اللي عنده خبرة في التقطيعات والتنتيعات ينقذني

أنا تصير معاي لما أدعس بنزين وأنا على الأول أو الثاني بعدين رفعت رجلي عن البنزين .. بس مو مزعج مره


بس وديتها الوكاله قالوا يبغالها تصفية محرك ..



تحاتي

جميع الأخوان حياكم الرحمن وأدخلكم الجنان

والله اللي يعتمد على الله ثم عليكم ما يندم ...... ماقصرتو

من يومين سويت حفلة للسيارة وبصراحة كان لازم تصير من زمان لأن السيارة إذا زعلت عليك مصيبة

غيرت زيت الماكينه مع السيفون ( طبعا كان أسوووووووود ماشي علية 8000 والله حرام (
غيرت زيت القير الفلتر ( طبعا من لما شريت السيارة مالمسته )
غيرت فلتر البنزين
غيرت فلتر الهوا ( وما ادري السيارة كيف كانت متحملته الل غيره لي إنهبل قال إيش هذا غييييير على طول )
للفائدة
السيارة شبه راحت منها المشكلة وصارت أخف كثير حتى أن القير كان ينتع لما يغير أحيانا الحين وبفضل الله ثم مشورتكم صار ناعم
لكن غالب الظن أن السبب الرئيسي كان من فلتر الهوا ...
نصيحة
ياشباب لا تهملو سياراتكم ولا تعتمد على اللي يجي يغير لك زيت الماكينه ويمشي
إقعد فوق راسه خليه يشيك على كل الزيوت وعالفلاتر وينظف فلتر الهوا ترا هذي شغلته ( ماحك جلدك مثل ظفرك ) .....

على فكرة :...
البواجي شيكت عليها جيده لكن خوفي اللي كانت معاه السيارة قبلي غيرو لو البواجي الأمامي بس وتركو الخلفية لأن فكها صعب ( 3 أمامي و3 خلفي 6سلندر )
البخاخات الدخول فيها مصيبة لأن أصحاب الصناعية أسهل شي عنده يفتي ويجرب ويدفعك وتلاقيه عمرة ماشاف بخاخ .

الشكر موصول
المعقب ( آميييييييين) والله يبارك فيك
srab ( الشباب ما بيقصرو معاك المشكلة عندك الظاهر يبغالك رفع شويه عيار البنزين أو هناك مشكلة لا سمح الله في كهرب السيارة مادام إنها تطفي وأنت معشق بس سؤال هل عندما تولع الأنوار والمكيف وأنت معشق وواقف ممكن تطفي ؟؟؟؟
alone999 ( عاد أنت لسى عالضمان إحنا الصناعية يالله تقبلنا )
عاشق الكراون ( أنا ما أمشي إلا بعد ماتحمى السيارة وعلى فكره السيارة موديلها 99 يعني بدري على أسلاك البواجي ).
observer ( حياك الله )

والله مشكله !
وانا اتصير لي في بعض الاحيان وهي اني واقف عند الاشاره مثلا شوي الا وكان واحد كتم السياره وتطفى لاكن اذا القير في N ماتطفى بحكم الار بي ام مرتفع شوي بس تصير نااادر فماادري وش الحل ؟!!

انا صارت معاي نفس المشكلة قبل فترة
رحت الوكالة وطلع الكمبيوتر مدري اش صار فيه

المهم صلحوا لي السياره على الضمان
معا انهم قالو الكمبيوتر انصبت عليه مويه

وشكرا

الأخ الفاضل : hascom100 ،،، المحترم

بما أنك اشتريت السيارة حديثا ( الله يطعمك من خيره ويكفيك شره ) قل آمين ،،،

فقد يكون من باعها عليك لم يعمل لها أي صيانة دورية من قبل ،،،

وعليه فعليك القيام بما يلي :

أولا : تفك البوجي الأول في السيارة - عن طريق الفني - ويشخص لك حالته ويقيس على الباقيات ويقوم بغسلها بالبنزين إذا كان عليها كربون شديد ( لأن الكربون موصل ويعمل على تهريب الشرارة قبل قفزها الى السالب ) .

ثانيا : تغيير فلتر البنزين - أساسي - لصفاوة السيارة .

ثالثا : تغيير فلتر الهواء - أساسي - لحرية دخول الهواء الى المحرك .

إن استمرت المشكلة فإن التفتفة تعني أن الخليط فقير ( الهواء أكثر من البنزين ) وعليه يصاب المحرك برعشة وينطفئ عند أقل مجهود ،،،

عندها يكون الاحتمال التالي هو البخاخات تحتاج الى تغيير ،،،

رابعا : لا تنسى تغيير فلتر القير - أساسي - لسلامة القير وكفاءته ،،،

والله أعلم ،،،

وتقبلوا تحياتي ،،،

شوف اول شي خلي السياره تحمى لين مايوصل امبير الحراره على الربع ساعتها امشي
واذا السياره مكتومه نظف بخاخات واذا السياره فيها تفتفه غير بواجي وغير الاسلاك معاها وسوي هاذي الشغلات وانشالله تروح المشكله

شوف يااخي انا حصلت معايا مشكلة مشابهة تماما لمشكلتك مع اختلاف نوع السيارة ودوختني كتير جدا لفلفة على الورش ونظفوا البخاخات بالجهاز وغيرت الطلمبة باخرى جديدة وطبعا بواجي وفلاتر وكل هذا بدون اي نتيجة واخيرا واحد ميكانيكي قالي غير البخاخات قولتله مش ممكن المهم فك سيارته وركب لي البخاخات حقته وقالي جربها يومين وشوف واخدت السيارة وفوجئت بصراحة باداء السيارة اختلف تماما وكمان صرفية البنزين....

شف زي ماقال أخونا الفاضل ( Dead ) ... أنت أبدأ بالأشياء البسيطة مثل :

1- فلتر هواء + وزن الهواء + التشييك على الهوز حتى لايكون هناك تنسيم أو شق
2- فلتر البانزين
3- البواجي وأسلاكها

بعدين شيك على الاشياء الكبيرة :

1- البخاخات
2- منظم الهواء ( خصوصا أذا كانت السيارة تطفى عند التشغيل وهي باردة )

أخوي Dead

السيارة الحين ما شية 148000 كم

أنا شريتها مستعمله وكانت ماشية 138000 كم
يعني مشيت فيها 10000
المهم الفترة هذي كلها مالعبت فيها ولا غيرت إلا فلتر وزيت الماكينة ..؟.؟.؟

فما رأيكم دام فضلكم

اخوي hascom100 السيارة كم ماشية ومتى آخر مره عملت لها تصفية ؟!!

اول شيء بدل فلتر البنزين واذا مانفع اعمل تصفية شاملة : تبديل بواجي - وايرات - فلتر هوا - فلتر بنزين - تنظيف البخاخات

بحفظ الله

أخوي Galant VR-4 مشكور وما قصرت وبالله هذا إحنا أضفنا كمان احتمال

أخوي observer
إحتمالاتك منطقيه لكن أنا خبري إذا المشكله في البخاخات تكون على طول
وأنا أتوقع أنو من الأفضل أستبعد البخاخات لأني حطيت سائل التنظيف ولا كان في أيي تحسن

على فكرة السيارة لما أكون واقف عالاشارة أحيانا تتفتف ثم تطفى إذا أنا مالحقت ودبلت لها بنزين مع العلم إن المشكلتين يجو بنفس الوقت يعني إذا السيارة تفتفت ثم طفت عالإشارة أكون متأكد أنها راح تتعبني بالقومة وهذا ما يحدث فعلا فالطفي والتفتفة مرتبطة بالتنتيع بالقومة
على فكرة لنفرض إني ماشي 130 على طريق سريع ومثبت السرعة إن شاء الله 100 كيلو ما أحسن فيها أي عيب وهذا دليل ثاني أن البخاخات تمام

أفيدونا..........

اللي أخبره ان طرمبة البانزين إما تشتغل أو تكون خربانه ..... يعني في حالتك ممكن تسبعد ان يكون الخراب من طرمة البانزين ........ هذا أولا

ثانيا ....... انت قلت" أن إذا كنت ماشي مثلا 120 وهديت السرعة وبعدت رجعت من جديد أدعس تنتع" .............. هذا معناه نستبعد البواجي و أيضا نظام الهواء حق المكينة ( لا اذا كان هناك "شق"ولو صغير في نظام الهواء والسيارة واقفة تبدأ تنتف وممكن تطفى بعد )

الإحتمال الممكن , والله أعلم , أن المشكلة في البخاخات ....... يبغالها تنظيف .... وممكن تكون المشكلة من ( فلتر البانزين ) ....... أنصحك تغييرة قبل ماتشيك على البخاخات .................. وسلامتك