مخالفات × مخالفات . شاركنا بتجربتك

أشكركم على تفاعلكم مع الموضوع ..

ذكرتوني بسالفة مضحكة ..

كنا مسافرين لأحد المدن في المملكة .. ومعنا عدة سيارات ..

أحد السيارات جمس سوبربان .. وراعي الجمس عنده سيارة ثانية فخمة يسوقها واحد من العيال .. كانوا ماشين 140 مع بعض .. وقفوا عند التفتيش أخذ راعي السيارة الفخمة مخالة وراعي الجمس مشى ولا قالوا له شي .. :D

ننتظر باقي المواقف .. :)

ـ ياهلا فيك أخوي أكورد وبس ،
أعذرني لأني الحقيقة ما شفت الموضوع إلا متأخر ..

عني أنا ماعمري أخذت مخالفة والحمد لله إلا مرة وحدة ،،
أنا عادتي ما أسوق إلا سيارتي فقط ..
أو سيارة الوالد ،
أو سيارة أخوي ،،
والإستمارة وقتها تكون بإسم شخص يقرب لي إم أب أو أخ ..

ذاك اليوم الوالدة زعلت علي قالت مكيفنا له شهر بمحل التبريد روح جيبه ،
فرحت لواحد من الشباب عطيته الأوميغا وأخذت ددسن نيسان غمارة 84 ..

وعاد أخوكم Polite ناطحة سحاب ماشاء الله عليه ،
كل ما أكلت مطب أو حفرة بالونيت راسي يخرق سقف الغمارة خرق :D
وفوق هذا : المصيبة أن إستمارة السيارة بجيب الرجال راعي الددسن ..

سبحان الله صادف يومها إني وقعت في تفتيش ،
وعاد فين التفتيش .؟
والله ياشباب قبل بيت الرجال بـ100 متر ..

وقفني العسكري وقال لي يا حرامي ليش سارق السيارة .؟
:( وقتها دوروني سببت له أزمة وتخاصضمت معاه مخاصمة ما يعلمها إلا الله ،
والمسكين يقول لي والله غير أرميك في الجيب وأوديك في القسم ..
فعاد قلت له والله قبل ما تحط يدك علي غير أكسرها لك ،
(( وقتها كان مدير المرور بالمدينة واحد من الجماعة ودايم يزور الوالد بالبيت ) |4| ،
المهم هو حس انه بياكلها على راسه بعد ما قرأ إسمي وتذكر المدير ..
فقرر أنه يعطيني قسيمة عدم حمل إستمارة ،
عطاني هي .. فقطعتها ورميتها عليه ومشيت ..

والحمد لله راجعت المرور بعد شهر علشان أسددها قالوا ما نزلت ..
وكفى الله المؤمنين القتال :)

آسف على الإطالة ..
وتحية خاصة لك أخوي أكورد وبس ،
ولجميع الحلوين المشاركين بالموضوع .


تحياتي ـ

والله انا كل يوم والمخالفة تصكني صك
حزام امان
تظليل
سرعة
والله حرام اللي يصير

تحياتى

3500 مخالفة إزعاج سلطات ((من غير ليش))

بس واسطه قوية شالها لي من الكمبيوتر

ولا تسوي ذكي لأنه مهما طال الموضوع رح يصيدونك|3||3||3|

تحياتي وألف شكر على الموضوع أخوي أكورد

تحياتي لك
als7e7re

المخالفه الي انظلمت فيها هيا مخالفه عكس دوار (الدوار الي في اخر خط الفيفا)المهم الدوار فيه اشاره
الاشاره تقدر تاخذ منها يوتيرن اوتاخذ الدوار كلو وانا دايما اشوف لومينات تاخذ يوتيرن
المهم فتحت الاشاره واخذ يوتيرن ولا اشوف هاذاك الفورد مشغل السفتي قااااق قااااق انا قلت وش السالفه اكيد حسبني اتطارح او مبلغ عني
المهم وقفت وقالي الرخصه والاستماره
وانا من ربشتي طلعتلو بطاقة البنك والاستماره خخخخخخخ وبعد سالفه طويله
اعطاني مخالفة عكس دوار

مشكور اخوي على موضوعك

بالضبط ماني مذكر كم

بس تقريبا 5 مخلفات من يوم مابديت اسوق

وانا خبرتي في السواقه 4 سنوات وانا ماشي في ال خامسه


الله يستر



تحياتي

أششششششششكر الجميع على التفاعل مع الموضوع .. وأعتذر عن التأخر في الرد .. :)

نبي قصص أكثر وأكثر ..

شكرا لك يا غالي على الموضوع الوناسة ,,,

وأنا لو قعدت أتكلم راح يطول الكلام ... ولكن راح أقول لكم قصة .. و الثانية راح أعطيكم الرابط ....======

مرة كنت ماشي في خط الملك في جدة و كنت ماشي تقريبا 100 و فجأة دخلت تفتيش .. و إلي ورايا كان مرة لاصق قلت: ما راح أدعس فرامل زيادة عشان لا يدقني و دخلت التفتيش و أنا ماشي 60
و العسكري قاعد يؤشر للناس عشان يمشوا جاه دوري و هو كان لافّ وجهه وجيت أنا و بالغلط صقعت له يده بالمرايا ======= كنت خاييف على المرايا ,, ههههههههه

وقاعد يصرخ جنب جنب ..

وأعطاني قسيمة سرعة
و تظليل == كان المشكلة جونسون و نظامي بعد
و عدم حمل رخصة

يا ويليييييييييي خلص دفتر القسايم عليه

بس عاد تعرفوا لأنه مقهور ماني قادر أجيه لا بأسلوب ولا يحزنون

وأتفضلوا القصة الثانية :::

أضـــــ غ ــــــــط هنا


باااايو

الحين انا بتكلم عن نفسي
1- مخالفة عدم ربط حزام أمان ( هذاك اليوم كنت طالع من البيت بروح أجيب أعراض من العزيزية اللي جنب بيتنا وانا قافله معي (H) ولاربطت الحزام أول مره ما أربطه هذاك اليوم ) إلا ويجيلي هذاك العسكري كنت كل يوم أشوفه ماغير يكتب مخالفات ولاعمري شفت أنذل منه
المهم عطاني المخالفه 100 ريال
2- مخالفة سرعة أخذتها في جده كنت راجع على طريق المطار بروح لأبحر الشماليه فرحان معي غداي من البيك بلحق أتغدى هههههههههههههه شوي إلا اناظر بالمرايه الدورية وراي ولاوقفني انا قلت الدعوة فيها إنا انا هديت وامشي امشي دخلت عند دوار أبحر إلا يشغل السفتي ويوقفني قالي ليش مسرع ؟ قلت انا ما أسرعت ( كان العداد حق السرعة عندي خربان ما أدري كم أمشي بس ماعلمت العسكري ) ههههههههه قالي الرادار صادك مسرع قلتله يا ابن الحلال ما أسرعت قال اكذب عليك انا ؟ قلت لا طبعاً اللي تشوف قلتله كم السرعة اللي مسموح فيها هنا ؟ قال 110 قلت والله توي ادري انا من الرياض !!!! ناظرني وقال والله ودي ما أعطيك مخالفه بس رئيسي بعدين يسبب لي مشكله وعطاني مخالفه وكتب عليها ( أنذر ) وإلى يومك ماسجلوها الكلام هذا من سنتين

يالله اللي بعدي

تحياتي
Accord V6

انا ما عندي ولا مخالفة .








بس عندي 10 من المخالفات أولها كانت مخالفة سرعة




تحياتي لكم ,,,

والله انا عندي 20 مخالفة سرعه وهذا كان اول ما توظفت توظفت في المجمعه ولكم انكم تقدرون ظروفي يوميا ادوام من الرياض فا وانا رايح مخالفه وانا راجع مخالفه وعندي 7 مخالفة عدم ربط حزام الامان وهذا الشي لاني حالف اني ما اربط الحزام 8 مخالفة تظليل وكلها زيرو زيرو لكن من يوم كدمت السياره ما حد قالي شي تفحيط 1 بس والله ظلم اعلمكم سالفتها بعد شوي عكس سير 3 محاوره 5 وحده منها مظلوم فيها والله وعليكم الحسبه

اما قصة التفحيط فهو في يوم يطبقون نظام المرور السري فا كنت طالع مع واحد من الشباب نفطر في شارع الخزان المهم جت جنبي لومينا قالت لي وقف على جنب علشان يخالفني على التظليل بس المهم انه اشر باصابعه وانا فهمتها غلط ؟؟!!؟؟ المهم فتحت الدريشه ومن ثوارتي اني ما انتبهة للبدله عاميني الله عنها واقعد اتلفظ عليه واتكلم عليه كلام ماله داعي وقلته وقف يا بن ........ على جنب المهم وقف واحول ابغى العن خيره واشوفه ولاه لابس بدله عسكريه واشوف السياره لومينا 2003 واركز ورا ولاه السفتي سلمت عليه وشرحتله الموقف والرجال صراحه تفهم الوضع ولا قالي شي بس عطاني مخالفة تفحيط وسرعه ومحاوره وعدم ربك حزام الامان وقطع اشاره ونسى المخالفه اللي وقفني علشانها اللي هي التظليل !!!!!!

موضوع جميل جدا من الأخ أكورد وبس

أنا خذت مخالفة وحدة وهي

عدم حمل رخصة

من بعدها ( قبل ما أطلع الرخصة ) أي تفتيش قدامي

الله يسلمك اقرب رصيف وامسك الشارع الثاني

او أقرب رمل ــ جلد ــ مزرعة أدخل وا طلع منها

بس ذاك الوقت كان عندي وانيت GMC >>> مايقول لا

تحياتي لكم

TSS_LUMINA SS

غريب والله .. حتى الآن ما قالوا لي شي ..

مشكور على المشاركة ..

The snake

abbodi

أشكركم على المشاركة .. وننتظر بقية الأعضاء .. :)

انا سجلت علي 4 مخالفات ...2 منها مو لي وكلها سرعة..

اللي انا سويتها :
تظليل زيرو ون في الصيف...يعني حر وكانت مشاويري واجد في الظهر...يعني لها داعي انك تحطهاعشان تخفف عليك شمس القايله(الحر الشديد في الظهر)..
المهم وانا على نقطة التفتيش بين الرياض والخرج..جاك ذاك الجندي و طلب الرخصة والاستمارة (لاحظ ان السياره مو بإسمي ..سيارة خالي يعني العايلة مختلفه كليا).عطيتها ايها عشان اسفط..ما لحقت انزل الا وواحد نقيب مستقبلني بالقسيمه ..لا ويهاوش وشياطينه قايمه ,اللي يشوفه يقول لواء وهو نقيب لا وعلى نقطة تفتيش, والله واخوكم يحاول يتفاهم معه لكن لافائدة....الغريب فيها انه 3 سيارات مرت قدامه ونفس التظليل ومسكرين القزاز وماقال شي..مشيت من عنده وقلت له الله لا يحللك ولايبيحك...والله اول مره احقد على شرطي ذاك اليوم..يعني ما سالني منهي سيارته او اي شي ثاني..اهم شي مخالفة التظليل...

الثانيه..تجاوز خطوط المشاة في شارع الثلاثين...

الثالثه..على طريق الشرقيه زميلي مسرع وصادنا الرادار وهو مامعه رخصه فسقت عنه وسجلوا المخالفة علي ...

الرابعه وهي اغرب مخالفه ...سرعه..تصور انك يكون راكب في السيارة وزميليك هو اللي يسوق ومسرع وانت اللي تتسجل عليك المخالفه..<<العسكري طلب اثباتي فسجلها علي بالغلط..

وآآآآآآآآآآآآآآآآآآآآآسف على الاطاله

انا ولله الحمد ما اخذت ولا مخالفه الى يومكم الحاضر ^_^

بس ولد عمي نفس حالتي ما خذ ولا مخالفه الا ان اسرع ذاك اليوم اخذ مخالفة سرعه وفي نفس الاسبوع اخذ سبع مخالفات كلها سرعه تقول باب وانفتح

هلا اخوي اكورد وبس موضوع جميل

انا مالي 5\6 شهور ماسك السياره

قبل 3 ايام معطين مخالفه تضليل خلفي ((انا مادريت انهم نزلو قرار))

الشكوى الي الله

طبعا 100 ريال

الله يعين

ENVOY-SLT

أنا ما حطيت الموضوع هذا إلا عشان نضحك ونستانس .. :D

ذكرتوني بموقف أضحكني كثيرا ..

مرة كنت راح أنا وواحد للشرقية .. وطاقين 200 إلى 220 ..

يوم رجعنا للرياض خليته هو يسوق .. ونفس الطريقة .. السرعة من 200 إلى 220 .. لكن يبدو إن الرادار لقطنا وحنا مسرعين .. فصارت القسيمة على خويي .. :D

قلت له .. تستاهل .. وشوله السرعة .. :D

ومشكورين على الرد والتفاعل .. وننتظر بقية الأعضاء .. :)

انا 7600 ريال مخالفات بعد التخفيض |536|



نفس افجر المرور |232| |374|


بس عايش على مثل
(طنش تنثعش تعش) |1|:D