موضوه للنقاش.... لماذا اخترت سيارتك؟؟, مالذي كان يميز سيارتك حتى اشتريتها؟؟

القاضي · 2003-12-08T15:57:34+03:00

السلام عليكم طبعا الكثير منا تعلق بسيارة وظل يحلم بها حتى أتي ذلك اليوم الذي امتلكها فيه.. لكن مالذي جعله يحلم بها؟؟ طبعا من المؤكد ان هناك مميزات في هذه السيارة جعلت صاحبها يشتريها أو على الأقل يفكر فيها.. شاركونا أخواني الأعزاء بآرائكم.. بالنسبة لي فالسيارة التي أحلم بها هي تويوتا كامري 2004

أكورد وبس @user_7944 · 08-12-2003

حقيقة ..

كنت مغرم بالكامري ..

وكانت الأكورد تجي على بالي باستمرار .. وجربت موديل 2002 مع واحد من الشباب .. وشفت إن عزمها ضعيف .. فطاحت من عيني ..

ويوم طلع الشكل الجديد للكامري الحقيقة سوا لي فتنة عجيبة .. وانهبلت عليه .. وكنت أتمنى يجي اليوم اللي أشتريها فيه ..

بعدين نزلت الأكورد .. في البداية شكلها ما أعجبني ..

وسمعت عن مشاكل الكامري .. ونصحوني الناس بالأكورد خصوصا الجديد ..

وبصراحة .. يوم رحت وشفت السيارة على الطبيعة من جوا .. الحقيقة إن دقيت إشارة للكامري وقلت مع السلامة ..

الحقيقة إني انفتنت بها فتنة عجيبة .. وطاحت الكامري من عيني ..

وشريتها بعد ما سويت زحمة للوالد .. لأنه كان مصمم على الكامري .. لكن يوم اشتريتها وجربها اقتنع ولله الحمد .. :D

اللي شدني في الأكورد وخلاني أشتريها .. مميزات كثيرة .. منها ..

الشكل الداخلي المميز ..

شكلها الخارجي رسمي نوعا ..

القير خمس سرعات ..

حركات دلع تلقاها بالسياحي فما بالك بالفل أوبشن ..

رساوتها ..

سعرها كان جيد ..

ما سمعت عنها مشاكل .. بالإضافة إلى إنها معروفة بالصبر والتحمل .. خصوصا القير ..

مكينتها الجديدة .. ونظام الفيتك ..

وسمعتها الطيبة ..

ومشكور على الموضوع الجيد :)

Red_mission @user_7512 · 08-12-2003

والله ان لمن شفت الزوم عجبتني وكن ناوي اشتريها 000

بس يوم ماجات العسل شفتها وبطلت 000

والحين امكن ابيعها وشتري سوبارو 2004 بإذن الله او لكزس 300 اي اس 000

مشكووووور على الموضوع الحلو 000

OVER SPEED @user_4417 alone999 · 08-12-2003

والله شف يا طويل العمر انا اخترت الجالانت لانها في سنة 1999 كانت فيها مواصفات فنيه رهيبه والحمد لله اشتريت وحده سنة 2000 بفتحة سقف وجير اوتو والسيارة ما تشتكي من شي والحمد لله لحد الان

وذحين انا منتظر الشكل الجديد لها عشان اشتريها

وشكرا

Dr.abab_ab @user_4117 · 08-12-2003

أما بالنسبة لي فأنا أحلم بالأكورد 4 سلندر فل واللون فضي أو كحلي
لما فيها من فخامة وشكل أكثر من رائع وتحمل....
وبالتوفيق...!

*الـسـفـيـر* @user_7407 Banned · 08-12-2003

اهلاااااا

سيارة أحلامي المونديو وبعد ما شفت موديل 2004 زاد أعجابي.. يمكن يعتقد البعض أنها ما تستحق بس علّقت في بالي .. واللي عاجبني فيها الشكل لأني من قبل فكرت بالفوكس وبعدين طلعوا المونديو اللي تعتبر فوكس لكن بأبعاد أكبر وزيادة على شكلها .المواصفات اللي فيها وخاصة مع أنوار الزنون تطلع خطيرة ..وأحتمال ضعيف إني آخذ مونديو لأني أشوف سعر الفل أوبشن مرتفع

وبالتوفيق للجميع ومشكور على الموضوع

راعي الماكس @user_1930 F 16 · 08-12-2003

اهلا و سهلا اخوي و مشكور على طرحك الرائع

بالنسبه اي كانت سياره الاحلام لي هي الكامري و كنت خلاص معزم اطلع 2002 جي ال فتحه و جناح لكن نزل الشكل الجديد 2003 بصراحه ما دخل راسي في البدايه و وقتها كانت ثلاثه من خوياني طلعوا ماكسيما و كنت اركب معاهم احس اني راكب صاروخ سكود
و من وقتها و انا الماكسيما ماليه دماغي الى الوقت الي سويت فيه الحادث بسيارتي بعدها كرهت الماكسيما و كرهت نيسان
و الحين اتمنى لو اقدر اطلع كامري 2004 جي ال فتحه و جناح اللون الازرق الجديد لكن ...

ما كل ما يتمنى المرء يدركه