ياااانااااس ابي اعرف السر ليش تحبونها ....

lmag

تكفا ، الله يرحم والديك ، لا تجيب طاري الماليبو ، قسم بالله ثاني أسوأ سيارة مرت بالعائلة الكريمة من أكثر من 30 سنة ، وكل ما تذكرتها حمدت ربي على إني تخلصت منها

أنواع الخرابات ، والمشكلة إنها في المكينة ، والورش ما تعرف تصلحها ، والوكالة ما عرفوا يصلحونها ، يبغون أغير المكينة :D

بعدين ، بالنسبة لصرفية البنزين ، والله العظيم إن صرفيتها ضعف صرفية الأكورد أو أقل بقليل ، مع إنها 4 سلندر ، والله أكلتني بالبنزين وقطع الغيار ولمبات الفرامل والفحمات والقماشات ، وووووو ، كل شي كل شي فيها تعباااان

عاشت معي سنتين ، موديل 98 ، وكانت مع أخوي ، أحيانا تطفا علي وأنا بالطريق السريع ، ولازم أوقف وأنتظر دقائق بعدين أحاول أشغلها ، يمكن تشتغل ويمكن لا

والله مرة طفت علي الساعة 2 بالليل ، ولا عاد اشتغلت ، رحت للبيت ونمت ومن بكرا رحت وشغلتها وأنا أدعي عليها

كان فيها صوت قرقعة بالمكينة ، كل من سمعها قال هذي ديزل وإلا بنزيل:D ، ولا تتحمل الحرارة عندنا ، ومن الغباء اللي فيها إن أحد المراوح ما تشتغل إلا إذا شغلت المكيف ، يعني إذا كنت موقف السيارة لازم تشغل المكيف عشان ما ترتفع عليك الحرارة :D

وبعدين ، كل شوي يخرب فيها شي بالكهرباء ، وقطعها ناااااااااار والله نار ، الهوندا أرحم ، تخيل لمبة الفرامل بـ 10 ريال ، شهرين بعدين تطفا عليك ، والله الهوندا معي لها سنة و6شهور اللمبات ماشية زي العسل

والطاسة بـ 310 ريال ، والشمعة الأمامية بـ 1300 ريال ، والله ما أشريها إلا من التشليح

أخوي كان معه فورد ، خرب عليه القير ، وصلحه وخرب ، وغيره وخرب ، بعدين جدعها بالمعارض وافتك منها

أبوي معه كابرس ، كل يوم في الورشة ، خرابات بالهبل ، وما تتحمل الحرارة العالية ، مثل الماليبو ، ويبغا لها موضوع لحاله :D

الآآآآآن ، عندنا سوبربان 2001 ، خرابات الكهرب بالهبل ، أسمع صوت بالمكينة مثل صوت الحرق ، والسيارة ماشية 61000 بس ، بالإضافة إلى إنها شفااااااااااااااااااااط بنزين ، والله شي يهول

مكيف الأكورد أفضل بكثييييييير من مكيف السوبربان والماليبو ، ومكيف الجمس خرب علينا ، وإمبير البنزين خربان إلى الآن ، والسيارة تخر من فوق موية

بالله كيف تبغونني أحب الأمريكي وأنا عانيت منه معاناة قاسية كتبت لكم بعضها !!

واحد من العيال ، معه لومينا LTZ 2004 ، صار عليه حادث قبل شهرين بطريق خريص ، وزوجته حامل بالشهر التاسع ، ولا طلع الإيرباق لا للسائق ولا للراكب ، ومات الجنين والله المستعان

طيب ، ما يتحمل مثل الخطأ هذا ، مع العلم إني أمس كنت عند العيسى شفت لومينا مصدومة من قدام ، نص الكبوت رايح ، ولا طلع الإيرباق ، سلاماااااااااااااااااااااااااااااااات

صحبح إن الأمريكي مريح جدا ، وقوي ، لكن على حساب أشياء أهم من الراحة والقوة ، التحمل 0 % ، لذلك في الجنوب ما تلقا إلا ياباني لأنه يكرف ويتحمل المرتفعات

لو الأمريكي أكثر تحمل كان أخذوه أهل الجنوب ، لأنه أرخص ، لكن ما ينفع

هذي تجربتي ، كتبتها بحماس :D

وشكريا :D