هل هناك عيوب في بيجو 307؟؟

يا شباب البيجو 307 ؟ انا عايز اسالكم سؤال انا اشتريت بيجو 307 محرك 1600 سي سي وكنت رايح اركب زينون في التوكيل بس قالولي لو ركبت زينون هياثر على السياره ايه رايكم شباب كمان انا عايز اركب نيون

اللي يبي يحسن من عزم السيارة يشتري بواجي أبو شرارتين من الوكالة بس صرفية البنزين بتزيد

حبيت اوضح شغل للناس اللي يقولون ان السياره ما تقوم

في الحقيقه انا سألت الوكاله عن الموضوع هذا وقالو لي ان دواسة البنزين دينمو بحيث انك لما تدعس الدعسه كلها الى الاخير ما تقوم معك السياره على طول وهذه ميزه مو عيب

اولا تريح المكينه ثانيا ما تحمل على الجير
بس تعال شوف السياره بعد 130 زود شوي البنزين تحس بالدفع
وفي شغله ثانيه بالنسبه لجير السياره" الاوتو ماتيك " والصراحه ابدعو فيها شركة بورش للعلم ان الجير من تصنيع بورش

وهالميزه انك لما تدعس بريك بقوه السياره تحمل على الجير مثل السياره الجير العادي لما تنزل من مثلا 5 الى 4 وما تدوس كلتش تحس ان السياره ثقيله

وهذا طبعا يعطي للسياره فرصه اكبر ومده اقصر للوقوف بأسرع وقت ممكن بالاضافه لل ABS

وميزه اخرى انك لو استخدمت التربترونك او الوضع العادي للجير الاوتوماتيك مثلا لو طولت التعشيقه في الاول ونقلت ثاني تحصل ان الجير يروح 3 ما يروح ثاني لكن تقدر تنزل من 3 الى ثاني وطبعا ما نقدر نقول عليها عيب بالعكس ميزه
وليش تستخدم التربترونك وانت عندك زر S
في بعد ميزه بالنسبه للقزاز لو نزلت من السياره وخليت القزاز مفتوح تقدر تسكره عن طريق الريموت وذلك بالضغط على زي القفل لمده 3 ثواني نفس الشي الفتحه والمرايات

بالنسبه للناس المتخوفين من درجات الحراره المرتفعه اقول لهم تطمنو هذا شي عادي جدا دام الحراره ما توصل لاخر خانه واللي هي فيها لون احمر اقول لهم هذا شي عادي جدا لو قرأت دليل الاستخدام بتحصل ان كلامي صح
وهي بالعاده السياره ما تتعدى النص يمكن تتعداه بشيء بسيط ولو زاد المروحه تشتغل وترجع ثاني للنص

واحيانا المروحه تشتغل والسياره مطفيه غالبا لما تكون جاي من مشوار

الصراحه سياره ما شاء الله عليها فيها كل المواصفات وتستاهل الفلوس اللي تندفع فيها يكفيك انها سياره اوروبيه
لكن هالله هالله بالصيانه كل 5000 كيلو

تحياتي لكم
واسف على الاطاله

اهلا بيك

والله ما قصر اخونا السفير ولكن ولا يهمك إنشالله في اقرب وقت اروح ااشركة واعطيك خبر

يعطيك الف عافية على الرد

أنا سألت عن المراية في ورشة البيجو الي عدنا بالقطيف وقال أنها ممكن ما تركب لأنها أساسا تحتاج لبرمجة كمبيوتر لأنها تنطوي إذا سكرت السيارة بالمفتاح وإنشاء الله إذا رحت الوكالة بسألهم وبرد
على العموم برمجة الوكالة مو مزبوطه يعني ما يبرمجها مثل شد بلدها ... في اشياء تنلغي

ـــــــــــــــــــــــــــــــ
أنصح أي واحد عنده بيجو ويبي يعدلها يروح وكالة بيجو اللي بالإمارات(دبي) ... عندهم بلاوي بس الأسعار غالية
الجناح بـ800 ريال
الزوايد ( لحية وجسور وزوايد خلفية مع جناح) بـ 3000 درهم
أما قيمة الصدام الأمامي والخلفي ما اعرف
زوج نسافات بـ155 وقيمة الزوجين بعد الخصم263 درهم
جنوط 17 قيمة الواحد بـ 900 درهم
وعندهم كشافات قيمتهم 800 درهم وشكلهم قريب من الكشافات اللي بسيارتي
أعتقد أنه غالي لأن الكشافات اللي ركبتهم في سيارتي كلفوني 500 ريال بس الوكالة أفضل
وإذا بغيت كشافات غير الوكالة ممكن تركب كشافات مكان الشبك بقيمة 450 درهم وهذي صورة له


1درهم = 0.98 ريال

تحياتي

مرحبا شباب..

اخ جداوي بقوة..

انا عندي بيجو 3 ابواب (سبورت)

ممكن تسال لي عن الاكسسوارات الخارجيه (زوائد , جناح خلفي , صدامات الامامي والخلفي)؟؟

اعتقد موجوده عندكم في وكالة جده.. انا سالت عندنا في الخبر.. بس للاسف الشي الوحيد الموجود عندنا من الاكسسوارات هو ال زينون وسعره 2000 ريال بدون تركيب..

تحياتي لك...

اي خدمه انا موجود يا شباب اتفضلوا

كيفك حبيبي السفير


تعجبني فكرتك تعرف ليش لأنك فكرت زيي


شوف انا رحت التشليح وجلست ادور ادور ادور 307 فل او كوبيه بس ما لقيت


بس اعتقد ايوه طبعا تقدر لأن القاعده نفسها اللهم انك بس تعمل توليف للداخل لا اكتر ولا اقل

بس طبعا لو يكون من الوكاله افضل


بس السعر راح يفجعك







وآسف اذا كنت مقصر في ردي عليك

بس مشي حالك

وسلملم يا عسل

جداوي بقوة

عندي سؤاال من زمان محتار فيه ولسه ما سألت الوكالة

ــــــــــــــــــــــــ
هل أستطيع إضافة المرآة اللي تنطوي كهربائيا الى السيارة يعني مثل البيجو الفل؟؟

شباب إي ستفسار عن البيجو 307 انا موجود مهما كان الؤال

على فكره السيارة فيها حاجه اكتشفتها مؤخرا


الكبوت حق السيارة مو حديد

الكبوت مصنوع من الالمونيوم


يعني اخف بس المشكلة لما

يصير حادث لاا سمح حتى لو كان بصيط في الكبوت

ما يمديك تصنفره لاازم يتغير كل الكبوت






وسلملم

والله انا املك وحده 2004 بنفسجي
العيوب الي واجهتني :
1-ضعف في القومة مالت السيارة
2- البدي والله مجنني ضعيف خاصه في الأبواب والجسور على طول يترضرض ( يخش جوا )
(( القناص ))
الحرارة انا ماتعدي عندي ال 90
النص بس

من توكيلات أبو السعود للسيارات. -سيهات- وهذا المعرض موزع للوكالة اللي بالخبر.

من وين مطلعها ؟ ..
..
؟

هلا اخوي MONDEO _05

سعة مكينه سيارتي 2000سي سي وهي سبورت 3 ابواب.

تحياتي

PEUGEOT-307
..
كم سعة المكينه تبع سيارتك ..
..
ارجو الرد السريع ..

مرحبا.. مشكورين على الآراء
الاخ اكورد 1997 والاخ جداوي بقوة

انا كتبت الموضوع قبل ماا خذ السيارة.
والحمد لله اخذتها وماشيه تمام ومرتاح .

والعزم اشوفه عادي.

تحياتي

اهلا بيك اخوي اكورد 1997
والله شوف طبعا بيني وبينك الياباني معروف في القومات وغني عن التعريف

يا سيدي كلها سيارات باربع كفرات المهم تؤدي نفس الغرض

ههههههههههههههههههه