كاتب الرسالة الأصلية Shevchenko
اخي MANI MAN
هذا كلام خبراء نفسيين ادرى واعرف مننا
وهذا ما يحسه الشخص العادي عندما يرى واحد مدلع سيارته فهو لا ينظر اليه بعين الاعجاب بقدر ما ينظر اليه بعين الاستخفاف
مع احترامي لك هذا كلام شياب موب كلام خبراء نفسيين
اي واحد طبيعي يحب التميز
وبعدين ماني عارف متى الناس تقتنع بمقولة الناس اذواق وكل واحد وذوقه واهتمامه وتفكيره ؟ يعني ليه تفرض رايك على الكل ؟ ليه انت الصح والباقي غلط ؟ ليه اذا انت ماتحب تعدل بسيارتك تستحقر الناس اللي تعدل سياراتها وتقول تفكيرهم غلط وناقصين؟ ياخي الناس هذي هواياتها التعديل ويحبون يشوفون السيارات المعدله زي اللي يحبون الكوره ويحبون يلعبونها ويحبون يطالعون مباريات الكوره نقول عنهم ناقصين ؟
نصيحتي لك اركب مع واحد سيارته معدله تعديل صح وشوف الناس كيف بتطالعك انا ما اقول كل العالم منعجبين بالسياره اكيد في ناس زي تفكيرك يقولون اش المسخره ذي وبعضهم يقولون ماشالله تعديل حلو
اذا بنمشي على تفكيرك مانشوف تنوع في اللبس وتنوع في الاكل وتنوع في السيارات وتنوع في المسكن ؟كان تشوف السيارات كلها كامري وكل اللبس ثياب وكل الاكل رز وكل البيوت اربع غرف والجدار لونه ابيض والباب اسود وانتهينا
بس كل واحد ومتطلباته انا واحد احب السرعه اخذ لي سياره سريعه انا واحد عندي عايله كبيره اخذ لي سياره كبيره وزي كذا
