شفت الموضوع وحبيت أعلق عليه على الفضوة :27:
زين مانسيته دام فيه موضوع انظمة طرق وعرة وماشابه :1::
المهم
بخصوص المقطع وكلامك
اول شيء فيه عيب قوي جدا في الباجيرو وهو أن التراكشن كنترول حقه للأسف مو تراكشن كنترول مخصص للطرق الوعرة!!! والي يسمى بنظام ASTC (تراكشن كنترول مع نظام الثبات) وللأسف هذا التراكشن كنترول نشط جدا وتدخله كثير جدا لذلك قد يعيق تجاوزات الطرق الوعرة اللي تقوم بها!
يوجد زر داخل السيارة يفصل أنظمة الثبات ويبقي على التراكشن للمناطق الوعرة وأنا جربته ولا يعلى عليه!
وطلعت به طلعات قوية, إذا ما فصلته من الزر يقعد
مكانه لأن الأنظمة تعطي إشارات متضاربة ويدقر مكانه!
حتى مع الدبل الثقيل تتفعل الميزة هذي تلقائياً وتطفى أنظمة الثبات ويبقى التراكشن يتفرغ لمهمته!
لذلك الكثيرين يقومون بفصل فيوز ABS لأنه مرتبط به مباشرة
الفيوز ما ينفع, لازم تسحب الفيش وتنفصل الأنظمة حتى التراكشن ينفصل ويصير موترك مثل هايلوكس بس دفع رباعي بدون أنظمة! يعني عندك وضعيتين:
1- تضغط الزر من الداخل وتطفى أنظمة الأون رود
ويبقى التراكشن للأوف رود وهذا موصى به في الكاتالوج
في حالة إجتياز الوعر وهذي الوضعية تتفعل تلقائياً مع الدبل الثقيل فقط,
2-تفصل الفيش الي في الكبوت ويصير موترك بدون أي
أنظمة ولا اي بي اس ولا تراكشن وهذا ما ينفع الا في التطعيس
بأمكانك تقرى عنه أنه ماله دخل بالطرق الوعرة كله مخصص للشوارع والظروف تصير بالشوارع!
http://www.mitsubishi-motors.com/en/showroom/pajero/safety/
لذلك ميتسوبيشي فعلياً ماعندها نظام بالباجيرو مماثل نظام تويوتا A-TRAC أو نيسان ABLS
والله ما أعرف لكن ما عاد ورا!
شوف شغل التراكشن في المقطع هذا
مثل البرادو ويمكن أفضل؟
https://www.youtube.com/watch?v=AKezHe_0uF0
وبخصوص المقطع لاحظته كم مرة الحقيقة تدخل التراكشن قد يعيق التقدم في بعض الاحيان للباجيرو! والدفلوك ليس له الدخل الأكبر أنه ماقدر يتقدم إلا أذا كان فيه عطل! وعلى فكرة أشوفه مامشى بنفس الدرب تماماً لنحكم ان الدفلوك ادائه أقل
ففعلياً التراكشن كنترول المخصص للطرق الوعرة أقل كفاءة من الدفلوك! وأن كان خلفي فقط وقليل جداً تكون الكفة لصالح التراكشن كنترول المخصص للطرق الوعرة على الدفلوك لكن حالات قليلة جدا
بشكل عام التراكشن كنترول المخصص للطرق الوعرة مايفيدك كثير بالطرق الرملية! هو فائدته الحقيقة تشوفها بالاسطح الثابتة! مثل الصخور والطرق الترابية وماشابه ... الخ ولا تستغرب أنه ينكبك بس مو دايم لكن أقولك لا تستغرب! أنا مرة غرزت تغريزة قشرا بالافجي بسبب A-TRAC! بسبب أنه نشط جدا وطيح عزم السيارة وخلى الموتر يغرز أسرع من أنه يطلع طبعا للتوضيح أنه مو دايم يسبب بغراز لكن أبين أن كفائته ضعيفة بالاسطح المتحركة مثل الرمل
وبخصوص التراكشن كنترول العادي المخصص للشوارع وعدم فقدان السيطرة تراه ساعات يفيد بتجاوزات الطرق الوعرة وأنا أقول ساعات وليس دائماً لانه لم يخصص لذلك الغرض
بخصوص التغريزة الي صارت لك اخوي رنج كروزر وتقول غرزت وأنت منسم مسبقاً 15! بصراحة مستغرب يدبولي أن مشكلة لديك من الكفرات لا تقولي مركب برجستون؟ برجستون طبيعي تنسم هذا التنسيم ولسى قاسي!!!
يوكوهاما كفرات الوكالة ويوم شافها الي فزع لي
قال مابان عليها انها دون الـ10بعد ما نسمت! هي مثل البريجستون في القساوة
باليوكون الجيتي السابق ماكان يقدر يمشي بالبر لين أنسم 10! رغم كان فيه مخاطرة غير طبيعية انه ينفسخ الكفر وساعات تنسيم 5 تطلع من التغريزة لتكتشف ان الكفر قد أنفصخ معك! وتطيح بمشكلة جديدة :1::
الدفلوك الخلفي متى مايفيدك؟
بهذي الحالات
1- أذا الاطارات الخلفية ماصارت تمسك الارض.
2- يصير الجهد كله على الخلف بالمقابل يحتاج توازن لتوزيع القوة في الاطارات الامامية لان العائق يحتاج الاطارات 4 أن تدفع وليس الخلفية فقط.
3- تعلق الموتر ببطنة! هنا لازم سحب ولا حفر المنطقة الي تحت الموتر علشان يمديه يتحرك وساعات حتى الدفلوك أو نظام التراكشن كنترول النشط الخاص بالطرق الوعرة ماعاد ينفع لأن الاطارات حفرت لين قالت بس وماصارت تمسك الارض بشكل صحيح.
4- الدفلوك فيه مشكلة وممكن فعلياً ماشبك!!! وتصير في بعض الحالات!.
5- الدفلوك معطل.
حتى مع أقوى التغريزات ساعات وأن كانت السيارة مثل الاف جي كروزر مجهزة بكامل القدرات مثل دفلوك ونظام A-TRAC ونظام الزحف فالافضل التبريح للموتر (حفر طريق للاطارات) على الاقل يتحرك بالبداية ثم الباقي يسهل على الانظمة انها تطلعك لأن حتى مع كامل الانظمة تجي مواقف ماتساعدك إلا بالطريقة التقليدية!
