سؤال لأصحاب الاكورد .. ارجو من جميع مالكيها الدخول

USB @user_12790 · 30-07-2004

السلام عليكم ورحمة الله وبركاته

الاخوان اللي يملكوا أكورد خصوصا من حصلت لهم حوادث بالسياره سواء كانت قوية أو بسيطة - والله يحمي الجميع :) -اتمنى الاجابة بصراحة على هذا السؤال :

هل تشعر بالندم على شرائك سيارة هوندا أكورد؟؟

يعني ممكن انت تكون مبسوط انك شريت السياره ومافي احد زيك وفجأه الا وانت مسوي حادث .. وانصدمت لما اكتشفت ان قطع غيار السياره غاليه جدا - اقول انصمدت لان فيه كثير يشتروا السياره حبا في شكلها وقوتها ومايسأل عن قطع غيارها - ايضا بعض القطع لابد من عمل طلبة لها وقد يتأخر وصولها .. على عكس الكامري مثلا .. قطع رخيصة ومتوفرة :)

سؤال اخر : ماهي ابرز العيوب في هوندا أكورد ؟؟

اتمنى انه يكون الردصريح و بدون تعصب للسياره |4|

تحياتي للجميع

T.N.T @user_8264 · 31-07-2004

الله يعطيكم خيرها ويكفيكم شرها ..........

Accord V6 @user_9634 · 31-07-2004

السيارة حلوه لأبعد الحدود

انا صارلي حادث فيها

وحصلت كل القطع اللي أبغاها بالوكالة

قطعه وحده اللي ما حصلتها وطلبوها لي وخلال 3 أسابيع جت القطعة

وكلفتني السيارة 17000 ريال

12000 ريال قطع و 5000 ريال شغل يد برا الوكالة

تحياتي

bssol @user_9106 · 31-07-2004

أنا عندي أكورد
والله قضا يصير لي حادث والغلط 100% على الي صادمني

والحمد للهصلحت السيارة على تأمينه وزادت الفلوس

تحياتي

يوسف 900 @user_8610 · 31-07-2004

والله شوف انا صار لي حادث وكلفني تصليحه حول 20 الف ريال بس بصراحة مازلت احبها والقطع الي غيرتها كانت مو استهلاكيه يعني مفروض ما تكون موجده بس العكس اطلعت موجوده وركبتها في الوكالة

H@SS@N @user_10307 · 30-07-2004

في النهاية
انت في نظرك ان الكامري احسن ماعليه هذي
وجهة نظر بس تخصك انت وما تقدر تفرظها على احد
وهنا كل واحد طبعا يحترم وجهة نظر الاخرين
اما بخصوص التامين
الحرام هو التامين على الارواح واعتقد نزلة فتاوي
كثيرة على تامين السيارات ولو انه حرام كان ما سمحوه
اما بخصوص النصب اكيد بيكون فيه الزين وفيه الشين
وعندنا في شركات قويه بس ما ابغى اسمي وطبعا ما قلت من
فراغ الا اني اتعاملت معهم والله والله والله انهم اعطوني حقي
وزيادة

USB @user_12790 صاحب الموضوع · 30-07-2004

اذا تقصد تأمين الرخصة فهو مايغطي سيارتك .. اضرار الغير فقط , اما لو تقصد التأمين الشامل فعلى حد علمي انه حرام .. وحتى لو ماهو حرام فصدقني ان شركات التأمين نصابه وغير كذا هو مايغطي الاعطال الميكانيكية

وبخصوص الندم ... انا اعرف واحد عنده اكورد كوبيه وكان دايم يشتكي من قطع غيارها ولسا من كم يوم باعها واشترى كامري 2004 :)

ومشكور على الرد يا حسن |2|

تحياتي

H@SS@N @user_10307 · 30-07-2004

1- الله يحفظنا ( ياخي فاول خير )
2- شركة هوندا كل قطعها متوفرة لأنها شركة قوية
3- الله يخللي التأمين
4- ما اظن في احد اخذها وندم
5- مافي سيارة خالية من العيوب ولكن الحمد لله على كل حال
6-.....
7- ...
8- ..
9- .
10- حـــــــســــــن