(مشكلتي مع المرور ) من سرعة إلى ..........

السلام عليكم ورحمة الله وبركاته
...

كعادتي كنت راجع من البحر ,, وأنا في طريق الملك ماشي تقريبا 100

وفجأة ما أشوف إلا المرور ورايا و مشغل السيفتي

نزلت سويت (( الواد الواصل )) حاولت من هنا من هنا .. ما رضي غير يعطيني

قسيمة.. قلت ماني مترجيّك .. حط قسيمة

وأخذت القسيمة و الضغط عندي مرتفع .. ومعصب و أول ما ركبت السيارة سويت القومة :eek: بالغلط ( كثر منها )

إلا و عباس مشغل السيفتي و جاي و رايا .. عاد أنا ما صدقت خوفت يوديني على التوقيف
ما لقيت غير إني أقطع الإشارة .. و هو ورايا ..

وحاولت أشرد ;)

يمين في يسار وتكشيح و بواري و دخلت حواري و طفيت الإسطب

(( مسوي إني ذكي ))

وكنت حأدعس كم واحد .. وتعكيس شوارع و رجعت طلعت على الشارع العام

وهو ورايا

والمشكلة إني وقفت في الزحمة قام عباس جا و عرض قدامي

والله إني سويت فلم هندي

والناس يطالعوا فيه .. والله سار شكلي غلط :mad:

جا عباس (( إسم مستعار لكل شرطي )) ويخبط على القزاز و أنا ما فكيت

معطيه جنط و مقفل الأبواب كمان

وفي الأخير فكيت و نزلت و الناس كلها تطالع فيّ

و ركب سيارتي عشان يسوق (( عاد عباس مكشخ ))

و وداني عند المحطة حقت المساعد و جات 6 سيارات شرطة حاوطوني

(( تقول إرهابي ))

وأخذوني على التوقيف و جا الوالد فكني منهم |1|

(( الحمد لله جات سليمة ))

بس إلي يقهر إنهم أخذوا السيارة للتوقيف .. وأخذت قسايم لـ الليل

1- سرعة
2- تفحيط
3- هرب من المرور
4- قطع إشارة
.
.
.







هذه مشكلتي:eek:

والله إنه درس ما عاد أنساه ...

و أنا أنصح كل مواطن سعودي إنه لا يتحرش بالشرطة


والله يستر علينا و عليكم


(( خل عنك الهم يا قلبي الحزين ))


تحياتي