عزيزي ( Initial D ) ، اسمح لي أقول لك بأنك ما عندك سالفه !
هذي تعتبر تغيير ملامح السياره و أكيد بيآخذ عليها مخالفه لأن السياره جت من بلدها بدون هذي اللمبات !
شرطة المملكة العربية السعودية من أفضل دوريات الخليج ، محترمين مع الغرباء مو زي شرطة البحرين اللي عذبوا سعودي بأهله !!
ما أبغى أتكلم عن دولة معينه ولكن اذا كانت شرطتنا متخلفه فأكيد شرطتكم أغبى .
والله محد ماعنده سالفه إلا أنت .. ماعاد بقى إلا انت تعلمني وشوا المخالف للقانون وشو اللي مش مخالف .. ياحبيبي هذا عندكم انتوا في السعوديه شرطكم كلها تعيسه زي الزفت . عمرك شفت شرطي يوقف واحد يتمشى على كورنيش الجبيل بعد الساعه 12 بالليل ويقوله فيه منع تجول بعد الساعه 12 ؟؟ ارجع البيت ولا عطيتك مخالفه تجول بعد منتصف الليل ؟؟ وشوا هذا
في شنو حنا حرب ولا احتلال
مره وقفني شرطي غبي في الخبر سألني وين رخصتك وعطيته إياها ويوم عطيته كان شايلها بالمقلوب |4| ولا يسألني وش اسمي .. قلت له اسمي موجود على البطاقه .. انحرج وطاني البطاقه وقالي توكل لانه مايعرف يقراء
وتقول محترمين مع الغرباء ... مره كنت رايح للسعوديه الصيف ويوم دخلت المركز سحبوا جوازي ساعتين ليش يقولي المخفي ممنوع؟؟ انزين الدنيا صيف وشمس والمخفي مسموح في قطر ..قال لا ماتبي ارجع قطر :mad:؟؟
والمشكله ماكنت أنا الوحيد كانوا قدامي عوايل بسيارتهم بعد مركبين مخفي وعييوا المركز يدخلونهم وهم مركبين مخفي ؟؟ والقهر انك لما تدخل السعوديه تلقى سيارات سعوديه عليها مخفي كامل
وفيه مواقف كثيره حصلت لي معاهم بدون أي سبب
أنا ما أقولك ان كلهم متخلفين بس الاغلبيه العظمى شايفين انفوسهم انهم ذوي سلطه على الشعب وطبعا تلقى الضابط حقه كارفه كرف اليهد وهالشرطي يبرد حرته في أي فقير مسكين يلقاه في الشارع ويذله ذل بدون أي سبب ويطلع له مخالفه من عنده وقوانين على كيفه
وبعدين إذا تركيب اللمبات مخالفه لانها مش جايه من الوكاله كذا ليش ما يخالف اللي يركب رنجات 18 ولا 17 والسياره تجي من مصنعها برنجات 14 ولا 15
ولا ليش ما يعطون مخالفات على اللي يركب صطبات كريستال خلفيه للسياره (( موهذا تغير للمظهر بعد ))
ناس كثير عندنا في قطر يحولون لاند كروزر إلى شاص ورفيج الوالد واحد منهم وما عمر شرطي وقفه وعطاه مخالفه على السياره
ناس انا أعرفهم مركبين مكينة لاندكروزر على نيسان ويطوف الفحص عند المرور عادي
وترى احسن شرطه في الخليج كله شرطة قطر والامارات لانهم يعرفون الذوق ومايعطونك مخالفه إلا إذا كنت قاطع اشاره أو مسرع .....إلخ
وإذا كان هو غلطان عليك برووووووح في مليووووووون داهيه لانه في قانون يحمي المواطن عندنا
مو يجيك ويعطيك مخالفه على ليت زينه
روح شوف طاش ماطاش (( حلقه الشرطه )) وعقبها بتعرف ان شرطة السعوديه تخلف
والله انكم مساكين وتكسرون الخاطر إذا هذي عيشتكم .. كل يوم ماخالفه شكل ؟
أخوي عاشـ عبود ــق
الله يكون في عونك يوم أخذت المخالفه ... تبي الصج الشرطي اللي عطاك المخالفه كان حاطك في باله كذا بس يبغي يخسرك فلوس وهو يخلص دفتره علشان ياخذ ترقيه .. تبي نصيحتي وانا اخوك ... دور الضابط حقه وروح اشتكي عليه لانه هذي في الاصل ما تعتبر مخالفه (( اسمها أنوار زينه ))
وترى حقك لا تخليه
ورجاء من كل المراقبين لحد يمسح مشاركتي لاني ما سبيت أحد
حتى المشاركه القبليه ما سبيت أحد وماكان قصدي ألعن أحد بس مدري شلون كتبتها عند دون قصد واسمحولي إذا كان ردي قاسي شوي بس ترى الحق ينقال لاني شايف فرق كبير بين شرطة قطر وشرطة السعوديه من تجربتي معاهم
