هل هناك عيوب في بيجو 307؟؟

شباب معليش مجرد إضافة

بالنسبة لعزم السيارة ليس ضعيف جدا انتم تقولون على البيجو 307 ضعيفه وتنسون الفولكسواجن وووووو غيرها
البيجو 307 طبعا المحرك الأساسي 110 أحصنة
الغولف الفولكسواجن 115 حصان ((إلي هيا مو اقل نوع لا الوسط 2.0 فما بالك بالغولف 1,8)) وهذا مثال طبيعي ويوجد غيره كثير اي ان السياره قوتها عاديه بين السيارات ولكن بشرط الا تأخذها قير توماتيكي

السلام عليكم

أنا عندي بيجو 307 وطبعا راح اقولكم السيارة بعيوبها بكل صراحه وبمميزاتها
اولا عيوب السيارة:
# طبعا فتحة السقف مشكلة كبيره وعلى طول تعلق(ولكن تم معالجة المشكلة في الموديلات الجديده 2004/2005).
# عندكم القير التوماتيكي ضعيييييييييف جدا لأن السيارة صغيرهو والمحرك صغير وفوق ذا كله قير توماتيك.
# إياك وإياك وإياك من المطبات لأن السياره حساسه جدا والمطبات عدوها اللدود.
-=-=-=-=-=-=-=-=-=-=-=-=-=-=-=-=-=-=-=-
هذه فقط عيوب السياره التي واجهتني ولكن صراحه والله السيارة جدا جدا ممتازه وميزاتها تغطي على عيوبها ، صحيح السياره حساسه ولذلك يجب انك تعاملها بهداوه مثل ابواب السياره لا تقفلها بقوه الأبواب مصممه انه في زاوية معينه يقفل لوحد يعني تدف الباب إلين زاوية معينه وتسيبه وهوا يقفل بهداوه وكذلك الشنطة في الخلف((مثل هذي الأشياء البسيطة التي لا ينتبي ليها المرء تكون مهمة جدا في هيكل السياره))
# طبعا البيجو بصفة عامه من السيارات التي تتوفر فيها جميع وسائل الأمان من الحوادث لا سمح الله وعند الحادث تحدث عدة امور:
1- اول حاجه (ِِair bag) يفتح في جميع اسيارة ما عدا المقعد الأمامي بجانب السائق اذ يمديك إنك تضعه على وضه off ولن يفتح لحمايه الطفل الرضيع ((اي لأن في الدول الأوروبية يضعون الأطفال في كراسي مخصصه فعند فتح الأير باج سوف يقذف الطفل وهذي ميزه حلوه في البيجو 307 يمديك توقف فقط في جهة الراكب الذي بجانب السائق)).
2- مساند الرأس سف ترتفع اوتوماتيكي مع الحادث لكي تحمي رقبة السائق من ارجوع للخلف بقوة.
3- إذا كانت الصمدة جدا جدا قوية فإن المحرك سوف يسقط في الأرض لكي لا يدخل على مقصورة الركاب((اي مصممينه بأنه يفصل ويسقط في الأرض)).
=-=-=-=-=-=-=-=-=-=-=-=-=-
تلك فقط الميزات عند الحوادث((لا سمح الله).
بالنسبة ليا في ميزه عجبتني البيجو307 الرفرف الأمامي مصمم من مادة تشبه البلاستيك ولكنه لينه وسلسه والله والله إنها تستحمل الصدمات ولا تنعوج او يتغسر شكلها تستحمل ركلة لاعب كرة قدم وانا شاهد على كلامي.




بصفة عامة أرجوا بان اكون لا اطلت عليكم
ولكن بما ان السيارة عندي ومجربها فحبيت افيدكم بالموضوع وعلى فكره انا عندي بيجو 307 موديل 2003 وقد بعتها وسوف أستلم بيجو 307 موديل 2005 يوم الأحد بإذن الله لمحبتي فيها

والله الموفق.

مشكور على الاجابه..

تحياتي

أول ما أخذت السيارة لاحظت أن حرارتها توصل للـ100 بعد المشاوير القصيرة وتوصل للـ110 وفوق بعد المشاوير الطويل

وسألت عنها في الوكالة وقالوا أن ما في ضرر على المكينة إذا أرتفعت الحرارة والمكينة مطفية ونفس الكلام قاله فني السيارات في هذا الموضوع
http://www.assayyaratnet.com/forums/showthread.php?s=&threadid=42084&highlight=%C7%E1%CD%D1%C7%D1%C9

بس أنا من باب الإحتياط أنتظر وأحيانا ما أهتم إذا كنت جاي من مشوار قصير بس إذا كنت جاي من خط لازم أنتظر السيارة ومثل ما قلت لك من باب الإحتياط

وأعتقد ان سيارتي فيها خلل لأني سألت واحد عنده بيجو وقال أن حرارة السيارة ما أتعدي الـ90 درجة

موفقين

مرحبا شباب.
مشكورين على الاهتمام في الموضوع..
اخ *الـقـنـاص*
سؤال: لما ارجع من مشوار طويل بسيارتي -البيجو- صحيح كلامك المروحه تظل تشتغل بعد ما اطفى المكيف.. لكن هل تعتقد ان فيه ضرر لو طفيت السيارة والمروح بعدها؟؟ او الافضل اني انتظر الين ما تطفي لوحده؟

اخ MONDEO _05 تحياتي لك..
بالنسبه لي المونديو سيارة رائعه وجميله بس من داخل :confused: الجير ما عجني شكله -الاوتوماتك- ولو تجي كروم بدل ديكور الخشب الاسود احلى ..

سلام |3|

اها مثل سيارتي تماماً
...
على فكره سيارتي فيها مواصفات كثيره تشابه البيجو .. صراحه الي يميز سيارتي مع انها اوربيه بالكامل انك تقدر تصلحها وانت عند البيت سهله جداً ..
..
الكوريلا افضل في المكينه والقطع والعملية نعم انا وياك بس في المواصفات انت غلطان .. البيجو سياره نادره .. بعدين تويوتا متى عرفت شيء اسمه فخامه .. فقط مكيف وجير ومكينه ..
..
تصدق انت اول واحد اعرفه يطلع عيوب بسيارته وصراحه هذا شيء ممتاز فيك أشكرك على صراحتك ..
..
خذ شوية من اصحاب الكوامري وبالأخص اعرف واحد عنده كامري 2002 معدل على خفيف .. يشوف العيب يقول عنه ميزه ..
..
تحياتي

مراوح السيارة شغالة على طول بس إذا طفيت السيارة تطفي معها المروحة وترتفع درجة حرارة المكينة بس ما في ضرر على السيارة
و تشتغل لأقصى درجة إذا شغلت المكيف وصوت المروحة عالي لدرجة إني إذا مريت عند جماعة كلهم يطالعوا على بالهم معبث بالمكينة
والمروحة ما تهدى بعد ما تطفي المكيف على طول لأ.. بل أتظل شغالة حتى تثبت الحرارة على الوضع الطبيعي بعدين تهدى
ومن عادتي إذا جيت من مشوار طويل أو قصيرأطفي المكيف وأنتظر المروحة لين تهدى وأحيانا تآخذ لها ربع ساعة بعدين أطفي السيارة

ورأي أن الكوريلا أفضل من جميع النواحي .. المكينة .. القطع .. عملية .. غير معقدة
إلا المواصفات أنا مو متأكد منها بس سمعت أن عليها مواصفات كثيرة ومو ناقص إلا يخلوا الباب شفط (يعني إذا ما سكرت باب السيارة تمام هو يتسكر توماتيك)

والله أعلم

سلام..

صراحه السياره شبيه خاليه من العيوب ..
..
وعيوبها مثل الي قاله الأخ القناص ..
..
بالنسبه الى الأنتل .. حتى سيارتي ينفك ترى كل السيارات الاوربيه .. الباسات والأودي A4 .. ..
..
بس أبيك تجاوب عن سؤالي اخوي القناص ... المروحه عندك شغاله على طول ..
..
لأن في سيارتي علطول شغاله حتى بدون مكيف بس تكون على الدرجه الأولى ..
..
لأني شفت كذا 307 نفس الشيء على طول شغاله .. أبيك تشوف وتقول لي ..
..
ترى 307 فيها مواصفات السيارات الي اكبر منها ماتحلم فيها ..
.
وبعدين هل يعقل أن الكورلا أفضل ..
..
تحياتي

صحيح كلامك أخوي PEUGEOT-307

اللي مقلل من أهميتها هو عدم نزولها بطراز الفل أوبشن وأنا قرأت الكتلوج من قبل
واللي كنت أقصده بالفل في ردي السابق هو الطراز الفرنسي مثل اللي بالكتلوج
عليها مواصفات يمكن ترفع سعرها للـ75ألف ريال ..مش اللي عندنا|5|( أنزل نوع من
الـ307) و يلعب في سعرها عدنا وجود الفتحة والسي دي أو عدم وجوده

تحياتي|3|

مرحبا اخ H.M.K شكرا على المشاركه
اذا حبيت تقرا موضوع مختصر عن البيجو 307 سي سي
http://www.assayyaratnet.com/forums/showthread.php?s=&threadid=45705
للأسف ماتنزل عندنا بالسعوديه رغم ان مواصفتها حلوه جدا |1|

اخ *الـقـنـاص*
شكرا على المشاركه والرد..
بس بقولك انا عندي بيجو 307 كوبيه وعشان كذا عارف بالضبط الاشياء اللي تكلمت عنها.
بالنسبه للمكيف .... قبل لاتشغل السيارة يعني اول ما تلف المفتاح وهو على وضع الاستعداد يبين عندك بالمكيف انه بشتغل على (AUTO) طبعا اذا كان الجو حار.. وفهالحاله تقدر انت تطفيه بالضغط على (OFF) وبعدين تشغل السيارة وتشغل المكيف بنفسك..
على فكرة السيارة مصممه ان المكينه تشتغل اولا وبعدين يشتغل المكيف.. مااتوقع ان بياثر إلا اذا كان :D جونا حار جدا لدرجه انه يخرب النظام

والاشياء الثانيه انا معاك فيها بس الانتن ماتوقع انه عيب لان اغلب السيارات الاوربيه بهالشكل .

وبالنسب لجهاز الانذار.. اساسا موجود في السيارة لكن ماتنزل عندنا الموديلات اللي فيها هالجهاز..|5| لو تقرأ الكتيب (الكاتلوج) مال السيارة بتشوف اللي اقصده..

آسف على الاطاله..
ولا تعتبرني متعصب للسيارة او ادافع عنها.... بالعكس مجرد رأي
|4| ومافي سيارة تخلو من عيوب
تحياتي |3|

يا شباب شفتو البيجو الجديدة كشف وكوبيه 307(رووعة)
وانصحكم تشوفوها وتقولو رايكم فيها............

أنا عندي بيجو 307 وبصراحه أتعجبت من مواصفاته.. وشكله طبعا ما يحتاج

فيها عيوب ممكن التغاضي عنها وفيها عيوب يضطر الواحد يتحملها

فمثلا المكيف .. إذا طفيت السيارة في درجة حرارة منخفضة وشغلتها في درجة حرارة مرتفعة يشتغل المكيف آلياً ويمكن السائق يشغل السيارة والمكيف شغَال إذا ما انتبه للمكيف
وهالشي هو اللي عفس عليي المكينة يوم كنت طالع مستعجل وشغلت السيارة حتى تسخن والمكيف شغال وتركت السيارة خمس دقايق وما رجعت للسيارة إلا والأصوات في المكينة تطلع من كل صوب ومن ذاك اليوم صار صوت المكينة مزعج مع انها من قبل هادئة

عيوب أخرى:
المكينة (110 أحصنة) عزمها ضعيف
الأنتن قابل للفك يعني ممكن ينسرق
السيارة ما فيها جهاز أنذار
لا يمكن أقفال الأبواب من الداخل لحماية للأطفال
لا يمكن أضافة زينون للسيارة

واتمنيت لو الـ 307 يجي فل كامل لأن عليه مواصفات أكثر

مشكور على الموضوع وإذا كنت ناوي تآخذ سيارة لا تآخذ 307 خذ لك كورولا وما بتندم

|3|

اخوي Nsync
مشكور على الاجابه والله يعطيك خيرها ويكفيك شرها
ان شاء الله نشوف صور سيارتك بعد التعديل

هــلا أخـــوي PEUGEOT-307 ,,

سيــارتــي 1600 سي سي ,, بس معــدلهـــا خارجيــاً بـ بودي كــت كامــل ,,

جيــر أوتــو ,, فتحــة في السقــف ,, جنــوط 17 ,, مسجــل سي دي ,, هــــذا حاليــاً فقــط ;)

والقادم مذهــل أكثـــر :D

|3|

الاخ منتصر
الاخ عاشق الجولف
الاخ Nsync

مشكورين على المشاركه
. يعطيكم العافيه :cool:

عفوا اخ Nsync ممكن تقول لنا ماكينه سيارتك هل هي 1600 سي سي أو 200سي سي؟؟ |1|

بسم الله الرحمن الرحيم ,,

الموضــوع حلــو ويشكر عليــه صاحبـه ,, لأنــه يفتح لنــا مجال مناقشــة

عيــوب البيجــو 307 وأهــم مميزاتـــها ,,

بالنسبــة لــي أنــا أول ماطلعت السيـــارة وكالــة كانت زي الحــلاوة ,, بس

بعد أسبوعيــن نظام فتحــة السقف عندي خــرب ,, طبعــاً البرمجــة لازم تروح

للوكالــة وتسوي لها برمجــة جديــدة ,, فقلت خليني أشوف الكتلوج لعل

وعسى وفعــلاً لقيت الحــل وهو إنــك توجه مسار المفتاح لرفــع الفتحــة وتضغــط على المفتاح لأعلى

لمــدة 3 ثوانــي وكل شي بيرجــع زي أول ,,

أما بخصــوص الكهربــاء اممم أنا عندي لمبــة الضباب وحدة أنحرقــت ,, بس

الوكالــة راح تغيره عالضمــان ,,

أما العزم فهو ضعيييف جـــداً ,, لكن السيــارة إقتصاديــة عمومـــاً ,,

وهــذا كل اللــي واجهتــه من مشاكل ,,

أخوي PEUGEOT-307

مشكور على طرح هذه الموضوع بصراحة أنا عندي بيجو 307 الحمد لله ماشيية معي زي الحلوة مواصفات ثبات كل شيء في السيارة تتوقعه موجود بس أنا متضايق من العزم أحسه المفروض يكون أقوى .........

تحياتي

حلوه البيجو بس قطع الغيار حقه احلى يعني غلية ما ادري لو تفيدونا يا اخوان بخصوص قطع الغيار وسيارة مثل البيجو يبلها مدة كايفه حتى نقدر نقول عنه سيارة اوكي يعني لزم تمر عليه كم سنه البيجو القديم صح ممتاز بس دي دفع أمامي وكهربته معقده بشكل عام الفرنسي كهربته معقده واتمنا تكون البيجو 307 تكون عند حسن ظن الجميع لانه احسن من سيارات كثيره من فئته يعني افضل من البولو الفلكس واجن ومواصفاته روعه بس تمنية لو فيه سيدان منها بنفس الحجم

أخوي المستشار
اشكرك على التعقيب.
على فكرة انا قبل ما اخذ هذي السيارة ترددت لأنها جديده وقمت أسال كل اللي اعرفه عنها والكل يمدح فيها قلت خلني اشوف الشباب في المنتدى يمكن عندهم رأي آخر
لكن تبي النصيحه
اذا بتاخذها لا تتردد سيارة حلوه وكل مواصفات السلامه فيها..

والسلام