السلام عليكم أخوي شاطر لاوش دعوى ماعاش من يخليك تطر المهم
شف أنا أعرف واحد كان معه شفر موديل93 وقعده معه إلى عام2003 لاحظت طال عمرك هذا موديل93 فما بالك بالجديد وكان كارفه بالخطوط ومسحبه بالبراري وماخلا مكان بالمملكة إلا وراح له بهالشفر ولوه فترة شاري شفر موديل2003 وماشي معه زي الحلاوة وراح أعطيك المقارنة والأختلافات بينهم على حسب طلبك:
1- صرفية البنزين بيني وبينك مافي فرق بالصرفية واجد وإذا جيت تعبي فل يمكن الفرق10ريال بس بينهم طبعاً لصالح الشفر
2-من ناحية السعر سعر الشفر2003 125000وطبعاً اللي شراه كاسر راعي المعرض لين نزله ل123000 ريال سعودي وهو مشري من الأمارات فل أوبشون كامل مكمل والكامل وجهه سبحانه وحده وبالنسبة للجمس صراحة ماأذكر سعره بس أتوقع الشفر أغلى واللي يمسك سعره هو الشفر لأنه مطلوب بالسوق دايم ونادر وجوده وخصوصاً هنا بالسعودية أما الجمس مرة يمسك ومرة يطسح وخصوصاً لبغوا يتخلصوا من الجمس لو كان بكميات كبيرة
3- بالنسبة للخرابات ماأعرف أيهم أكثر ولكن من واقع تجربة مع خلفهم الشفر أقول لك خرباته قليلة وتذكر الكلام اللي قلته لك عن موديل93 تدري كم مرة جاب لوه قطع غيار مرتين بس ولكن عيب قطع غياره من الصعب إيجادها وأسعاره نار أما الجمس في واحد راعي جمس قالي أنه مابين فترة وفترة بغيرون الفحمات وغيروا الكفرات 3مرات لوووووووول وين والمساعدات مرة هايلكس هو كلي هذي خرابات شينة ومرة وحدة صار لهم شي بالمكينة وهو 2002 على ماأعتقد فل أوبشون
4-صراحة كلهم مريحين مكيف رهيب ومساعدات شي وخصوصاً مساعدات الشفر راحة ماتتخيل وكلهم رهيبين على الخط
5- للطعوس عشان ترقى سيف بالجمس لازم تمشي فوق100 أما الشفر80 تكفيك وتعتمد على السواق بدرجة كبيرة ترى ولك الشفر أقوى كعزم ومكينة ودفرنسين يشيلون لك البر شيل أتمنى إني أفدتك أخوي بهالمعلومات المتواضعة..
