مقارنه قويه جدا بين YuKoN و LaNdCrUiSeR (( مواصفات و صور )) تعالووو واحكمووو

ياخوي اللاند ياباني واليوكن امريكي والياباني اجود واصبر
واذا تبي جرب انت ادخل بلاند البر وطعس وادخل بيوكن البر وطعس وشف
شالأحسن
واللاند شكله رهيب واليوكن شكله قبيح
والمواصفات اللاند احسن بكثير

انا احترم رايك اخوي
batrol2002
لاكن لعلمك الجمس صبور اكثر من الاند الى الشاص هذا منافس الجمس في الصبر
وانتم تقولون ان التوماتيك ما يصلح خذ يوكون قير عادياطلب طلبيه قير عادي وزييين اذا احد من سيارات
الدبل تصف جمبه في القوه
واعدي تقدر تطلب
الجمس يكرف يكرف
وانا صراحه من عشاق الاند

شباب أنا أحترم كل أرآكم وكل أنتمائكم للسيارة اللي تحبونها
في ناس تحب اليوكون لشغلات معينة مثل الراحة في الطرق السريعة وعزم جبار وما إلى ذلك وقد ترون اليوكون بكثرة في السعودية
وفي ناس يحبون الاند لشغلات معينة مثل التطعيس في البر وغيره من شغلات كثيرة وقد ترون الاند بكثرة في قطر
على العموم أنا شخص إذا تقول لي تبي سيارة للطرق السريعة وتطعيس على خفيف يعني مرة بالشهر وانت ماشي أقول لك آخذ يوكون بس مشكلته بعد انه غير اتوماتيك مو غير عادي وهذا عيب يعتبر بالنسبة لهواه التطعيس
وإذا تقول لي حق تطعيس وشكل راح آخذ لاند بدون تفكير
ولكن مثل مايقولون (كل عين ولها نظرة والنفس وماتشتهي والقلب ومايهوى)
يعني كل شخص يرضى بقتناعة ولو تجلسون من اليوم لبكرة ماراح أحد يقنع الثاني
مثلآ الانصاري مو مقتنع باليوكون وكذلك أمينيوم مو مقتنع بالاند كروزر
فهذي وجهة نظر لكل شخص
على العموم آسف على الاطالة ولكم مني جزيل الشكر
وللمعلومية لو يخيروني بين اليوكون والاند راح أخذ لاند وهذا بسبب وجهة نظر لي لاشياء معينة ولا أخذ بوجهة نظر غيري
(كلن بعقلة يرضى فيه) الانصاري والامينيوم لا تاخذون بكلامي أني ذكرت أسمائكم في حديثي الا لأني شفتكم ماشاء الله كل واحد مقتنع بسيارته

طيب الحين وش صملتوووو عليه ؟

مشكولرررر


اخى

RED Chevy

كلامك 100% هما اتحدو بالفعل
ومشكور على مشاركتك .


GM 2010
ان شاء لله المقارنه ستتجدد بعد نزول موديل 2005 من السيارتين .

على ماعتقد ان سوف يكون مقارنه بين لاندكروزر ويوكون دينالي كل ماينزل موديل
جديــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــد

الموضوع حلو والنقاش فيه مستمر بس للأسف محد بيقتنع بوجهة نظر الثاني، بس حبيت أوضح شي مرسيدس ماشرت كرايسلر هم إتحدوا حالهم حال نيسان ورينو|3|

LIMITED
اسفين التبس علي الوضع على العموم نحترك وجهت نظرك وشكرا

GM 2010
كلامك مزبوط بس على كذا حتكون كرايسلر المانيه
وكلنا نعرف ان الكرايسلر امريكي لاكن شركة مرسيدس
اشترتها ومافي شك انها حتستفيد من التقنيه الالمانيه
لاكن هذا لايعني ابدا انها صارت المانيه .

الأنصاري
انا املك لاند GX-R2 99
ماوجهتني مشاكل معاه الحين الحين والحمد لله .

ياريت تقراء ردودي السابقه عشان تعرف وجهة نظري في
مقارنة اليوكن بالاند .

صحيح ان محرك الاندكروزر240 حصان انت مستهين فيه مادري ليش بعدا عن لغت الأرقام
السيارة ممتازة للتطعييس وخفيفة وقوية
الشئ الثاني احنا شباب قطر نفحط فيها احسن من سيارات الإسبوت خخخخخ اذكر زارني واحد من شباب الكويت ووديته عند الشباب ماصدق يوم شاف التفيحط للي يهمة الموضوع عندي افلام كثير
ثالث شئ السرعة ممكن الكروزر ثقيل نوعا ما في القومة بس شوف اداءة على السرعات العالية اول شئ النيسان مايقدر يجيبة في الخط واغلب السيارات الي تتكلم عنها تنحرج امامة في الخط وفوق كل هذا هذة السيارة اذا فصلت العداد مستعدة تنزل الطبلون وتقطع في النمرة الأخيرة وكل هذا من محرك من 6 اسطوانات قوتة 240 حصان

وطبعا تتجواز البرادو والباجيرووالنيسان وغيرهم لستة طويلة

محرك الاندكروزر جبار الصراحة ويحرج اغلب الجيوب حتى الي هم اكثر منه قوة حصانية

الديكور الداخلي خلي نتكلم بصراحة مافي مقارنة من داخلية vx-r او حتى gx-r بالنسبة لليكون العادي

من ناحية المواصفات والزيدات الكروزر ينزل بزوايد اكثر ما نقول انها مش موجودة في اليوكن بس بالنسبة للسيارات الي تنزل عندنا

اوكي انا صاحب لاندكوزر ومستعد اتكلم عن العيوب او شئ صرفية البترول مرتفه في هذة السيارة واعتقد ان اليوكن اقتصادي اكثر من محرك 6 اسطوانات الموجود على الاند

الفرامل مش متحملة وزن وقوة السيارة وتم تغير بعض الأجزاء في الموديل الجديد الي عندي بس ما زلت غير راضي

وانا جربت سواقة التهاو الي هي اليوكن على شفر والصراحة عزم جبار وراحة بس سواقة الاند غير يوم سقت التاهو تحس انك تسوق سيارة كبيرة مرة بس يوم تسوق الاند تحس انك تسوق سيارة مسيطر عليها ممكن هذا يرجع للتعود مادري بس اعترف ان اليوكن اريح خاصة للخطوط الطويلة

وسلام للشيخ مناحي
LIMITED
والله انك عجيب واحترم وجهات نظرك بس اتمنى تجرب تسوق الاند او على الأقل اذا زرت قطر عطني خبر لأنك لو سقتها بتتغير ردودك نوعا ما

والسلام خير ختام

انت تقووول ان الجاكوار ماهي سياره امريكيه وهي سياره برطانيه ودايم في افلام جيمس بوند مايختار اى غيرها طيب الجاكوار من اي شركه؟؟
اكيد من شركة فورد يعني تعتبر امريكيه لانها من شركة فورد
وهذا معرووووووووووف


اخوكم
GM 2010

ملاحظه :
الجاكور سياره بريطانيه وليست امريكيه .

وبالنسبه لل8 لتر والله كثير لو كان يولد 450 حصان وفوق نقول معليش
بس لاكن 380 قليل والله .
طيب احد يعرف سياره تصرف اكثر من كذا ؟
مافي وحتى لو في شوف كم يولد حصان .


هذي حقيقه مافيها شي لو اعترفنا بيها
انا ما انكر ان الاند مكينته صارت مقارنه بسيارات طلعت في هذي السنتين
غير مقبوله بس لاكن اول ماطلعت عام 98 كانت شي قوي ورائع .
بس زي ماذكرت هذي السنتين سيارات كثيره غيرت مكاينها وصارت
مقاربه للاند او تتفوق عليها مثال:
الباترول 280 حصان .
البرادو 240 حتى البرادو صارت زي الاند .
الباجيرو 230 .

لاكن ان شاء الله في انتظار لاندكروزر ( عابر الارض )
بلوك جديد <------------- سّوا فيها لبناني

هلا اخوي مناحي والله اليوكون احسن بس الناس يشترون يوكون علشان سعره مايطيح يفكرون بالبيعه.

اخوي نيسان انت تقول الامريكي مايعيش طيب شف سيارات جي ام سي شف اعمارها
اكبر منك بكثير ولا الحين عايشه وتقول كروزر اكشخ سياره بالغت كثير
شف الدينالي شف كدلك اسكاليد شف انفوي شف بليزر شف تاهو شف يوكون
شف الجاكوار شف وشف الكثير السيارات الامركيه انا معاك ان كروزر كشخه
لاكن في سياره احسن من سياره ثانيه






وتحياتي لاخواني الاعزاء

انشالله نشوف الاند في سنة 2005 او2006 شكل جديد ورائع واكثر قوه
والجمس كل سنتين يتغير من الدخال يعني سنة 2005 انشالله يتغير من الداخل
وتقول شركة جمس انها تبي تغير وجهيت سياراته مثل بغيرون الشبك والصدام السفلي وبعض الزوائد مع جنب السياره اما انوار السياره الاماميه ماهم بغيرينها اما سنه
2010 بيتغير شكل الجمس كلياً حتى من الداخل بيتغير الديكور كلياً ومعروف ان الجمس يتغير شكله كلياًكل عشر سنين وبيصير اكثر قوه وافخم بعدين اخوي لومتيد.
انت تقول انه يصرف 8 ليتر شئ عادي اليوكون حجمه كبير وهو ماهو جيب او سيارة
سيدان او لموزين وهو سيارة دفع رباعي كاملة الحجم

المشكلة إنة الأمريكي ما يعيش في الخليج و الكروزر أكشخ و رزّة و شيخ البر و الشوارع

**و إذا اليوكن فخامة و كشخة و وحش لو ما نزّلو الأسكليد

طيب اذكرلي اشياء موجوده في اليوكن ومهي في الاند
على فكره الدينالي عزمه يوصل 8100 فورتك بس هذي متاكد منها 80%
بس ترها مو فخر قلي ليش لانه سياره تصرف 8 لتر
وفي النهايه قوتها ماتتجاوز 380 حصان شي مخزي بمعنى الكلمه
لانه حتى السيارات V12 ماتصرف كده .
شوف المرسيدس 5 لتر ونص يولد 355 حصان ( مثال )


وبالنسبه لسعر الاسكاليد يمكن جماركهم غاليه
تعال اليمن وشوف كم قيمة ال3VX-R
280 الف ريال سعودي لانه الجمارك عندنا مولعه
ها صارت اغلى من الاسكاليد ولا لأ هههههه

اتأكد كم سعرالاسكاليد في المملكه انا عارف
انها غاليه بس ما اعتقد انها توصل لهذا السعر ابدا.

وبالنسبه للجر موجوده في الاند من ورا .


سمعت اشاعه ان الاند حيتغير شكله بالكامل 2005
ومكينته V8 بعزم 5100 CC

وان شاء الله نشوف جمس جديد بشكل داخلي مختلف .


تحياتي