موضوع غريب شوي صح.
كنت انا وخويي بسيارته اللومينا جديدة توه شاريها, وقمت انا اضغط المسجل والمكيف(أمون) وابدل الاسطوانات واشغل الراديو وهو ساكت ويناظرني:)
ثم اخذت سيدي وشغلته قام يقطع ووقف الصوت , بهاللحظه هذي صرخ علي وقالي" الا السيدي هذا ممخش ويخرب العدسة".
قلت خلاص آسف, قمت ورميته برى.
صرخ ثانيه اقوى من الأول " ليش ترميه يا ملقوف كنت بانسخ عليه".
ثم قالي " انت متى آخر مره صحت؟"
صرت في موقف محرج(فعلا لقافة)
قلت خلاص ولا تزعل بشتريلك غيره, قال لا ما ابي شي بس فكني من لعبك.
ثم عاد عشيته على حسابي وأرضيته.
الشاهد بالقصة كلامه لي" مت آخر مره صحت"(بكيت)؟
بعد فترة قعدت افكر بكلامه : انا متى خر مره صحت؟
وتذكرت يوم توفت جدتي(الله يرحمه)قبل سنتين, كانت آخر مره بكيت فيها.
وعلشان هالقصة هذي كتبت هالموضوع ابي اعرف متى آخر مره بكيتوا ووش الأسباب(اذا ما كان عندكم مانع طبعا)
وصدقوني ان البكاء صحة , لكننا نخاف منه ونعتبر عيب ان الشاب يبكي او يعلمنا انه بكى في يوم.
