السلام عليكم ،،
ودي أخش بالموضوع بدون مقدمات |2|
لدي كورولا 2003 وماشية الآن 1300 كيلو فقط وللأسف الشديد هناك صوت بالمكينة يشبه هذا ( غرررر غغغغرررر ) المهم رحت للبازعي وجلست السيارة ثلاث أيام عندهم وبعدها طلعوها وقالوا أن العطل من طرمبة الماء وصلحوه ، خذيت السيارة وطلعوا نصابين الصوت ماراح ،، رجعت لهم بعد أربع أيام وقلت لهم الصوت ماراح وفعلا سمعوا الصوت واقتنعوا ودخلتها الصيانة وجلست يومين وجيتهم وقالوا لي بعد هاليومين ماندري وين العطل فيه لازم تخليها ثلاث أيام عشان نقدر نحدد وين الخلل !! أنا قلتلهم هاتو السيارة بعدين أجيكم أصلح مع صيانة الخمس آلاف كيلو ،،
طلعت من عندهم ورحت لورشات السيارات اللي بالصناعية وخلال ربع ساعة حددو مكان الخلل ، طلع من ( شداد السير ) واللي حدد الخلل يقول لاتصلحه الحين احتمال كبير يختفي الصوت بعد مدة ، والخلل هذا وجوده حاليًا لايؤثر على السيارة مجرد صوت !!
صارت عندي قناعة أن الفنيين حقين البازعي حقين فك وتركيب ، يعني يفك قطعة ويركب قطعة جديدة مكانها ،، أما سالفة انه يحدد مكان عطل معين فمليون بالمية ماعندهم سالفة لأن السيارة جلست عنده مامجموعه 5 أيام عمل ولا قدروا يحددون مكان الخلل !!
فما أدري ودي آخذ رأي الخبراء هل أصلح ( شداد السير ) والا اصبر عليه يمكن يصلح من حاله ؟
تحياتي لكم
