمان ولم يحلوا المشكله من المره الاوي هو السبب
وانهم لم يطبقوا تعليمات وزارة التجارة بخصوص انهم لازم يبلغوني كتابيا بما في السيارة قبل البدء
باجرائات الصيانه
والاهم ان الان الماده العشرون باحكام التجارة تنطبق عليه
الا وهي تقاعس الوكيل بالتعامل مع مشكلتي والاهم ان هذي الاصلاحات سوف تاثر بقيمه السيارة السوقيه عند البيع وان توضيب المكينه سيضعفها ويقلل من عمرها الافتراضي
تكفوووون ابغي اعرف
هل استمر برفضي لاجرائات صيانتهم وهل يحق لي ام اقبل بالامر الواقع
اسف طولت عليكم
