على حسب سيارتك ....... يكون مقدارك عند الناس

انا عن نفسي ممريت بهذا الموقف لاني شخصية اخش المطعم وللة اي مكان القي الحترام
المشكلة مو في السيارة ولله نوعها
انا مرة مسكت واحد معة bmw2003 الفئة 7 خليت ثوبة يصير احمر لا وكسريلو القزاز حق السيار الخلفي عشان سبني
سو فيها ولد باب هههههههههه هذ معي ماجنا كيف لو مابياخ

مشكور يبو وائل على الموضوع
آنا لي تجارب يوم أن كان عند الكامري سيارتي القديمة كانو الناس يقدرون ويسلمون علي إذا مريت
يوم بعت الكامر وخذت البيك آب (من نوع فورد) حق المزرعة عطوني خامس
والحين عندي سيارت السايق من نوع هيونداي 2005 ردو لعادتهم القديمة على بالهم هذي سيارتي
هذا وهم مابعد درو أني شاري مرسيدس E ما أدري إذا درو وش بيسوووووووووووون

اسف اني رديت على موضوع قديم و لكن كل مشاكلكم عاددديه

انا كان عندي سياره صغيره موديل 2000 معدومه (قالبها راااالي) .. بعض العيال يناظروني بطرف عين و يقولون وش يبي هذا ؟!؟!

قبل فتره شريت سياره محترمه 2005 .. نفس العيال .. نفسسسسسسسسسسسهم.. قاموا يتمصلحون و يتصلون و يسألون عن الاخبار و الاحوال ..


يعني شين و قوي عين

اسف يا اخوي ابو وائل نسيت الموضوع

بالنسبة لرئيي فعلاً حسب سيارتك يكون مقدارك عن الناس ها الكلام ينطبق على من لا تعرفة كأي شخص فى الشارع , لكن اذا كنت اعرف الشخص فلا والله مقدارة حسب اخلاقة لو معة زبيريات ( نعال شيبان ) |263| .

تحياتي لك وأسف على التأخير .

أبد يا أبو وائل - كرم الله وجهك - بس أقول لونها لون البلديه .. و سلامتك - طال عمرك -


لا شكر على واجب يا بعدي و ننتظر المزيد من إبداعاتك


في أمان المولى

slaiskmm /// مشكور على الرد
والسالفة والله غريبة


ولد وايل /// مشكور على الرد
وفعلا التفتيش يتعامل بحسب السيارة
يعني ارهابي لو جاهم بفياغرا ما يكلموه |4|



ابو نصره /// ههههههههه
والله عامل مغفل
طيب هو ايش له دخل بالسيارة اهم شي بياخذ فلوس
مشكور اخوي على الرد والله



ع البال /// اهلا بك
مشكور والله وللاسف الناس تتعامل بالمظاهر فقط
وبالفعل كلام polite وكلام المختصص كله سليم وتمام 100% وانت كمان كذا
مشكووووووووور




الغامدي07 /// حاشاك والله ليش تقول على سيارتك زبالة ؟؟؟
الناس ياخوي ماهي محصلة السيارة اللي معك
والله اشكرك يا مشرفي العزيز وكثر الله من امثالك انت كمان




سيارة ///
مشكور وانتظرك إذا حصيت من النوم












مشكورين يا جماعة والله ما قصرتوا

أخوي ما فية اي زعل ورايي بتسمعة بعدين الحين مستعجل بنوووووم |180| .

تصبح على خير

الله يكثر من أمثالك عزيزي ( أبو وائل ) و جيت للنقطه الحساسه و ضربت عالوتر الحساس !

المسأله هنا مسألة مصالح ، معك سياره فخمه أنت ولد نعمه و نعاملك معامله حسنه ، معك سياره عاديه أنت واحد طفران و محتاج شكلك و نعاملك معامله رديئه !

بالنسبه لي أعاني كثير من هالشي و خاصة اذا جيت أعبي بنزين !!؟

ألحين سيارتي هي كرولا 2002 لونها أخضر ( أغبى لون شفته ) و كأني زباله ماشيه و - أنتم بكرامه -

المهم ، جنبنا محطة بنزين و أعبي فيها غالبا ً ، كل ما أجيهم بالكرولا طبعا ً يعاملني معاملة سيئه جدا ً ، كل كلامه محصور في :

" هيه هيه ، صديق أنتا ! ما في يسمع كلام ؟؟ جيب سياره هنا " << يقولها بشين نفس و مقفل الرجال مني كأني ضاربه على قفاه عشان يعبي لي !!

في ذاك اليوم ، الوالد طلب مني أعبي بنزين لسيارته و هي ][ لكزس LS430 موديل 2004 ][ و قال لي: " عبي من محطة الرحيلي " يبغاني أعبي له من محطه ثانيه ، قلت: " طيب " و أشغل السياره و أروح لذا الهندي اللي جنبنا .

يوم أوصل له و أوقف السياره بعيد عنه ، جاني يركض و وجهه بينشق من الابتسامه ، وصل عند القزاز و دنق و قال:

" سلام عليكم ، ممكن لو سمهت قدم سياره سوي عشان يقدر يعبي كويس ؟ " و بعدها مدها بابتسامه عريضه ، قلت له: " ظف وجه مال أنتا " و دعست من عنده !!

و عبيت من الرحيلي و إلى يومك هذا الهندي يسوي ثقيل مع الكرولا منكسر و مهان مع اللكزس !!!!!

- الله لا يبلانا -

الله يعطيك العافيه عزيزي ( أبو وائل ) على طرحك الطيب و سامحنا على التأخير بالرد .

مع فائق احترامنا لشخصكم الكريم

أخوك/ حسام بن سعد

بكل أسف أقول ان الكلام هذا صحيح
الناس تنظرلك بنظرة على قدر مستواك الاجتماعي وكثرة فلوسك ومنها نوع السيارة وغيرها,بغض النظر عن ماهية ذلك الشخص وهل فعلا يستحق تلك النظرة الايجابية أو لا بمجرد الشكل الخارجي.

واعجبني كثيرا كلام الأخ Polite
وكلام الأخ المتخصص

وتحياتي لك يا اخ ابو وائل على هذا الموضوع الرائع.

انا اقولك سالفه بعد فيه مغسله سيارات عندنا بحايلفيها عامل يمني ((قل فيه مغسله ما فيها يمني هههههههههه )) اغلب السيارات جديدة
جاه واحد معاه ددسن موديل 82 يبي يغسل سيارته ناظر له اليماني بطرف عين ابش تبغى رد عليه وقال ابغسل السياره قاله اليمني يلّه امش ما نتعامل مع هالشكليات
فعلا على موديل سيارتك ونوعها تعاملك الناس

هلا وغلا ياابو وائل الشباب كفو ووفوا لكن خلني اقولك وش صار معي قبل سنه
انا معي موتر يالله لك الحمد يعني فوق المتوسط بشوي
المهم اني دخلت السياره الوكاله وعندي دوام ولازم سياره المهم ياطويل العمر استاجرت اكسنت هونداي
اعلمك وش الفرق الحين
اولا بسيارتي اذا جيت مجلعد (مسرع) في الكتف (المسار الايسر ) طبعا اخوك في الله يسابق الوقت الله يجيرنا من الحوادث
المهم اذا كنت مسرع وكبست للي قدامي يفتح لي على طول اما بالاكسنت يستنذل عليك لا ويحدك وينفخ بعد
حتى في التفتيش السياره لها دور وحتى نظرات الناس لك وغيره وغيره الشي الكثير
الله يكون بالعون اهم شي وانا اخوك القناعه وصدق من قال كنز لايفنى
تحياتي ياابو وائل والله موضوع جميل وننتظرر جديدك ياغالي

هذي الحقيقة
الواحد لين مشى بسيارة عادية واحيانا مو عادية لهناك مثل لومينا او هوندا او تويوتا يعني السيارات الي كدا الواحد مايعطيهم اهتمام
بس لين الواحد مشى ببنز او بي ام او لكزس ماتجية لاهرنات ويخطي في الشارع ويسكتون عنه الاشارة تولع ولايمشي ولاحد حتى يكبس له وهو يخطي يروح يزعج الناس بالهرن
حتى انا مرة رحت المطعم بالمرسيدس والله مارضى ياخذ فلوس خخخخخ ويوم صممت عليهع ياخد حط صحن مقبلات وورق عنب وعصير مجانا ههههههههههههههههههههههههههههههاي
وبعد مرة في المكتبة مارضى ياخذ فلوس هههه
حتى انا يوم كنت بلاكوورد تجيني عله من الي يسوقون بس لين ركبت البنز الي فيه خير يطق هرن هههه
تسلم على المشاركة
تحياتي

مشكور والله ردك حلو ومفيد مشكككككككككككور

قبل ما أقتنع .. أبغى أسمع رأيك في الموضوع ........................... :)
والقلب الآن مرتاح لأني أول حسبتك زعلان مني أو من الموضوع .

أخوي ابو وائل :

لما قلت ردود متظاربة يعني ناس ايدت كلامك وناس قالوا عااايدي ما يهم .

عساك اقتنعت

قرصان الجحيم


المخلب


أسير السيارات


SUNNY


حسن Gs


جمـ8100ـس


Polite


أبو طريخم


المتخصص


Caprice


stun


G_U N I T


سيارة


Dajani


الازوري


العمليات


LEGACY GX


lexus4ever


جالانت


HAMODEE


والله كلكم مشكورين كنت أبغى أرد على كل واحد لكن والله ما أقدر أوفيكم حقكم مشاركات أكثر من رائعة وإن كان لي من زعل فهو على ( سيارة ) ما فهمت كلامك وكلام اللي بعدك اللي إقتبس كلامك كأنه ما عنده أسلوب يكتب فيه ..... أشكركم كلكم وسبب إنقطاعي في الفترة الماضية هو إني من بعد الستيل الجديد ما قدرت أدخل على المنتدى لأن الكلمة السرية ما ضبطت معي لكن الله يجزاه بالخير المستشار وقف معي وانتهت المشكلة .... مشكورين مرة ثانية وننتظر ردود المشرفين ما شفت منهم إلا عددد قليل جدا رغم ان هذول القليل يكفوا عن البقية لكن لازم نسمع رأي الجميع .

يااخوي كاب الموضوعانا اشهد شف بعض الناس الي معه سيارة زينة شف اشلون يتمصلحون الناس معه حتى العيال نفسهم موراعي مطعم شئ كل الناس واستغفر الله خل راعي السيارة الزينة يروح اي سوق كبير شف نظرت الناس له اما الي عنده سيارة وعلى قد حاله شوف وجهة الناس له بقولون وش يبي ذا من الدنيا ولا كلام زي كذا اد وش تقول غير ان كل الناس يتاعاملون فيها والف شكر اخوي على الموضوع البطل

اول احب اشكر كاتب الموضوع

وثانياً لا ازيد عن كلام اخواني خاصة رد اخوي العمليات الفله

والف تحيه