وكالة الجميح وصيانة الكابريس ( هل يوجد بديل ) ؟

الليزر @user_983 · 10-07-2002

سلام لكل شباب سوالف الرائعة

لدي سيارة كابريس 2001 وهي رائعة معي بكل المقاييس ومرتاح فيها بشكل كبير ولله الحمد مرت سنة على شرائي السيارة ولم تكن تكلفني سوى تغيير الزيت والبنزين ..

عموما تفاجأت اليوم عندي زياتي للجميح للصيانة الدورية بأن الموظف يطلب اليوم تكاليف صيانة تتجاوز 1200:eek: ريال !! مقابل التشييك العادي بعد أن قطعت السيارة 25 الف كلم ..

المبلغ يتضمن البواجي وزيت القير و .. و ..أشياء مدري عنها بس الموظف جالس يعدي فيها وانا فاتح فمي :eek:

بصراحة هالني الملبغ مقابل الصيانة وقلت له ( أجل لو كنت مسوي حادث كم راح تاخذون ) :rolleyes:

قالي ان هالصيانة كل 25 الف كيلو وصدقني هي من صالحك باي حال من الأحوال .. وان الناس تعاني من مشاكل في الكابريس واللومينا غالباً لأنهم يعدون هالصيانة ولا يقربونها وتطلع بعدها مشاكل في القير وخلافه لانها ماقد دخلت تشييك على الاقل !

قلت له طيب انا اسمع صوت خفيف لما اضرب فرامل يعني فحمات وطقتها قالي هذي موضوع ثاني وراح تكلفك 850 ريال وهو أمر متعاد كل راعين الكابريس يسوونها على الاقل مرة في السنة !!

ياساتر

يعني لو وافقت على كلامه راح تكلفني السيارة 2000 ريال !!

المهم انا رفضت وقلت خلها صيانة عادية حقت 5000 زيت وفلتر وطقته ..

الحاصل بصراحة الملبلغ هالني وقلت اكيد فيه بدائل من الجميح

وش رايكم ياشباب هل اسويها عندهم وارتاح
ولا اروح لورش وزحمة ودنيا !!

المشكلة لو بغيت اروح لورش وين القى ورشة نظيفة وأمينة وشغلهم سريع ومرتب وخبراء بعد .. بيني وبينكم الورش العادية سمعتها في التراب ( ماتختلف عن الوكالات ) يعني بيمصونك مصصص

غير كذا شف الهنود كيف يتعلمون على سيارتك !!!!!!

انتظر افكاركم

عاشق Caprice_SS @user_809 · 18-07-2002

اخواني ..... اشكركم على ردودكم
واشكر اخي الليزر ....:p
واقول ان عندي اعتراض على كلامكم (كلامكم صحيح )
اسمع اخوي ....
اول شيء انت وين تسكن بالرياض ....
في عندكم ورشة مختصه بالسيارات الجديده وسعر مضبوط وسمعتها عندنا بالشرقيه تمام هي اسمها ورشة الصناعيه او قريب من كذا كاتبين عنها بجريدة الرياض .....
المهم ماعليك من الوكاله خصوصاً الجميح انا عندي كابرس أس أس 2001 ماسويت لها صيانه في الوكاله ابداً حتى الزيت والسياره معاي تمام والحمد لله وترى احنا طلعنا من عندهم سوبربان موديل 1997 وطنا منتظمين في الصيانه الى ان جات صيانة 40.000 كلم وقالوا يبون 4000ريال ...قلنا لهم ليه قالوا نبي نغير القماشات والهوبات والزيت مع الفلتر للقير والمكينه ونبي نغير الفلتر الهواء ووووووو
قلنا لهم مانبي نسوي هالتشييك ,,,,,
ورحنا الصناعيه عندنا بالخبر والدمام وسوينا كل شي وحتى ان الهوبات جديده ماتحتاج الى تغيير بس خرط ....
واشياء كثيره ماتحتاج قريت دفتر الصيانه طلع ان الاشياء اللي بيغيرونها مو في وقتها .... ويوم صلحنا السياره بالصناعيه وشغل مضبوط كلفنا كل شيء بـ 1500 ريال ....
وحتى الكابرس نفس الشيء اقرا كتاب الصيانه للسياره وصلخ كل شيء بالصناعيه وراح تشوف الفرق ....
على فطكره ترى الجميح النصاب الكبير يجيب عمال مايعرفون الميكانيكا الحديثه فيتدربون داخل ورش الصيانه على الكوابرس والسيارات الاخرى وهذا سب انهيار سمعة الكابرس وزيادة الاعطال فيه ....
اذا كنت تشتكي من شيء على الضمان فعندك التوكيلات ....
على فكرة توجد قطع غيار أصليه لكابرس الجديد 2001 في محلات قطع الغيار ووجد منها التقليد ....
شكرأ
:mad: :تمام: :نايم:

الفني @user_742 · 11-07-2002

بس الليزر ...ترا مو كل الورش متل ما تقول ........:يبكي:
(( المشكلة لو بغيت اروح لورش وين القى ورشة نظيفة وأمينة وشغلهم سريع ومرتب وخبراء بعد .. بيني وبينكم الورش العادية سمعتها في التراب ( ماتختلف عن الوكالات ) يعني بيمصونك مصصص ))...:مطرقه: :مطرقه:

ترا صدقني ببنشرلك كفرات سيارتك هه .... :اهرب:

تعرف أخي الحبيب ..الخبرة من الناس في هذه المواضيع جعلت هذه السمعة لدى الكثيرين هي السائدة ..
بس يلا ..نحاول تغيير هذه السمعة ما إستطعنا..:rolleyes:

في حفظ الله..:بوسه:

bmw750 @user_524 · 11-07-2002

اضم صوتي لصوتهم وسراحة كلام (الفني ) مقنع مرة ولا يهون متخصص السيارات:باي:

الليزر @user_983 صاحب الموضوع · 11-07-2002

ياسلام عليكم

صدق اذا قالوا كلام علمي مدروس

ريحتوني:ينطنط:

توربو ديزل @user_675 · 10-07-2002

حياك الله معانا يا الليزر

اما بخصوص الوكيل فمقدر أقول شي بعد كلام الكباتنه

:باي:

الفني @user_742 · 10-07-2002

مرحبا بك اخي في منتدانا ...أو بالأحرى منتداك ..
وشكرا على زيارتك ..
أنا أضم صوتي لأخي متخصص في موضوع الصيانة ...
أخي خذها وحدة وحدة ..البواجي سعرها في السوق 280 ريال والفلتر للبنزين 45 ريال وفلتر الجربكس مع الوجه 145 ريال وفلتر زيت المحرك 25 ريال وفلتر الهواء 50 ريال ...يعني مجموع القطع صار 545 ريال .
والأجور للبواجي وصدقني أن تغييرها صعب خاصة الطرف الأيمن 150 ريال وفلتر الجربكس 150 ريال وباقي الفلاتر 50 ريال ..وإذا نظف البخاخات وعمل ضبط للمحرك أكيد مو أقل من 250 ريال ..وعمل كشف كامل على السيارة وإصلاح ووزن مايلزم 250 ريال صار المبلغ 800 ريال.
زيوت ومحروقا وغيره 200 ريال .

يعين الإجمالي 1545 ريال ..... يعني مو بعيدين عن ما طلب .

الآن هذا كووووووووم ..وبقاء السيارة تحت ضمان الوكيل الى 60 ألف كوم تاني ..
إذا ما قمت بالصيانة سوف يتخلى عنك الوكيل لو حدث مشكل في سيارتك لا سمح الله ..لأنك لم تصنها ...

إرضى بقردك ..لا يجيك الي أقرد منه .:مطرقه:

في حفظ الله .

متخصص السيارات @user_148 · 10-07-2002

تحية كبيرة لك يا الليزر :هلا: ومشكور على ثقتك فيناا وفي المنتدى ..
عموما بالنسبة لعمل الصيانه الدوريه معروف ان كل صيانه دوريه لاي سيارة لازم تكلف العميل اجور العماله وتكلفة تركيب القطع .. وبما انك والحمدلله مرتاح من السيارة فلا تذهب لغير ورشة الوكيل المعتمد لان السيارة لا تزال تحت الكفالة وحتى لا تسقط منها وتتحسف اذا صار بالسيارة شي لا سمح لله :أخ نسيت: .
عموما مثل ما قتلك التزم بالصيانه الدورية عند الوكاله حتى اذا كلفت عليك بس انت راح ترتاح بعدين وتستفيد من خدمات الوكييل :باي: