ما هي عيوب الفكتوريا(ضروري)

شوف يا غالي

انتبه من الوارد الامريكي اذا انت منت ضامنه يعني انتبه من الصالات و الناس اللي يرشوا السيارة من تحت ما تدري ايش فيها و ايش ما فيها

انا معايا كراون فكتوريا وارد امريكي بس انا منقيه بنفسي

و الحمدلله ماشي معايا من احسن ما يكون كل اسبوع و انا مسافر فيه

و اسعارها تبدأ من 40 الف - 50 الف

يعتمد السعر على النظافة و على المواصفات و طبعا على الموديل

عندك ثلاث انواع للتجهيزات اقل نوع و نص فل و فل كامل

الفرق بينها و بين السعودي السعودي شكمانين و الامريكي شكمان واحد

الامريكي مكيفه احسن

العيب اللي في السيارة

هو اذا كنت مشغل المكيف و قدام وايت مجاري او دخان او اي ريحه كريهة تلاقيها على طول عندك في السيارة يعني مافي شيء يمنع دخول الهواء من الخارج

و انا انصحك تروح لمعرض القليطي في منطقة المعارض في المدينة المنورة تلاقي عنده كل انواع الفورد و الميركوري و هو ينقي سياراته بنفسه من امريكا

و اي خدمة ترانا حاضرين

و مبروك مقدما و الله يعطيك خير السيارة و يكفيك شرها