(( الرساوة )) كلمه الكل يتمنى تحقيقها

اخوي ... لما نتكلم عن الرساوة احنا نتكلم عن ثبات السيارة في الظروف الاعتيادية

........
انت تفكر السيارة ايش ... جبل ولا هضبة علشان العوامل ما تـاثر فيها العوامل الطبيعية الجبارة

حتى الجبال و الهضاب تأثر فيها العوامل الطبيعية من رياح و مياه وتسمى العوامل المؤثر عليها بعوامل التعرية

اذا كانت الرياح القوية تأثر في الجبال ,,, ما تبيها تأثر في السيارات

احنا نتكلم عن ثبات السيارة ورساوتها في الطرق .... وتحت الظروف الاعتيادية
الظروف الاعتيادية هي :
ثلوج وامطار وحرارة و رياح .....
و أكثر السيارات الجديدة من الشركات العالمية مزودة بمحركات جبارة ...
وقوة هائلة في صناعتها
الخامات المستخدمة فيها خامات جيدة
هندستها هندسة مدروسة جيدا .. تجعلها تستطيع التغلب على هذه العوامل الطبيعية

بس ما تقول لي نجيب اعصار ولا رياح سرعتها 290 كم في الساعة .. لان اكيد الاعصار راح يأثر في السيارة ...

اقرأ ردي اللي كتبته في اول الموضوع ....... وافهمه جيدا

السلام عليكم ورحمه الله وبركاته
اخي وزميلي ومشرفنا وحكومتنا Polite يالله انك تحييه . وكذلك انت عزيزى والله الواحد يعجز لسانه ان يرد لك كرمك في الردود وأنتبه لنفسك لايحسدونك وبعدين تصير ارهابي ردود :)

راعي الاوديTT
هلا وغلا أخوي وزميلي .
كلامك على العين وعلى الراس .
بس الفياغرا 2010 مو 2006 أستحاله تتغلب غلى العوامل الطبيعيه فمابالك في العوامل الفيزيائيه .
العوامل الفيزيائيه يصعب التغلب عليها بل في حكم المستحيل من صعود وهبوط ومنحنيات وثقل وجاذبيه .

اما بالنسبه للعوامل الطبيعيه :-
عندك مثلاً الهواء قوه طبيعيه هائله ومن الامثله على قوته انه يجتث الشجر والمنازل .

تخيل انك تمر بجانب شاحنه وهواء بسرعه 60 كيلو فى الساعه وبعدما تتجاوز الشاحنه سيارتك لاتتذبذب . هذا بحكم المستحيل لأننا لو حكمنا على انك تسير بسرعه 120 كيلو متر وظغط على سيارتك مع احد الجوانب الثلاثه الاخرى غير المقدمه اذا كانت مع الجوانب فكأنما سياره صدمتك بسرعه 60 كيلو متر ولكن بدون ثقل ولهذا السياره تتذبذب رساوتها على الطريق . اما اذا الهواء من الخلف فان السياره تزيد من سرعتها وهذا دليل ان السياره لاتستطيع التغلب على العوامل الفيزيائيه . الان نأتي للهواء من المقدمه .من الاستحاله ان اي سياره مهما بلغت قوة محركها ان تسير بسرعتها الكامله اذا كان هناك هواء من المقدمه وهذا مايسمى الانسيابيه .

ارجوا انى وفقت في توصيل المعلومه . وشاكر ومقدر لك اهتمامك وردك فى الموضوع ولبقيه الزملاء .

مع التحيات اخوك وزميلك ابو محمد
ل و ك 151 :)

اخوي*ل و ك 151*شكرا على الموضوع مرة اخرى

و حبيت اناقش معاك الموضوع

ان الرساوة في الوقت الحالي هي رساوة نسبية يعني من وقت الى وقت تختلف

فقبل 10 سنوات كانت الشبح موديل 92 من ارسى السيارات
ولكن اليوم رساوته لا تقارن برساوة المرسيديس الفياجرا 2004

نلاحظ ان اليوم المرسيديس الفياغرا اذا كنت تسرع سرعات عالية فأنها تهبط وتكاد تلامس الارض وتبدأ الحساسات تستشعر الطريق عن بعد و تشوف اذا كانت فيه رفاعات

والرولزرايس تعد من ارسى السيارات وكذلك المايباخ

المايباخ لاتـاثر فيها العوامل الفيزيائية العادية مثل الثلوج والامطار و الرمال و الشمس
وتستطيع صعود الطرق الصعبة المتعرجة .. ولكن لا تستطيع مثل البي ام اكس فايف

لان المايباخ رساوتها فقط في الطرق الممهدة والمرصوفة
فهي راسية على الطريق العام
اما الاكس فايف (bmwx5) كل يوم 100 وحدة تتقلب على الشوارع فهي غير راسية
لان الجيوب اكثرهم غير راسيين في السرعات العالية
ولكن في الصحاري والرمال فأن الاكس فايف تشق الصحاري شق وراسية
اذاً البي ام التي ذكرتها غير راسية في الطرق العامة اذا قارنتها بالفياجرا المرسيديس
ولكن هي راسية في الصحراء والرمال وخصوصا في المناطق الجبلية


اذا السيارة الراسية تكون راسية في مجال واحد او مجالين او 3 ولكن لا تستطيع ان تكون راسية في كل المجالات

وبعد فترة الفياجرا موديل 2004 لن تكون راسية ابدا بالمقارنة مع الفياجرا 2006 الجديدة

من زمان السيارة اللي تسرع 150كم في الساعة وبدون ما تهتز او يهتز سكانها وتكون ثابته في الخط يعتبرونها ارسى سيارة وانها في غاية الرسو والثبات

بس شوف الحين الكامري .. يسرعون 200 بدون اي مشاكل ولايعتبرون راسيين


مثل ماقلت لكم الرساوة نسبية وتختلف من زمن لآخر .. والزمن هذا فيه سيارات راسية

هلا براعي المواضيع الراقية ..
حياك ربي أبو محمد ..
موضوع جدا جميل ورائع ..
والحقيقة الواحد يعجز يوفيك حقك من الشكر والثناء ..


أشكرك جزيل الشكر على الموضوع الرائع |1| ،
وأنتظر منك المزيد من الإبداعات