هل التوجه لسيارات الديزل كما ينصح البعض هو الخيار الأمثل؟

راح نلجئ للديزل لامحال

الديزل مضر بالبيئه ويزيد التلوث داخل المدينه ولو يستخدمون الناس الديزل بكثره وتصير موضه راح تكون ضريبه عليه بزياده كذلك بيرفعون سعره .

لحل الأمثل هو امتلاك سيارتين .. واحده لنهاية الأسبوع طلعات العائله او البر والثانيه للاستخدام اليومي وتكون من الفئه الصغيره او المتوسطه اهم شي تكون 4 سلندر ..

.بالنسبة للديزل والبنزين اختلف معك السكوت ارحم
كل تجاربك لسيارات ديزل قديمة
الديزل الان في تطور كبير
صحيح ان اليبانيين متأخرين عن الالمان لاكن مجبرين بسبب انه مصمم للأقسى الظروف اقرب مثال اللاند الديزل استهلاكة 11.3 بينما البنزين 8.5 ثمانية 4.6 والستة 9.2
الهايلوكس بدون دبل 15.6 قريب من ارقام بعض السيارة الصغيرة اللي تعمل بالبنزين
بالنسبة للشاص استهلاكة 10.2 واستهلاكة بسبب القير خمس نسب مانزل للاند قير ست نسب ولا كان اقل بكثير
مثل ماحصل مع الهايلوكس الدبل
التماتيك 13.3
العادي 14.8
اليارس الديزل اذكر قريت استهلاكة تعطيك 30 كيلو لكل لتر
لو الهايبرد مع محركات ديزل اعطى نتائج افضل بكثير

هذي تجربة هايلوكس ديزل دبل
1200 كيلو بخزان 80 لتر
والقير عادي اقصد من التماتيك
https://youtu.be/yr__l-4pRpE

من اواخر عام 2016 والاوروبيين بدو يقللون من استخدام الديزل والتوجه للسيارات الهايبرد و الكهربائية بسبب الغش في انبعاثات العادم

الطلب على نيسان ليف و رينو زوي و هيونداي ايونك وغيرها من السيارات من هذه الفئة افضل من الديزل وتقطع مسافة اضعاف الديزل اذا كانت نسخ هايبرد وليس كهربائية .


كم الفرق بين مسافة الديزل و البنزين لو فرضنا في لاندكروزر جميعهم 8 سلندر الفرق ضئيل بينهم ولا شى 200-250 كيلو


لي تجارب مع سيارات الديزل اليابانية فقط

هايلوكس 2005 ديزل 2.8 لتر بدون توربو وهذا يملكها عمي لكن للاسف عزم سيى وكربنته واجد حتى الصندوق قلب اصفر من كثر دخانه

وجربت ددسن 2006 خويي شراه قبل لا ينزل بنزين 95-91 بعهد الملك عبدالله بعددة اشهر ونصحناه لا يشتريه لكن شراه قبل لا ينزل سعر البنزين السيارة كانت عزم قوي ومقاوم للهواء الخفيف لكن هواء قوي يفقد عزمه بسرعه وكانت ددسن دفرنسين ديزل توربو لكن مع مرور الوقت وكثرة جلد السيارة هل المرة قلب دخان ابيض عكس الاجيال السابقة كان دخانها اسود وسيى

وجربت ديزل ايسوزو حق شركة واحد من الزملاء ديمكس غمارة تعتبر هي افضلها كخبرة اسوزو من نيسان و( تويوتا مع شركة هينو ) لكن فاشلة اسوزو في ابعاثات الدينات والشاحنات

وركب هايلوكس D-4D عزمه ممتاز لكن اداء جيد

عيوب الديزل في طريق السفر والهواء يصدم السيارة للاسف تفقد عزمها بسرعة وبصعوبة تتقاوم اكثر 120 كيلو تحتاج وقت وهي بمحرك ديزل وتصرف بزيادة اذا الطريق عكس اتجاه الهواء و الرياح التوربو بيكون نشيط مع المحرك


سيارات الدفع الرباعي الديزل افضل من البنزين بسبب قوة عزمها وهذا الشى جربته بالددسن مقارنة بالهايلوكس و الددسن دفرنسين بنزين لكن ببتل اعلق على الغيار الاول بالجير علشان يعطيني عزمه ... لأن سيارات الديزل مكابسها مدبله وثقيلة وعمود الكرنك مدبل اضعاف اضعاف عمود البنزين علشان كذا تلقى عزم الدوران كحد اقصى من بين 4000 دورة الى 5500 دورة مقارنة بالبنزين عزمه اسرع و وزنه اقل وهذا عداد لاند كروزر ديزل اقصى عزم 4500 دورة



الخلاصة الديزل مع التوربو مو ذاك الفرق بالصرفية مع البنزين لان شفت كفاءة الطاقة مسجلين الشاص و لاندكروزر صرفيتهم سيئة جدا بفئة الديزل


افضل خيار اللي يبي سيارة اقتصادية لا يبعد عن سيارات الهايبرد من 0-80 كيلو تشتغل كهرباء وفي شركات تجاوزت 100 كيلو بتشغيل كهرباء عن البنزين

.موجود بالامارات الموصفات اللي تبي بس السعر فوق لو تبي لكزس LX450

لا أحد يستعجل


أتوقع ان الديزل بينظف عندنا ويرتفع سعره بين البنزين 91 و 95 مثل سائر دول العالم

وقتها يكون عند المستهلك الإختيار شراء سيارة ديزل وهو عارف سعره وجودته والسيارات اللي تستخدمه

وقتها أنا أفضل الديزل للجيوب لانه بيعطي أداء ممتاز وعزم عالي واستهلاك ممتاز مقارنة بالبنزين

والأفضل من هذا
قد يتوفر لاندكروزر كامل المواصفات VXR :56:ديزل مثل الموجود في أوروبا.

اذا صار فية توجه كبير للديزل اكيد سعرة بيتغير ويغلى معروفه