اخوي الفني
اذا ممكن تعطيني عناوين المواقع لاني لقيت كلتشات كثيره في النت ولاكن اغلبها لموديلات 96 و لقيت موقع واحد فيه كلتش لموديل 2001 لاكن خايف اطلب و مايركب عندي يكون فيه اختلاف .
الاسبوع الجاي ان شاء الله اركب الهدرز و بعده الكلتش هذا على حسب الخطه اللي رسمتها و خلال سته اشهر تكون السياره جاهزه.
القطع بالترتيب .
الاسلاك + البواجي + الفلتر + ميزانيه الدلكو( هذي خلصت منها )
الهدرز+اقزوز سستم + كولد اير انتيك(الاسبوع القادم مع بدايه شهر مارس)
الكلتش(بداية شهر ابريل)
الكام+ سبرنقات بلوف (بدايه شهر مايو)
حاليا انا في بدايه تعديل البريميرا وبعد لفلفه في الانترنت لقيت ان البريميرا لها قطع تزويد كثيره و كبدايه ركبت اسلاك و بواجي NGK اريديوم و فلتر و عملت ميزان للديلكو و الطريقه بسيطه بدون ما تفصل اصبع البطاريه و هذي المعلومه اخذتها من موقع على النت
الطريقه اولا تشغل السياره الين ترتفع الحراره الى المعدل الطبيعي و تطفي الانوار و المكيف اي حمل على السياره لازم تطفيه و بعدين تفصل الفيش اللي راكب في الثروتل و تبداء في ميزان الديلكو و افضل درجه لميزان الديلكو بالنسبة لبنزين السعوديه هي 17 و اذا كان البنزين فوق 98 اوكتان ممكن توزن الى درجة 20 و بعد ما تثبت و تتأكد انك على درجة 17 اربط على الديلكو و طفي السياره و ركب فيش الثروتل و شغل السياره و شيك على ميزانية الديلكو عشان تتأكد انها على درجة 17 و عشان تختبر ان الميزانيه صحيحه ولا فيه صرقعه في الديلكو امشي بالسياره على التعشيقه الرابعه و خلي rpm على 1250 و ادعس على البنزين للاخر و اذا سمعت صوت صرقعه معناتها ان الوزن فيه غلط و غالبا يكون على درجة اعلى من 17 و هذي المشكله اسمها صرقعه ديلكو او detonation و اذا خليت السياره على هذا الحال راح تذبح المكينة ارجع و تاكد من الميزانيه و هذا الموقع يبين لكم بالصور و الشرح
http://www.pulsar.org.au/tech_timing.php
طبعا هذا الشرح للاستفاده و اخوي الفني استاذ كبيرمايحتاج اني اشرح هذا الموضع ولاكن الاستفاده للجميع .
