اريد ان اشتري اوبل اوميجا ولكن؟؟؟ متخوف !!!

شكرا لكم جزيلا

والله يسهل الامور انشاء الله

صحيح توافيق وحظوظ .

مرحبا اخوي
انا عندي اوبل اوميغا موديل 2000 فل اوبشن ماخذها مستخدمة من الإمارات ماشية 120000 والحمد لله صار لي سنة ماحطيت فيها غير جلد مقصات ونظفت الرديتر وبس (برى الوكالة طبعا وانا مجنون ادخلها الوكالة)
طبعا المواصفات مرة حلوة والسيارة جدا مريحة واقتصادية وتتحمل
وبصراحة ماتنعجب بزيادة فيها الا في السفر لانها مرة مريحة لاني رحت الامارات مرتين والكويت مرة والرياض 20 مرة وطبعا كلة بسرعة 200-250 والسيارة راسية مرة ولا تحس بالسرعة طبعا وكالعادة مواصفات الإمارات احسن من السعودية
بس كلمة حق حتى لا أظلمك ترى الأوميغا حظوظ
لان صاحبي شرى 2002 ويوم عنده وشهر في الوكالة ولليوم حطولها 7 مسجلات ولا اشتغل واحد وصار يسوقها على الصامت هههه
واذا انت هاوي رزة وكشخه خذ لك بي ام 740 موديل 96-99 اصرف لك من الأوميغا لان اسعارهم حلوة وقطعهم صارت متوفرة ورخيصة عندنا في الشرقية
واسف على الإطالة
واذا تبي تجرب السيارة ترى حاظرين
باي

اتوكل على اللة

يابن الحلال ابعد عن الشر وغني له

كانت عندي ابول اوميغا ( الله لايرد هذيك الايام ) ماشفت منها الا وجع الراس مع انها مامشت عندي الا 55 الف كيلو متر

ونصيحه اذا كنت تقدر على تكاليف صيانة الاوبل انصحك انك تشتري لك رولز اصرف لك

بحفظ الله :)

شوف يالغالي انا قريت خبر مهم عن هذي السياره وهي ان الشركه الصانعه اوقفت انتاجها ... والموقع اللي قريت فيه الخبر هو موقع www.moheet.com وهو موقع له سمعته ولكلام هذا قبل 3 اشهر ... لا تستعجل تأكد والله يوفقك

موديل الاوبل 2001
اخويkfu

kfu
مشكور اخوي ملاحظات راح اعمل بها انشاء الله تعالى

GM 2010
شكرا لك مره اخرى

على فكره صحيح ان الاوبل اوميجا ما تشتغل باشتراك
او اذا غيرت البطارية السيارة ما تشتغل الا بعد برمجة السيارة بالوكالة
والا هذا في الموديلات القديمة بس؟
يعني 2003 ما فيها مشكلة

أخوي GM 2010

لو سمحت كم موديل سيارتك؟؟؟ لأنك بصراحة أحس أنك بالغت في حرارة الموتر ... أنا ما أتصور أنها توصل لهذه الدرجة......

تحيااااااااااااااااااااااتي للجميع.....

في الشتاء توصل تقريبا بالكثير 85 درجة
اما في الصيف توصل يالكثير 95 درجة
بس حنا نبغا نبيعها لان خوفي من خراباتها
شف ترشيحي للسيارة
80% انك لاتشتريها
20% انك تشتريها
وكيفك اخوي

أخوي العربي أنا بصراحة أنصحك تأخذها .... وفي نفس الوقت ما أنصحك أنك تأخذها؟؟؟؟

أنا عندي أوميغا 2002 فل أوبشن وصار لها عندي الآن حتى اليوم 4/5/2004 تقريبا 5 شهور وبصراحة ما شفت منها الا كل خير وعلى فكرة تراني ما خذها من واحد شاريها على يده من الرياض وما شيه تقريبا 50.000 كم .

بصراحة أنا على كثر ما سمعت من المشاكل اللي في الأوميغا إلى هذا اليوم وأنا متخوف من الأوبل عموما على الرغم من إني لم ألاقي الا كل خير منها حتى الآن على الأقل والله يستر من الأيام القادمة؟؟؟؟

عموما تظل الأوبل تتميز ...

بالثبات على الخطوط عن السرعات العالية.

بالتماسك وليس كاللومينا تتهدهد بسرعة.

بالتقنية والأكسسورات الراقية والعاالية.

روعة وجمالية المظهر الخارجي والداخلي إلي درجة ان أحد الأصدقاء أطلق على سيارتي الأوميغا ..... البرنسيسه طبعا لروعة الشكل الخارجي والتقنية العالية...

منافسة السعر فهي تعتبر وعلى التقنيات اللتي فيها أنسب بالنسبة للسيارات الأخرى كاللومينا مثلاً وغيرها من السيارات الأخرى.

من الأيجابيات الرائعة في الأوميغا الرحابة والسعة من الداخل حتى كانك جالس في بيتك وليس في سيارة؟؟؟

أما عيوبها ...

طبعاً أولها وكيلها والذي لايعرف شيء فيها ...

قطع الغيار النار (( وبصراحة أنا لم أجربها لكن على حسب ما سمعت))

البنزين أنا ألاحظ أن اللومينا أنسب من ناحية الأستهلاك مقارنة بالأميغا وهذا طبعا اللي لاحظته بالنسبة لسيارتي أنا.

على العموم أخي العربي أتمنى أن تفكر جيداً وتتخذ قرارك وفي الأخير أتمنى لك الموفقية في الأختيار.....


أخوك علي من المنطقة الشرقية...

تحياااااتي للجميع.

المطرفي
شكرا لك بس ياليت تعطينا السبب

adsl
شكرا اخوي على حرصك بس مدري وش مشكلة سيارة اخوك بصراحة المبلغ جامد مرره وياليت تقولنا السلبيات الي صادفت اخوك ولك الشكر

GM 2010
اخوي شكرا لك, كم توصل عندك الحرارة الي اعرفة انها نص في الصيف والشتاء

CAM 717
شكرا على تعليقك اخوي

ابد لا تحاول انك تشتريها
معليش تحمل وقدر سياره ثانيه

هذا واجبنا اخوي
وبتجربتي السياره ماعليه كلام الى قطع الغيار يقولون غاليه (ناااااااااااااااااار)
ونادر واذا انت قريب من البحرين يعني من اهل المنطقه الشرقيه رح البحرين نصيحه
وفي الخطوط ممتازه و 1000000000 الف ممتازه كأنك راكب لكزس تمشي 160
ولا كأنك تمشي ومريحه بس بس عندها الحراره ترتفع اكيد الماني ترتفع درجه حرارته
من ناحيه المنظر منظر بس ركب لها جنوط مقاس 18 وخلاص مين قدك


اخوكم :!!!!:GM 2010:!!!!:

الاخ العربي انا عندي لومينا2000اخوي عنده ابل اوميغا 2001 فل اوبشن
لاتوجد مقارنة بين سيارتي وسيارته
سواء في العزم القوة التحمل ، حقيقة يميز الاوبل الثبات في السرعات العالية
سيارت اخوي الاوبل الان موجودة في ورشة الجميح تكلفة الاصلاح ( مبلغ تجاوز 15 الف ريال ) ممكن واحد يتصور انه حادث او سوء استخدام ياليت ، السيارة لم تسافرالا في النادر، المشاوير غالبا داخل المدينة الصيانة الدورية جيدة .

عالى العموم تظل ممكن تكون مشكلة شخصية فقط في هذه السيارة ولا استطيع تعميمها

الا اني اجزم في امرين

ان هذه السيارة ليست مناسبة لمجتمعنا بشكل عام ..........
يوجد خيارات افضل وانسب حتى ولو بزيادة مبلغ بسيط

انا اللي دفعني النصيحة فقط
واتمنى من صاحب الموضوع يسال زيادة عن السيارة قبل لا يشتري وشكرا

خوفك في محلة .. سيارة ما حولك

Polite
مشكور يا الغالي على مشاركتك وما تدري كم فرحت فيها لانك من المخضرمين في الاوبل وعندك خبره كافيه فيها والشكر موصول الى كل شخص تفضل وكتب وشارك بالموضوع.

انا يا الغالي استخدامي عادي يعني رجلي بارده على السيارة نوعاً ما اكيد مع المحافظة على الصيانة الدورية وبصراحة السيارة احتمال اخذها اقساط او ايجار منتهي بالتمليك.

لذلك ابي منك لو تكرمت تعطيني فكره عن سلبيات السيارة من الف الى الياء لو ما في تعب عليك ونبذة عن قطع الغيار والامور الاستهلاكية وبصراحة السيارة خاشة مزاجي مره وودي اني اقتني مثلها في القريب العاجل بأذن الله تعالى وانا ما افكر بالبيع الا بعد اكثر من خمس سنوات الى ست يعني مني راعي استخدام سنه وابيع.
يعني انا راعي استخدام
وابي منك ومن كل شخص يمكل اوميجا انه يتحفنا من نصايحة وتوصياته


والف شكر لك يا الغالي ولك من شارك في الموضوع


تحياتي واتمنى لكم التوفيق

مرحبا أخي الكريم
الشباب كفوا ووفوا ..

أنا كانت معي أوميغا نص فل 2001 وبعتها مساء أمس بـ30.000

السيارة أخي الكريم من أروع ما يكون ،
وأنا ما بعتها إلا لأن فيها بعض المشاكل اللي ممكن تخليني أدفع اللي وراي واللي قدامي عشانها ..

إن كنت بتشتري السيارة وتحطها بين عيونك .. وتحافظ عليها .. أنا أنصحك فيها ،
أما إن كنت بتسرع وتقاوم وووو.......الخ .. فهي ممكن تجمل معك .. لكن بتجيب لك مصائب بتخليك توقفها وتبكي جنبها ..

تحياتي لك ،
ولا تنسى تستخير .. نصيحة مجرب |1|