رابطة ملاك دودج تشارجر ، كرايزلر 300 سي

هلابك

الله يوفقك ان شاء الله بالموتر اللي تبيه

بالنسبلة لاسعار القطع بصراحه الرابطه في طياتها اشياء كثيره ولكن....

بعد اذن اخونا فارس اقتبس رده وخذ منه اللاسعار هذي

آخوي ,,

اتوقع انها تصلح لتشارجر العنابي

واحسها مره رآكبه ومناسبه

خويي معه تشارجر رصاصي ومركب هالاصطبات وطالعه كايفه

عاد كيف ع العنابي

هلا والله ..
شوف .. الحين الرجه اللي انت تقصدهآ .. تحس اإن السيآرهـ بتطفى يعني ..؟!
يعني الـ آر بي ام تحس انو ينزل لما تهدي وتقترب من الوقووف ..؟! او احيانا لما تجي عند اشاره .. وتوقف .. تنتظر اقل من دقيقه تحس الموتر كأنه ينتع ؟؟ كذآ ولآ كيف ..!؟
ولآ وانت واقف ومريح الموتر .. تحس انه يهز ..؟!

عاجل يا أحبتي :xyxwave:

أبغى قائمة أسعار قطع غيار التشارجر 2009 فضلاً لا أمراً


أرجو من الجميع التفاعل ويذكر أي قطعة سواء داخلية أو خارجية مهم يا أخوان لأني مقبل بإذن الله على شراء الــ SXT فل الستة سلندر ومحتاج خبرتكم ......:wavey:

ماشاءالله بس يوم استغرق التشييك معآك !!!؟؟؟؟؟
غرييبه !! انا اخييس ما بالكرايسلر .. اذا رحت بدخلها تشييك !!:mad1:

اوووووووووووووووووووووووووه ويالله يااااا تغثثثثثثثث .. مو هي ... وكيييلنآآآ

والله يااااشباب ما اذكر مره بحياتي دخلتها تشييك ..! وهي لها معاي سنتين ..
قعدت يوم !! دآآيم يووومين اققققققل شي !! ... ونااادر تقعد يومين !
بالعآآده 3_4 ايام .. بدون مشآكل بس تشييك ! .. طبعا اتكلم عن فررع الخبر ,,
ما ادري عن الفروع الثانيه كيف صيانتهآآ

شكلك مظبببط وضعك هنآآك هآآآ :tongue:

تسلمممملي حبيبيييي والصح على الجميع انشااءالله :bigggrin:



كفووك الطييب ياامصدع هـع هـع .. اييي رآآعي درييفتآآت ارررحمنآآ هـع .. هي مررره وبالغلط جت :smilie16:



احم احم .. اخجلت توآضعي بصرآآحه << برآآ ههههههههههههههههههههه
شووكررن شووكرن على التقييم العسل ياعســل :xyxthumbs:

اسعد الله مساكم جميعاً ومبروك تأها الاتي:xyxthumbs:
اخوي ابو عابد...
اللي فهمته انك تدور على مستعمل... طيب
اذا حبيت تاخذ امريكي نصيحتي ابعد عن الشفر ما عدا التاهو
الفورد ممتاز وعملي بس مو حق سرعه كثير لأنه سريع الانسداح
الدوج والكرايسلر ما راح تلقى زيهم ابداً، سعرها مقبول نسبياً وعمليه وفخمه وبرضه القطع مقبوله بس صيحه حاول انك تبعد عن المستورده من امريكا، في بعض الناس ما مدحوها
لكنها سياره سياره سياره بقوه، استأجرها يومين واحكم بنفسك....
الياباني هوندا بدون منازع ثم المازدا
الكوري الأزيرا ممتازه """""""""هذا الكلام للمستعمل """"""""
اذا انت حدودك حول ال 120 الف وتبغ سياره عمليه وكبيره شويه وراسيه وقطعها رخيصه وتبغلها على يدك من الوكاله
نصيحه لا يفوتك جيب المازد CX-9
والله يختار لك اللي فيه الخير

لا حوووول

روابط صور الشارجر راحت

لاني بعد ما ضبطت الرد وعملت ادراج الصور انقطع عندي النت

راح انزلها لكم وقت ثاني

برررب

آخــوي القطـع رخيص بسس موتري تضرر اشياااء كثيره مره تحتية الموتر غيرته بالكـآمل .. وحتـى آنـي شلت صدآمي وركبت صدآم srt8 وركبت لي طقم كفرات هآنكونك ..

بالعـكس اسعار قطع الغيار معقوله جدآ جدآ ..

لكن تدري وش اللي يقهر .!!

تصدق الكآتير آنكسر معي وجلست آسبوعين آنتظره ليشش .!
عششان الكآتير مو موجود بالسعوديه ولآ بالامآرآت ولآ بامريكآ ..!
مـوجـود فـي المآنيآ آنـآ آبدري وش دخل المآنيـآ !!
الصرآحه قهر الوكـآله كآنهم مآعندهم قطع غيار ابد ابد
كـل شـي لآزم طلب الله يعين بسس ..


وصحيح الكآبرس وآحد من ربعـي معه كآبرس 2006 ls مآعمره رآح للرياض الآ خرآب خخ ..
وترآ الكرايسلر جـودة الديكور لك عليه يعني عآد تسمع طق طق ..

الله يوفقك آن شاء الله با آحلى مـوتر يارب ..
وتـرآ فيه كرايسلر c300 في البيان بالرياض ..موديل 2009 ماشي 1000 بس .!
بس المشكله آنه 6 سلندر صاحبه طالب فيه 113 الف .. !
وآنصحك تجي للقصيم عندنـآ المعرض يبعون الكرايسلر عندنـآ بالهبـل ..!
مـوتري شاريه آنـآ بـ60 الف ..!
وعندهم كرايسلر 2007 فل كـآمل بـ70 .!

يعطيـك العافيه يالغالي .. , ’

أشهـد بالله إنك مآقصرت .. بيض الله وجهك .. , ’

وريحتني بسآلفـة السفره .. ياشيخ انا لو أمشي بالكابرس 180 مدة 20 دقيقه يمكن يسير شيء .. !

بكل صرآإأحـه كلامك ريحني .. , ’

وأنتظر قآئـمة الاسعآر ..

اخووك ..


حيآك أخوي / مصـدع ..

والله إنت لخبطت أورآإاقي هههههههه .. , ’

أللي خوفني بصرآحـه إن موديل سيآرتك 2009 .. معقوله فيهآ مشآكل .. أنآ أجزم أن أسوآ سيآره بالعالم مستحيـل تطلب قطـع مع اول موديل ..

تكفى إنت ردك بالذآت أحتآجـه .. انا أبغى النقد ما ابغى المدح .. انتظرك يالغالي تبين ليه تنصحني بغيرهآ ..

اخووك


حيآك / أبوعـزيز .. , ’ !

يالغالي .. يعطيك العافيه على ماكتبت ..

وصدقني أنآ طلعت كل حرتي من قوة ودعـس بالكابرس .. الحين بادور سيآره تشيلني .. والله تشيلني .. ما ابغى سيآره أنآ أشيل فيها بالورش .. !

الكل نصحني باليآبآني مثل الاكورد والكآمري والاوريون .. وغيره .. لكن انا متيـقن إن مآفيه مثل رآحـة الامريكي .. ولكن متآكد إن مآفيه مثل غبآء الامريكي بالمشآكل .. لذلك رجعت لكم وبغيت أسآلكم وأستشيـركم .. , ’

وبالنسبـة للقطـع اللي كلفتك 20 الف .. لا اله الا الله محمد رسول الله .. 20 الف :blue: .. !

أنتظرك تبيـن يالغالي ليه هآلـ 20 الف .. أتوقع بسبب غلآء القطـع ولا ؟

اخووك


يعطيك العآفيـه / فرآس .. , ’

وبيض الله وجهك .. مآقصرت أبد يالغالي ..

عسى مثوآك الجنـة يآإأرب .. , ’

وانا اليوم بأطـلع جده وبأشوف .. ورآح أبين لكم اللي شفتها من سيآرآت .. وكم ضمآنهآ وممشآهآ .. وانتم مانقدر نستغني عنكم ..

القطـع تقريبآ مقدور عليهآ .. , ’

ولكن البلآ بالغالي اللي يقول كلفتـه 20 الف .. ههههه عز الله فلسنآ لو رقينآ رصيف .. :)

يعطيك العافية يالذيب .. وردك أضآفلي الكثير من المعلومآت ..

اخوكم

صور واسعار 300C و شارجر

مبروك فوووز الأتحاد 2 / 1

نبتدي بالعم الكبير 300C


















يتبع دودج شارجر

ياخوي اكبر خطأ انك تسخن السيارة الين تصير حراراتها طبيعية

ترا الشي هذا يغفل عنه الكثييييير
السيارة في اغلب المواقع الأمريكية
قترة تسخينها هي 30 ثانية فقططططط
ويقولك تمشي عليها بالرااااحة يعني الضغط تخليه على كيفه
الين توصل درجة الحرارة العادية وقتها انطلق زي ما تبغى

كذا انت تحافظ على السيارة
وجربها وقولي اش يصير معاك

ان شاء الله بعدها ما ترج
اخووك

والله ياخوي كل شي بالمحافظة
واهم شي في السيارة انك تستودعها الله
وتحصن نفسك وانت فيها لانو ناس ماتعطي خير

بالنسبة للدودج اكيد انه افضل من الكابرس في الصناعة وفي الجودة

وتوكل على الله واستخير
افضل شي

بالنسبة للقطع
لا تخاف ارخص من الكابرس واللومينا 2007 وبفرررررررررررق كبير

بس الغالي فيها الاقمشة بـ 613 واللومينا اقمشتها بـ 600 بس
يعني شاف كيف فرق القطع لصالح اللومينا :bigggrin:

باقي الأشيااااااء ارخص منها بكثيييييير
انا اقلك قطع الـ V8 5.7 الأشياء الاكثر استهلاكاً

فلتر هواء 69 ريال
بواجي الحبة 13 >>> بس تراها 16 بوجي :bigggrin:
فلتر زيت بـ 25 ريال
اقمشة امامية 613>>فيه نوع ثاني غير منصوح فيه بـ 214
اقمشة خلفية 613 >> الثاني بـ 200 ريال وينصح دائما ركب الي ورا ابو 200 والأمامية ابو 600

زيت القير مع فلتر زيت القير مع شغل اليد في الوكالة يكلفك 496 ريال :bigggrin: ولا تغيره برا ابدا

سير المكينة بـ 170 على مأظن >>> ترا مادري سعره بالتمام

المهم هذي الأشياء الي لازم تغيرها لو أخذت دودج ولا كريزلر
وانصحك لا تفرط في الـ V 8
اسئل كل الشباب الي هنا وراح ينصحوووك بالهيمي :bigggrin:

وكمان المعارض عندها ضمان خمس سنوات وثلاثة وسنة
خذ ابو خمسة سنوات وريح الطاسة

كل شي غيره على حسابك وخذ عليه فواتير
وكل خمس آلاف ودي الضمان لمراكز الصيانة الي موجودة بالجدول
يختمو لك الضمان على السريع

ولو صار اي عطل هما يتكفلو فيه
الضمان يشمل كل الحاجات الميكانيكية والكهربائية واهما قير ومكينة ودفرنس
واعطال الكمبيوتر
اقرا عقد الضمان وشوف كيف
اهم شي عندهم انك تداوم على الصيانة يا عندهم او برا مع فواتير
وهم عندهم خصم لحامل الضمان
بس انا كنت فرحان بالسيارة وكله غيرته في الوكالة :smilie16: لانهم اضمن شي

اخوووك

! LTZ V8 !

آخـوي آنـآ آنصـحك آن تجـزم علـى كرآيسلر c300 هـيمـي .. ويكون الموديل 2007 وفـوق
آنـآ معـآآي 2005 شاريه قبـل 4 شهور وآرتفعت حرآرته مره وحده لآن الاريتدر آنشق خخ ..
وقبـل كم اسبوع رقيت لي رصيف وآنـآ امشي 180 .. السياره البدي الحمدلله ولآ طخه لكن تحتية السياره من كآرتير و مساعدآت وعكوس ولي دركسون آلخ آلخ تضرر وغريته كل .. لكن الحمدلله الشاصي مآفي ولآ طخه .. طبعآآ على هالحآدث كلفت السياره فوق العشرين الف .!!
بالنسبه للعـزل عندي فانه دمـآآآر .! ممكن عشان جلب الابوآب ..
لكن صدقني فك الانزلآق وعطه دعسه خفيفه تسنى كل عيوب الموتر ..
..
ممكن لآني اول وآحد بعنيزه معآي كرايسلر امريكي آسود خخخ .. تعرف عآد آنت عيـون العالم ..
وتقريبـآآ كل الكرايسلر اللي عندنآ 10 كرايسلرآت فقط وكلهم مع شيبـآآن يعني آنـآ اللي مركب جنوط وحـآلتي حاله ..!

ومن نآحية الخرآبآت بس ارتفعت الحرآره مره وحده بسس ..

..

يامشاري ما اشوفك تدخل ماسنجر المهم انا طالع الحين ومني داخل الرابطه إلا بلليل الوعد الساعه 4 - 5:xyxthumbs:

أخوي LTZ انا مني متكلم لان كم مره اتكلم عن المشاكل الشباب يعارضوني لكن ان لقيت سياره غيرها يفضل أحسن:wink: وأن مالقيت توكل على الله واشترها:xyxthumbs:

مشكلتك غريبه انا مشكله جديده امس الشاشه تطفى وتشتغل كل شوي:confused1: وصوت البريكات رجع مره ثانيه :a1120(82):

فالك طيب ! LTZ V8 !

شوف السيارتين ما بينهم اختلاف يُذكر من ناحية الميكانيكا الـ 300C والشارجر الاختلاف في الشكل والوزن

انا من المعجبين بالكابرس بس والله سقط من عيني لان خراباته واجد وهو موتر مو للكرف والمشاوير

خلني اكلمك عن الشارجر من واقع تجربتي

1- سافرت عليه بسرعه 185 لاغلب الطريق بين الرياض وتبوك ثم للحدود الاردنيه ومحمل عفوووش واربعه نفر معي وبصراحه تقييمي لأداءه على الطريق جدا رائع في رساوته وعزل الصوت وسهولة التحكم على السرعه العالية

2- واجهه قوية جذابة وأيضا خلف صدامه الامامي جسر البحرين بكبره ككككككك اقصد جسر حديد قووووي لاني صدمت فيه واحد معه برادو وصدامه الخلفي مع الونش راح على جوووه وصدام الشارجر لم يتأثر حتى بخدش واحد

3- داخليه سهله ورؤية واضحه من الثلاث جهات جميعها

4- مقاعد مريحه وواسعه

والله هذا اللي يحضرني حاليا والا ودي اكتبلك اشياء واجد لكن بترك الفرصه للشباب

بالنسبة للاسعار

انتظرني عشر دقايق وراح تشوف الاسعار بالصور وبتاريخ اليوم

مساك الله بالخير يا غالي
انا باقي شغال على الشعار بس بصراحه التفيذ والاخراج بغاله واحد فنان في الفوتوشوب.....
اذا خلصت من التصميم بعطيكم خبر على طول