وش رأيكم في مزاد

المزاد راح يدخل فلوس للموقع . وأنا رجال أحب الفلوس ، وين ما تكون تلقاني قريب منها .

أدرسو الموضوع واللي فيه عائد للموقع وصاحبه هو المفروض نكرس جهودنا عليه .

وننتظر بقية الآراء وشكراً على المداخلتين القيمتين يا ناصر و فواز .

هلا بالغالي أبا مطر

الفكرة من حيث المبدأ ممتازة وناجحه والدليل موقع EBAY ولكن تطبيقها يحتاج الى دراسة كاملة لتغطية جميع الثغرات والسلبيات قبل الايجابيات

ممكن ان يعمل قسم جديد اسمه المزادات او أي اسم تفضلونه ويكون حق الدخول له لأعضاء لديهم عدد مشاركات معين كمئة مشاركة مثلا او أكثر

ايضا ممكن أن يكون حق دخول منتدى المزادات للأعضاء اصحاب العضوية الذهبية الذين يدفعون رسوم سنوية مقابل العضوية الذهبية التي تكلمنا عنها سابقا في هذا القسم

كذلك يجب وضع شروط معينه


ولي عوده لهذا الموضوع بعد دراسته بإذن الله

بالتوفيق |1|

أحمد مطر

انا مستعد اساعدكم باللي تامرون عليه

وانت ما شاء الله خبير باسعار السوق

وتعرف الشرايه والبياعه من الاعضاء

واللي بيخالف الشروط مثل ما قلت ... ننفيه

والله يعطيك العافية

تحياتي

الفكرة حلوه خاصة وهي طالعة من واحد متفائل مثلي .

ولكن نحدد المزاد بأسبوع يبدأ يوم السبت وينتهي يوم الأربعاء أو بأربعة عشر يوماً . إذا المزاد في الرياض يتولى إدارة المزاد أحد مشرفي المنتدى وهو اللي يستلم الرسوم في حال رسو المزاد .

مهمة المشرف يشطب المزايدات اللي مالها داعي والكلام الجانبي وأرقام الهواتف وخلافها ولا يخلي الا المزاد .

فلوس في فلوس .

واللي ما يدفع رسوم المزاد يطلع برا وتعلق عضويته وينفى من المنتدى . وبطرقنا الخاصة الغير متوقعه راح نكتشف البائع إذا انه باع والا لا .

ما يهمكم أبطلع الميه من عيونه . ونوكل واحد أمين مثل ناصر يستلم الرسوم ويودعها في حساب صاحب الموقع .

قولو تم وخلونا نجرب والشوي يجيب الواجد .

بعدما أدخلت المداخله ( وعادتي الكريمه اني لما أحط مداخله أراجعها من الأخطاء والبلاوي اللي تشوفونها بعد المراجعه |362| )

عموماً وأنا أراجع جت الفكرة في ذاكرتي المخرومه بخرامة الأحوال المدنية .وهي

ان يكون هناك في الصفحة الرئيسية للموقع عنوان ( مزاد ) وما له علاقة بالمعرض أو الحراج واللي يريد المزاد يخش .

طبعاً فيه شروط وضوابط للمزايدات . المسأله ما هي خذني جيتك . سمن عسل تمر هندي . لا يا حبيبي فيه ضوابط وشروط . راح أقولها لكم لما أفضى .

موفقين .

أحمد مطر

الفكره رائعه جداً

لكن تطبيقها صعب

والتزام الاعضاء في البيع اصعب

ان شاء الله تتطبق ونكسر حاجز الصعوبه

والله يعطيك العافية

تحياتي

مرحبا اخوي احمد واخوي محمد

رغم عدم المامي ببعض امور الشراء والبيع الحي كالمزاد او مشابه لذلك

الا اني ارى ان نضع في اعيننا

كيف سيجني المنتدى مقابل مادي من كل بيعه

فقط هذا مااحببت ان انوه اليه

بارك الله في الجميع

ايه نعم أخوي محمد

نفس الفكرة راودتني ، وهي الهم اللي شغل بالي . عدم الجدية راح تفقد المزاد مصداقيته ، ولكن مع الوقت سيتدرب الناس ويشتغل إحساس الثقة لديهم ومع كم بيعة راح تزيد الثقة في المزاد . ولاحظ انني لم أنسى الموقع من رسوم تدعم إستمرارية الموقع والمزاد

كان هناك أمل لأن رواد المعرض كثر ، وقلت نستغل هالتواجد بحيث نبدأ في مزاد . وما كنت سأبدأ حتى أرى أكثر عدد من الموافقين على الفكرة من رواد المعرض .

طرحت الفكرة من يومين فقط وما لقيت تأييد يذكر خلال اليومين .

مثل ما قلت أخوي محمد الفكرة تحتاج الى مزيد من الدراسة ونحن بإنتظار آراء بقية أعضاء الإدارة . والرأي الأتم لكم

وفق الله الجميع .

نقلته لهذا القسم بعد إذنكم يا أحمد ويا عبدالرحمن لكي تتسنى لنا مراجعة الفكرة.

الفكرة من حيث المبدأ ممتازة ولا شك.
لكن أخشى أن تكون هناك سلبيات تضر بالمنتدى.
لذا أرجو إعطائي فرصة لدراسة الفكرة وأتمنى منكم أيضا دراستها.

التعامل مع الأشخاص في المنتديات يتم مع أسماء رمزية وليس مع أسماء حقيقية ولذا فمن السهولة أن يتراجع أحدهم عن الشراء بعد أن تتم عملية الشراء. كما أنه من السهل أن يدعي أحد بأن بعض الأسماء التي تزايد في السعر هي لشخص واحد.

هذه مجرد وجهة نظر سريعة ولا يعني بأن الفكرة لن تنجح. فقط أطلب مراجعتها قبل تنفيذها.

راح أنزل موضوع آخر للمزاد ونثبته .

واللي يريد ينزل سيارته المزاد يحطها في رده . ولكن خلينا نشوف أكثر آراء موافقة على الفكرة . يعني بالقليل نريد 10 أشخاص موافقين على شأن يكون المزاد قوي وفيه منافسه ، ويكون عند الجميع علم انه فيه موضوع مثبت للمزاد .

بالتوفيق .

اكيد اوافق عليها

بما انه مزاد راح يكون افتتاحيه للمزاد
مين راح يحدد افتتاحية المزاد ؟

وفي النهايه يوافق البائع او لا
على اعلى سعر تم عرضه كما ذكرت .

أيه نعم أخوي أبو طويل البيع والشراء ليس ملزم الا في حالة المعاينة والإتفاق بين الطرفين على الطبيعه ولكن نحن في المنتدى نعتبر وفقنا بين الإثنين . والرسوم ( 100 ) نتركها وذمة البائع .

ولكن السيارة اللي ما تباع خلال فترة المزاد تخرج من المزاد . الى غير رجعه الا في مزاد جديد .

أرجو ان تكون الفكرة وصلت .

بالتوفيق .