كلللللللللل ماتريد أن تعرفه عن النوس بالصور

و هذا من نتائج النوس




و هي صورة قريبة
علما ان السيارة بي ام 325 موديل 94





|3|

ماشاء الله عليك يا MAX+300E
ويعطيك الف عافيه



تحياتي لك

طيب نكمل اليوم اخر شي في تركيب النوس ::
التجربه:
قفل صمام الاسطوانه واضغط زر تشغيل النوس وبعدين زر اطلاق النوس
حتسمع صوت طقه والنوس حيفضى في الخطوط للبساتم وحتتعبى البساتم بالنوس
تحذير: هذه حركه مره غلط لأنه انت تفضي النوس في السلندرات وهيا مطفيه واول ماتشغل المكينه راح تجيب العيد لأنه البساتم مليانه نوس وراح تدمر ابو المكينه كلها:eek:
عشان تصلح غلطك اتخلص من النوس اللي في البساتم عن طريق اسلاك الكويلات وسوي تهويه للمكينه ل15 ثانيه على الاقل وافضل انك تسيبها اطول من 15
اول ماتفضي النوس من المكينه وتقفل الاسطوانه والمكينه مطفيه طبعا المفروض ماتسمع صوت تهريب نوس من أي مكان. بعدين ممكن تكمل
قفل زر تشغيل النوس وشغل المكينه واتاكد انه مافي تهريب بنزين في البخاخات
ادعس ل 3000 دوره في الدقيقه بعدين اضغط زر تشغيل النوس وفك صمام الاسطوانه يدويا
على عكس ماتتوقع دورات المكينه حتقل بسبب الزياده الكبيره اللي سويتها ووممكن تحس انه المكينه حتطفي عليك بعدين اترك زر الاسطوانه
والمكينه لسه شغاله، دحيت النوس جاهز بس باقي تفتح الاسطوانه
والمكينه شغاله بس مابيوصلها نوس وقف وافتح الاسطوانه ماحيصير شي في ضغط السياره
دحين بس باقي تدور طريق عشان تختبر سيارتك فيه بس انتبه لاتطلق النوس حتى تكون على 3000 دوره وانتبه ترى الضغط يوصل للاحمر بسرعه اكتر مما تتوقع

النتايج:::
بالنسبة لهذه السياره ماصار شي خطير وتم تجربة الاسطوانه كامله عليها بامان تام
بس في القومه الكفرات كانت حتنط شويه من الارض في القومه وتوصل 6000 دوره بسرعه اكبر مما تتوقع |1|
الضغط حق السياره موزون من الشركه انه يوقف عند حد معين واول ماتركب النوس حتتفاجأ بالقوه وراح تفصل معاك المكينه بسرعه عشان كده في مبرمج تحدده انه تفصل المكينه عند الحد اللي تبغاه واعتقد اني حطيت صورته قبل كده

السياره قوتها قبل التركيب للنوس 132 حصان عند درجة حراره 30
في وقت تاني قسنا القوه عند درجه حراره 75 ف ووصلنا لقوة 117 بس من غير نوس:mad:
بعد تركيب النوس 162 حصان يعني زياده 45 حصان (على الكفرات) في نفس درجة الحراره
على فكره الاسطوانه تكفي ل7-10 قومات يعني تقريبا كل قومه تكلفك 4 دولار الى 4.5$ يعني كتير شويه عشان كده الافضل ماتشغل في أي وقت الا مع واحد يستاهل وترى 45 حصان قليل لأنه ماركب كل الاكسسوارات وكمان لأنه اصلا السياره قديمه

على العموم افضل قوة طلعت في السياره كانت تقريبا 180 حصان(على الكفرات) عند درجة حراره 75ف وبعد تركيب CAIو بكرات و8.5ملم اسلاك وNGK قوابس و22/16 بخاخات نوس يعني بزياده (63حصان على الكفرات)
انا كده غلقت موضوع التركيب من الالف للياء ان شاء الله اكون كفيت ووفيت واذا اخطانا فمن انفسنا والشيطان وان احسنا فمن الله وعلى العموم اذا في تعديل او ملاحظات لاتقصروا معانا
وترى الموضوع ماغلق ابدا لأنه لسه باقيلي احطلكم اكسسوارات كتير ان شاء الله|3|

اخوي ابو ماجد مشكور على ردودك وماقصرت اخوي
اخوي اسكندر شكلك زعلان عشان مافصلتلك في الرد ؟؟؟
على العموم ابشر اذا تبغى تفصيل واقلك كل شي عن التركيب بس استنى يوم الاحد هذا انا اغلق من الاختبارات بس لاتزعل علينا
اخوي موستنج انا اتمنى احد يركب من العيال نوس على سيارته لأني ماشفت احد ركب نوس في موستنج عندنا (من اللي اعرفهم) فيالله خلينا نشوف واحد يتهور ويركب
بالمره سويت افاااااااااا الموضوع صرله كم اسبوع ودوبك تدخل فشلتنا :(
(ان الله يحب اذا عمل احدكم عملا ان يتقنه) وانا اخد هذا الحديث نصب عيني في كل مكان عشان كده وسعت في النوس
وعلى فكره انا ماغلقت من طريقة التركيب وان شاء الله انزل بقية طريقة التركيب الاحد او الاثنين

كل مرهـ ادخل فيها المنتدى اشوف الموضوع اقوم اطنش |4| اقول في نفسي انا اشلي واشل
النوس خليني على الزنون ابركلي

بس لمن دشيت الموضوع وشفت الي فيه صراحه اندهشت من ضخامته وشموليته
ناقشت كل صغيره وكبيره فالنوس ولا عجبني البيبي

تشكر على الجهد والله ان هذا المنتدى مشاءالله عليه محضوض باعضائه المميزين
امثالك ===================> مسوي مراقب .مشرف

==================================================== ودمتم سالمين

مشكور على الموضوع
الاكثر من رائع

حبيبي تسلم على هالمعلومات القيمه والرائعه |3|

طيب شكرا لك اخوي على الشرح الوافي

مشكور على الموضوع
الاكثر من رائع
وهذا ماهو غريب عليك
وشكر كل الشكر
على المعلومات الوافره
لهذه الشكر
اخوك
مرسى القلوب

حسب السياره والقطع المركبه عليها وحسب النوس كبير ولا صغير وحسب الاستخدام
وانا قلت القطع المفروض تغيرها في الصفحات السابقه واحد سال نفس سؤالك ارجع وشوف الحل

بس عليه خطوره ...

اخي هوا اصلا في محل تلغيم في مكه؟؟؟
ماعندنا غير مكي والمحل اللي في ام الجود وماعندهم غير فلاتر وبس
انت ماحتركب شي من هنا انت حتطلب من النت ويجيك بعد كم اسبوع او انك تروح ماكس سبيد وهما يطلبولك او تروح لاوتورايدر او اي محل تلغيم تعرفه
اما التركيب حتركبه في ورش جده ويامكترها
هل هو ممنوع؟؟؟ طبعا لمن تجي تسوي الفحص الدوري لازم تشيله ورجعه بعد الفحص لكن محد يدري عنك وانت ماشي محد يكلمك

مضخات النوس:
في هذه السياره الاخ وصل بلكات التوزيع بين حافة غطاء الصمامات وبين الثروتل بدوي
حاول تلوي الليات عشان تكفي في المكان باستخدام اداه خاصة لهذا الشي وبعدين اشر بداية ونهاية اللي واقطعه والافضل تقطع زيادة شوية عشان اذا غلط تستدرك الوضع
ركب الليات في بلكات التوزيع واضغط عليها
لف ليات البنزين والنوس مع بعض اللي جيه من الsolenoids ووصلها الى بلكات التوزيع بس لاتضغط لسه لأنه ممكن يكون خط النوس قصير وتحتاج تشده للشنطه
فك ضغط البنزين وغير فلتر البنزين واقطع خط البنزين ووصله بخط النوس في المكان المناسب وشد عليه
وصل الطرف التاني من خط البنزين لfuel solenoids وشد عليه واتاكد انه الفلتر مركب صح
شغل السياره واتاكد انه التوصيلات صح ومافي تهريب بنزين او شي تاني
وهذه صورة المكينه بعد التركيب

التركيب للشنطه ::
الاسطوانه ممكن تركب في اماكن كتير لكن غالبا في الشنطه وراح اوصف لهذه السياره
فك المقعده حقت الراكب الجانبي ووصل السلك من هناك وفي الشنطه حتلاقي الاستبنه شيلها وتحتها تلاقي الشكل اللي في الصوره
شغل الشنيور وافتح فتحه وعاد انت وفنك
من هناك اسحب مع خطوط البنزين لقدام وحاول ترخي الاسلاك عشان احتياط وبعدها غطي المكان من جديد ووصل الاسلاك للمكينه

هنا في الصوره حط خشبه وثبتها بمسامير عشان يضمن بس بس انتبه ترى تانكي البنزين تحتك لاتخرق الشنطه بقوه
خلاص هانت هانت قربنا نغلق صلو على النبي (صلى الله عليه وسلم) عارف رفعتلكم الضغط
دحين رجع كل شي مكانه وطلع اللي حق النوس ووصله بالاسطوانه (قيمتها 50 دولار 10 رطل تقريبا) وفك الاسطوانه بشويييييييش لأنه ضغطها حوالي 1000 باوند ،المهم فكها بشويش عشان تهوي اللي كامل

بعدها شوف اذا في تهريب للغاز وان شاء الله مافي شي لكن برضو اتاكد واذا في تهريب استخدم لصق تيفلون
الكهرباء::
بالنسبة للكهرباء سهله ان شاء الله كل شي في كتيب التعليمات
في زرين حتوصلهم قدام واحد للتجهيز وواحد للاطلاق موصله بزر صغير في الاسطوانه يعني بمجرد تضغط قدام الزر الاسطوانه تشتغل وتفتح WOT يعني (wide open thottle)
وباقي الاختبار واقلكم كم زادت القوة بس هذه خليها بعدين مع السلامه|3|

مشكور لكن في مكه ماكو صح . ممنوع ..

حنكمل اليوم تنصيب النوس ان شاء الله
دحين يبغالك تجيب الشنيور او المثقاب عشان في فتحات لازم تسويها بالنسبة للاملنيوم سهل الخرق بس انتبه الزاويه اللي بتثقب فيها عشان لاتجيب العيد
وكمان الفتحات لازم تكون قد خراطيش النوس لأنه لو كانت اكبر ممكن تخسر جزء من تدفق الهوا يعني حوالي 2-4%
اصعب جزء في التركيب دحين يجيك وهوا
فك الراس والثلاجه كامله المشكله هنا انه السيارات القديمه زي هذه حتطفشك ويبغالك ترش بخاخات وتنظف عبال تفك
ويبغالك تنظف الثروتل بودي والثلاجات وغيره وعاد الله يخلي منظف الكربريتور اشتغل شغل في كل شي وبعدها خليها تجف
بعدها ابدا حط fogger nozzleفي الفتحات ولف الين تمسك صح زي مهو موضح في الصوره


نظف مادخل الهوا بهوا مضغوط او بخاخات من السوق
بعدها جيب البخاخات وحطها في الfogger nozzle في السياره هذه استخدمنا 22للنوس/16 للبنزين وصلنا ل80 حصان بعدين غيرنا وحطينا 24 بدل 22 وجبننا 100 حصان
بعدها حط الانابيب ولاتنسى الشنابر وبعدها شد عليها بالصواميل
غير كمان الo-ring والحشية راح تكلفك دولارين لكل بخاخ وماتاخد غير دقيقه من وقتك
وصل خراطيش البنزين من جديد بس انتبه لاتخلي شي يلمس معدات النوس وطبعا زي ماقلتلكم اول اشر على كل خرطوش عشان لاتنسى المكان
هنا حتشوف الفايده لأنه لو ماركبته زي الناس راح ينكب البنزين وتسوي حريقه
اذا في شي عصلق معاك (او طفشك) عاد اشتغل توليف وجيب مشرط وابدا قطع حسب المكان المتوفر عندك بس لاتقص اسلاك بنزين ولا اسلاك نوس انتبه
خلاص ربنا يسر الين دحين ابدا نظف المكان بالهوا من الزيوت والغبار وكل شي واستخدم بخاخات تنظيف عشان تنظف راس المكينه واللي حولينه
ونبدا نرجع الاشياء مكانها من جديد اللي هيا الgasket والmanifold intake والثوتل بودي وال torque bolt على حسب اللي مكتوب في دليل الاستخدام بالترتيب التالي
--فلتر الزيت
--الخطوط اللي رايحه للثروتل بدوي بعد تركيب الgasket الجديده بالترتيب التالي
*كل خراطيش وليات الهوا
*EGR tube لمدخل الاكزوس
*مضخة زيت الطاره والبكره
*كل التوصيلات الكهربائيه
*رجع خطوط البنزين
*ارجع عبي موية الرايداتور من جديد
*وصل البطاريه
*وصل الكيابل حقت اثروتل وكيابل التحكم بالسرعه ان شاء الله تعرفوها انا عندي تحت الفلتر حق الهوا (في المرسديس وليس النيسان)
*شغل السياره اذا استغلت مبرووووووووووك غلقت جزء كبيير بس لسه ماغلقنا لاتنبسط مره
اتاكد من انه مافي تهريبات للبنزين من اي مكان من البخاخات او اي مكان تاني وخد لفه بالسياره عشان تتاكد انه مافي اي مشكله
وكده غلق الجزء الصعب بس باقي توصيل النوس للاسطوانه في الشنطه راح اكملكم هوا بعدين ان شاء الله |3|

زي ماقلنا اول هذه مكينه sohc والمكينه معدله ونشيطه والتركيب على الDOHC حيكون تقريبا نفس الشي مع اختلافات بسيطه
بسم الله نبدا التركيب
**حنجرب تركيب الخراطيش بعد تركيب البخاخات حقت النوس مع توصيل الصواميل الحمراء والزرقاء
وفي هذه المكينه ركبنا الخراطيش خلف ال4 بخاخات وكان المكان ضيق مره ويادوب كفى لانابيب البنزين بعد الضغط وكمان اضطريبنا انه نخرط شويه من صواميل الضغط الزرقاء عشان تكفي انابيب البنزين
والبقيه مالها داعي للذكر بس تقدر توفر التعب هذا على نفسك لأنه نوس توفر خراطيش بزوايا متخلفه حسب ماتحتاج تكلفك حوالي 40 دولار
**اسحب فيوز طرمبة البنزين عشان تتخلص من ضغط البنزين (الفيوز موجود قدام في علبة الفيوز) وفك فلتر البنزين حتلاقي البنزين انكب شغل السياره الين يغلق البنزين كله وتنطفي السياره
** فك اسلاك البطاريه حقت السياره
**فك الخرطوش اللي يوصل المويه للرادياتور الين تنكب كل المويه
**فك جميع اسلاك الكهرباء عشان لاتحيب العيد وتتكهرب وحاول تاشر على الاسلاك عشان تعرف كل سلك تبع ايش
وانت بتفك الاسلاك احتمال تلاقي الاسلاك تتكسر في يدك اذا كانت السياره قديمه زي في حالتنا هذه بس اهم شي البخاخات لاتجيب العيد فيها انتبه
الHEAD BOLT تلاقيه ورا مضخة زيت الطاره وحيختلف طبعا النظام من سياره لسياره عاد انت شوف سيارتك
فك كل خراطيش الهوا ومويات الرادياتور للاحتياط لاتنسى تاشر على كل وحده عشان لاتلخبط بينها
Remove the collector from the manifold. There are 5 bolts, easy to get to
بعدها في اشياء اختصاصيه للفنيين وكنت ابغى اذكرها لكن لقيت انه مالها داعي ابدا ومحد راح يهتم بيها غير يمكن بس الفني فقلت بلاشي
واغلب التعليمات راح تلاقوها في الكتيب حق النوس
على العموم نوقف هنا بعد مافكينا البخاخات ونكمل الباقي في وقت لاحق ان شاء الله

طيب دورت في المراجع الي عندي وابشرك لقيت التركيب بالتفصيل
وراح احط شويه دحين والباقي بعدين عشان الموضوع طويل مره


طيب هذه طريقة تركيب المنفذ المباشر للنظام السائل direct port wet NOS
موضحه على سيارة نيسان sx 240 se موديل 1990

المكينه هي .2.4 لتر SOHC KA24E

االادوات اللي حتحتاجها في التركيب ::::
مفاتيح ربط من جميع الاشكال والانواع (جيب الشنطه اللي فيها العده وريح نفسك)
هوا مضغوط -دليل استخدام النوس-مبرد-مفكات وغيره خلينا نختصر الموضوع
القطع ::::
4 بخاخات للنوس او 6 حسب السياره
2 solenoids (للنوس وللبنزين)
1 زر لاطلاق النوس
1 زر لتجهيز او اطفاء النوس
8 اسلاك او ليات 4 للبنزين و4 للنوس
جميع انابيب النوس
بكرتين توزيع مناسبه
خط للنوس للشنطه او المقعد الامامي حسب ماتريد
خط للبنزين على شكل حرف T
مثبت لليات
كتيب تعليمات :D عشان لاتجيب العيد
اسطوانه 10 رطل نوس
حاملات الاسطوانه
عداد للنوس لقياس الضغط
فلتر لنوس
قطع اخرى:::::
4 بخاخات ذات تحكم خاص للبنزين
Intake manifold-to-head gasket
Collector-to-intake manifold gasket
فلتر بنزين خاص
4 ليات للبنزين
وباقي القطع سهله ان شاء الله زي صواميل ومسامير واشياء زي كده
طيب انا جاني النوم دحين خخخخخخ
اكملكم الموضوع في وقت لاحق ان شاء الله لمن افضى من الاختبارات
ابشر يالمبورغيني
اذا واحد تاني عنده طلب كمان لايرده الا الكيبورد |3|

والله شي صعب حقيقة
لكن طالع في التوقيع حقي حتلاقي صوره عن التركيب تلاقيهم مفصلين فيه
وكمان ذكرت في البدايه طريقة العمل ووضحت شويه عن التركيب
لكن اشوف اذا قدرت اجمع من المراجع كيفية التركيب
بس مو وعد احاول انا واان شاء الله يصير خير بعد الاختبارات ماتغلق

THANK YOU
مشكور اخوي على الموضوع الرهيييييب

و الصراحه ماقصرت

و انا اقول ليش ماتحط لنا كيفيه تركيب النوس NoS على السياره !

و تحياتي لك

اخوك lamborghini