قولي عيب في سياره اقول لك الف ميزه وقولي ميزه اقول لك الف عيب

الله يكفيكم الشر واساس السلامه التهدي في السواقه :)
بس بعد ناخذ في الاسباب بس قولي كيف ال 2004 معاكم كيف عزمها ؟؟

حبيبي أنا عارف السوبارو زين سقت الامبريزا وسقت الليجاسي جير عادي واتوماتيك

كل الشباب في عايلتنا مطلعين ليجاسي
ما تصدق
4 ليجاسي موديل 99 اول مانزلت رقم واحد فل اوبشن 2.5لتر جير عادي
2 ليجاسي موديل 2001 رقم واحد 2.5 جير اتوماتيك
1 ليجاسي 2004 فول ابشن 2.5 165 حصان جير تبترونيك
1 أمبريزا 2.0 فول أبشن جير عادي

هيهييهييه
ما شاء الله نص السوبارو عندنا

الليجاسي 2.5 جير عادي أدائها حلو بس بعدها شوي ثقيلة 150 حصان
بس جربناها على منعطف بسرعة 235 تصدق كانت تفتر بس الفورويل يمنعها من أنها تدور علينا
أما ثبات
ودخلناها لفات تقاطع على 80 (تقاطع) يعني لفة حادة وضيقة وعادي ما عندها خبر

وسقت الجير أتوماتيك ثقيلة مرة بس هي تعجبك في المنعطفات والسرعة العالية


جربت الأمبريزا لاحظت ضعف المحرك ومشكلة الكلاتش
لكن تعرف أنها أنقلبت وطاحت في وادي والحمد لله
الله سلمهم وما صار شي

وقريب واحد من الشباب الله يهديه
بلجاسي 2004 جديد حاول يدخل لفة من الشارع العام لمحطة البنزين بسرعة 140 هيهيهييههيهيه
شوف الجنون
المهم السيارة بدال تدخل في اللفة دخلت فكم عمود في الشارع

السيارة أحترقت مكينتها من قوة الحادث وهم الحمد لله
الله حفظهم وطلعوا ولا فيهم شي
من قوة الحادث ثوبهم تشقق (أحترق) من شدة أحتكاك حزام الأمان في الثوب

حبيبي السوبارو في الأمان ما عليه كلام تصدق ولا شي دخل في الكابينه الداخلية
الكابينه سليمة




الشباب يشتروها لأان طريقنا نحن للبلد متعرج وكله منعطفات من كذا مرتاحين لها الشباب

وسلامتكم

أسير السيارات
فعلا الكلتش يعتبر ضعيف لانه مثقل عليه الدفع الرباعي بس لو تدخل السياره التشييكات في اوقاتها وبنتظام راح تتخطى المشكله وفي السعوديه انا مع الوكيل في التشييك ماياخذ علي سعر مرتفع اغلى تشييك ب 680 ريال حتى جلد العكوس يغيرها لي :)
والماكينه ضعيفه فعلا بس انا من بعد ما استخدمت السياره وكنت ابحث اني ارفع من قدرتها اكتشفت ان مكاين السوبارو مكتومه جدا وتحتاج بس عيارات توزن بعض الاشياء ويفرق عزمها والميزه الثانيه انك تقدر تركب عليها التربو بدون ماتغير الماكينه ولأنه البساتم فيها تتحمل ضغط عالي ما تذوب عليك هذا الي توصلت له انا مادري يمكن اكون غلطان بس تعرف وين احسن ميزه
انها من افضل السيارات ثبات على هذا الحجم راح تكبر في عينك بعد التجربه وانا اقول السيارات الصغيره ادائها سيء على الخطوط لاكن الامبريزا 125 حصان صح بس ماراح تلاقي لا كورلا ولا لانسر ولا سيفك بل انك راح ترفعها للسيارات الالمانيه من حجمه من ناحيه الثبات واكثر من كذا راح تشوف نفسك متحكم في السياره بشكل ممتاز افضل من الكابرس واللومينا والماكسيما بمراحل ( على حسب تجربتي )
ميزه في سياره صغيره
وسياره رياضيه في منظرها حتى لو كانت تفتقر للقوه الي هي سمعه الامبريزا الحقيقيه
بس القوه لعشاق السرعه ماراح يخلي السياره مثل ماهي وراح يرفع قوتها سواء يغير الماكينه ويركب التربو وهو شي مو مكلف وخصوص انها تركب على طول في السياره بدون ما تعاني من مشاكل وتغير العامود بمبلغ 500 ريال والجير بست سرعات واتوقع انك راح ترضى عليها جدا من ناحيه القوه خصوص ان التسارع راح يكون اقل من 5 ثواني الى ال 100 كلم وتمشي معاك 260 وانت متطمن بدون مشاكل عدم ثبات

والله تسلم حبيبي POWER STI

كل يوم تكبر في عيني

بعطيك عيبين

المحرك الأساسي الي يجي عندنا في الخليج مرة ضعيف 125 حصان
من صفر للمئة في 10.2 للجير العادي
12.7 للأتوماتيك

الكالتش في الأمبريزا صعب الأستخدام وسريع العطب (مو مثل السيارات الي من فئتها) متأكد من هذا االشي

ياللاا عاش حبيبنا

تعجبني فيك شجاعتك

عاشق الكراون
المارسيدس من السيارات القمه انا ماقدر اعيبه في عيب تصنيع او في قطعه غاليه
بس بعض الانواع منه تجي ناقصه المواصفات يعني في بعضها يجي بدون شاشه
ممكن يكون هذا الشي على حسب رغبه بعض الناس لاكن انا في نظري اشوف انها سياره فخمه فا لابد انها تكون بشاشه في كل فئاتها من ال 350 الى ال 600
لاكن بصراحه صعب اني الاقي فيها عيب وخصوص ان المارسيدس عملي وجوده فائقه بعض الناس لاقت بعض العلل في عيوب تصنيع مثل واحد اعرفه علق الجير عليه ولا رضى يعشق بس خدمات الوكاله تخليك تغض النظر عن العيب حيث انها غيرت له الجير كامل يعني ماصلحته على الضمان
زين ماراح عليه الضمان ;) كان صار في موقف صعب

أسير السيارات
:D لا اخوي والله بقول لو انها سيارتي ولا لا عادي بقول
الامبريزا عيبها بانزين تصرف وخصوص التيربو منها
انا الي مو تيربو شد بلد صرفيتها معقوله بس لا تلعب في السياره
وبعدين المكيف مع الحر عندنا جدا سئ مايبرد تشوف المروحه على الاخر وانت لاصق في المكيف
;)

طيب اخوي ابغا عيب في المرسدس اس 2003

سلام عليكم
مشكور أخوي ع الموضوع الرائع|1|

أنا بكون نذل |4|

بمسكك من أيدك الي تعورك :D

بعطيك ميزتين وتعطيني عيبين


الأمبريزا من أثبت السيارت الصغيره بسسب الدفع الرباعي الدائم

هيكلها الخارجي صلب وأكثر أمانا من السيارات اليابانية من فئتها


يالا عاش حبيبي عطني عيبين عن الأمبريزا

على فكرة الصوره الي في توقيعك فظيعه أختيارك ممتاز

OPEL_005
اخوي كلامك عدل ماقدر اقول شي :D
بس لو انا اقتنعت باقي ديره كامله تقنعها ان السياره الي تاخذها وكاله ماتفكر تبيعها :)

ايش بيفيدني التاريخ .. راح يخلي السياره مافي زيها .. على فكره انا احب الاكورد لانها كانت اول سياره لي عام 2001 .. وكنت افضلها على كل سيارات العالم ..
..
نجيء للكامري اقل نوع xli قيمته 67.000 الف ريال خالي المواصفات لا abs ولا اي نظام سلامه بتقول لي فيها ايرباج للسائق .. صباح الليل .. المونديو فيها 6 ايرباج .. فيها ABS+ESP+EBD +ASR كلها بـ 70.000 الف كل دي انظمه ماهي موجوده بالكامري الجراندي ماعدا ABS الموجود في الكابريس 91 .. اوه صح موجود فيها وساده هوائية للراكب الامامي .. واو من جد مواصفات رهيبه .. على فكره المواصفات الموجوده في الخليج للمونديو ماتسوى قدام المونديو الاوربيه يعني لو ينزلوها بنفس مواصفات الاوربيه كان تشوف الهوايل يكفيك نظام الملاحه .. ونظام استكشاف الطريق ونظام DVD ياشيخ المونديو اميره لكن للاسف ماحد يعرفها ..
..
وانا اشوفها منتشره يعني ماصار لها الا سنه ونص من نزلت .. وشوفها كيف اكثر من الافالون الي صار لها 10 سنوات من 1995 الى 2004 .. الناس هنا بالخليج ماتهمهم المواصفات فقط تهمهم القوة والشكل .. وعلى فكره يكفيك انها تقارن مع الباسات ...
..
وهذي صوره دليل ان المونديو اطول واعرض من الباسات لأن بعض الناس يحسبون المونديو صغيره ..

..
طيب الي يبي ياخذ سياره استعمال شخصي ليش يبيعها ... اذا يبي يبعها ليش ماخذها في الاساس ..
..
لو يخلى العالم من السيارات وتظل الكورلا والكامري اختار الكورلا لانها افضل ..
..
تحياتي |3|

عطيف
الشروكي جبار في البر ومشيه مشاء الله يكفيك قوته ونقدر نقول انه سياره 100% للطرق الوعره وانه مايخيبك فيها
والجراند شروكي نعومته والراحه في المقاعد مالته ممتازه جدا تحس انك راضي عليه اذا كنت تسوقه والسيارتين كل ما تهتم فيهم يهتمون فيك :) وخشونته على المطبات حتى يتحمل اكثر المطبات

العيب فيه صوت القربعه في الطرق اللي فيها مطبات أو في البر.

عيب الماركيز ان ماطور الدرايش ما يطول وميزته ان تصليحه يكلف عشر ريال

مهما كان .. العيب ليس في عدم وجودها .. العيب في ارتفاع سعرها .. لأننا نتكلم عن السيارة كسيارة قائمة بنفسها .. لا نتكلم عن مبيعات ..

OPEL_005
اخوي المونديو سياره حلوه لاكن في 70.000 تقدر تاخذ لك سيارات لها تاريخ افضل من المونديو من الاكورد او الكامري والزينون لحاله مايحكم ان السياره افضل وبعدين تعال بعد فتره لما تجي تبيع تلاقي سعرها ينزل كثير :) اما عن الباقي مالي تجربه فيها

أكورد وبس
اخوي الكماليات لما تدفع سعر عالي في سياره وماتكون فيها هذي الكماليات اجل شنو مفهوم الفخامه طيب اقول عيب في الماكسيما علشانك (ٍسريعه التفكك )

عفوا أخوي .. أنت ستذكر عيوب السيارة وليست النواقص والتكميلات ..

الحساسات وشاشة المعلومات هذي كماليات .. وعدم وجودها ليس عيبا في السيارة ..

أتمنى منك ذكر العيوب في السيارة ..

المونديو ان كنت تعرف مواصفاتها الخطيره .. تذكر سعرها للفل 70.500 ريال ويوجد بها انوار زينون .. انا اتحدى اي سياره بهذا السعر 4 سلندر يوجد بها تلك الميزه ...

ممكن تقول فخامه بس ناقصها كم حاجه علشان تكتمل فخامتها
حساسات + شاشه معلومات + ومكيف في المقاعد الخلفيه + ولو تكون اليايات قدام نازله او رياضيه حتى تعطيها منظر احلى