شباب
روقو المنقى شوي.
وخلونا من المحاماه عن ساماكو وعبداللطيف جميل.
اللي يسمعكم يقول مندوبين مبيعات.
الاخ العزيز NiCK :هذا العضو كلامة منطقي وهو مجرب السيارة , وقال ان السيارة عيوبها أكثر من مميزاتها.
الاخ العزيز الاخر والغالي علية gti_cars :على فكرة هذا العضو هو الذي اشار علي ان اشتري بولو 2003
والحمد لله ماندمت الى الان
رساوة في الخط , مكيفها ماشاء الله علية ,, شكلها روووعة ,, مكينتها يعني مش اووي.
والله اني ماندمت عليها لأن كل واحد عارف مشاويرة ومهنته تمام .
بالنسبة للباسات انا شفتها
شكلها من الداخل والخارج روووووووووووعة ,, بس سمعت انها خراباتها واجد ؟؟
يعني من (( من برى هالله هالله ومن جوى يعلم الله ))
بالنسبة للفولكس واجن ماحد يقدر ينكر انها من اقوى الشركات بالعالم.
صحيح الان القوة اللي فيها مش مثل اول ( محد يقدر ينكر !! ).
ننتقل الى اللكزس
اعتقد انها افضل من الباسات من ناحية السمعة ,, يمكن فيها ميزات اكثر بعد بس ماعرفها زين
واعتبرها من افخم السيارات.
اخواني تقريباً جبتوا جميع سيارات الفولكس واجن ومن ضمنها الفايتون.
انا مرة كنت في شارع التحلية بجدة واقف بالأشارة المهم , شوي إلا ذيك السيارة
الغريبة بودي كبير ( حسبتها البي ام الجديد ) والله سيارة تحس انها حقت كبارية بس
وفعلاً شفت السواق يسوق ذاك الشايب الاحمر (الفلوس).
ماعلينا السيارة توها جديدة مانقدر نمدح خدمتها الى الامام ولا نسب فيها.
الوكيل :
سيارتي البولو ماشية 9877 تقريباً ينقص متر , يزيد متر مايفرق.
وديتها عندهم لصيانة الــ 1000 كيلو ,,, وبعدها الــ 7500 ( ماوديتها عندهم لأني كنت مسافر)
وان شاء الله صيانة الــ 15000 رح اوديها.
ماجربت الوكيل وقطع الغيار والحمدلله.
بس سمعت ان الوكيل حرامي كبير وهنا نتوقف قليل.
طبعاً الفولكس واجن ألماني وقطع الألمـــــــــــاني نار حتى البي ام و المرسيدس الفياغرا والسيارات الاخرى الالمانية.
اذا الوكيل حرامي في شي واحد انه محتكر القطع ,, وخدمتة مابعد البيع سيئة جداً.
كلام كثير والزبدة هنــــــــــــــــا
الباسات >>>> ألمـــــاني وهذا حلو بس فين مجمعة ؟؟؟ طبعاً في البرازيل !!
اللكزس >>>> ياباني وتجميعها في اليابان حسب علمي بها!!
اذا كل سيارة لها ميزة عن السيارة الاخرى.
ولكم حرية الرأي.
انا حاط عيني على ألماني بس مو باسات ( يمكن بورا يمكن بيتل يمكن مرسيدس ,, بي ام )
يعني الباسات خلاص عملت عليها أكس XX
اخوكم عبدالله
