السلام عليكم ورحمة الله وبركاته: ياشباب أحييكم وتقبل الله منا ومنكم الصيام والقيام.شريت سيارة كامري 2002 قبل فترة طبعا السيارة مستعملة ، ولكن حبيت أسألكم عن شيء وهو إزالة بلف الحرارة وش رأيكم؟ الحقيقة سمعت ناس يؤيدون الشيء هذا وفيه ناس يرفضون هذه الفكرة.الناس إللي يؤيدون فكرة إنك تشيل البلف بسبب إن منطقتنا حارة جدا وخصوصا الشرقية ولا سيما وأنا من سكان الأحساء وأنتم عارفين الحر وكيف ترتفع درجات الحرارة ، ويقولون إن البلف مخصص للدول الباردة جدا والمفروض إنك تشيل البلف لإنك في دولة حارة جدا ،وإذا شلت البلف راح يزيد عمر السيارة.الناس إللي رافضين الفكرة يقولون إزالة بلف الحرارة خطأ وهذا يقصر من عمر السيارة لإن السيارة لابد أن تعمل ومحركها في درجة حرارة معينة ولا يتحقق الشيء هذا إلا بوجود بلف الحرارة.ولعلمكم ياشباب فيه سيارات شفتها بعيني وركبت فيها وسقتها ، وأصحاب هذه السيارات شايلين البلف من زمان وسياراتهم ماشاء الله ماشية فوق 400 ألف كلم ولا زالت في وضع أكثر من جيد وخذ مثال على ذلك سيارات الليموزينات. أنا لو فكرت أشيل بلف الحرارة من سيارتي ماراح تنزل الحرارة إلا على الخط وداخل المدينة تبقى مثل ماهي لإن المراوح تشتغل على حساس حراري إذا وصلت الحرارة النصف إشتغلت . هل يوجد طريقة آمنة وأقدر أشبك المرواح علشان تشتغل على طول وأشيل البلف وما تتأثر السيارة.أعطونا رأيكم ياشباب ولا تبخلون علينا بالمشاركة.
