السيارات المحولة من اليمين الى اليسار ((نرجو المشاركة بالراي))

مشكووووررر واايد اخيو فواز على هذه المعلومات الي افادتنا حول التسجيل عندكم بالكويت .. لأني استغربت كذا مرة صار عرض للساكيلان الجي تي ار في الكويت .. ولكن لوحاتهم اماراتية ..!!!

اثاري الدعوة مثل ما قلت ..

مشكوووور وااايد ..


وبالتوفيق للجميع ..

شكرا اخ الكريم LEGACY على الموضوع

في الكويت يمنع تسجيل السيارات المحوله حتى لو المصنع محولها :D

طبعا هناك سببين رئيسيين لمنع السيارات المحلوه في الكويت أولها السلامه والثاني رفض الوكيل اعطاء شهادة منشأ لهذه النوعيه من السيارت ... هذا طبعا للسيارات اليابانيه فقط

لكن اذا كانت السيارة للسباق مثلا وانت عضو بنادي السيارات ( النادي العلمي ) يسجلون لك السيارة على انها سيارة سباق وليست للاستخدام اليومي ( ستريت )

بحفظ الله :)

علي !!!!!!!!!!!!!!!

مرة كذا ومرة كذا ...

بس خوش درس ....

مع اني ما احب النحو .. بس جزاااااااك الله الف خييير وبركة .. |494|


وبالتوفيق...

ليجاسي

إن شاء الله

وليس

إنشاء .... هذي غلط ومعناها سيء

إفصل بين (( إن )) و (( شاء ))
صار درس نحو :)

إنشاء = صنع أو خلق
إن شاء = إذا أراد

مشكوور اخوي علي على المداخلة الطيبة ...

وجزاك الله خيرا انشاء الله .. |364|

وبالنسبة للتحويل مثل ما ذكرت يعني ما بيصير 100 مثل شغل الوكالة .. ولكن تحويل عن تحويل يفرق .. ونقدر نقول في بعض التحويل انه امن اذا طابق بعض الشروط ... وطبعا هذا ما بيكون في كل السيارات مثل ما ذكرت ... فالشاصي ماهو واحد والجير ما هو واحد والسيارات ماهي وحدة .. انواع مختلفة ...
..

بالنسبة للقرار الي نزل ما نزل بجميع الأمارات .. نزل بامارة ام القيوين .. ومثل ما قريت بمنتدى ام القيوين على الموقع
www.uaqboost.com

انه القرار تم الغاؤه في امارة ام القيوين .. خصوصا بعد ما شيع انه سيتم فقط تسجل وتجديد السيارات التي بعد عام 1999 تقريبا او 1998 ...

ولكن امارة ام القيوين اعادة التسجيل والتجديد بشكله الطبيعي .. شرط ان يكون محول في احدى الكراجات الثلاث ..
فيوتشر او السعودي والثالث مو مذكور ..


ولكن تبقى المسئلة مسئلة تقنيات وحرفيات العمل ... واتمنى لو تتسامح وتتساعد بعض حكومات دول الخليج عن قرارتها الصارمة بخصوص هذه السيارات مثل السعودية ...



وبالتوفيق للجميع ...

بسم الله الرحمن الرحيم
بداية أخي ليجاسي أشكرك على طرح هذا الموضوع
وفي نقطة يا ريت تنتبه لها
إن شاء الله (تكتب بهذه الطريقة)
وليس
إنشاء الله
هناك فرق كبير في المعنى

بالنسبة للسيارات الواردة من اليابان
أنا عن نفسي أمتلك واحدة ... وبالرغم من إنها محولة عند أفضل كراج في دبي للتحويل (الروسي)
لكن ...
لا يمكن بأي حال من الأحوال إنك تقول عنها " تحويل 100% "
مستحيييل
الإختلاف بينهم مش بس في مكان السكان ( أو الدركسون ) يمين أو يسار
أحياناً يكون الإختلاف في مكان الناقل
أحياناً يكون في اختلاف في بعض نقاط الشاصي

أضف إلى ذلك
الإستخدام السيء والسيء جداً من قبل بعض الشباب لهذه السيارات
وهذا بدوره أدى إلى حوادث كثيرة ومروعة أحياناً
وهذا هو سبب منع تسجيل السيارات وارد اليابان عندنا
لأن في الكثير من الأحيان يقال إن سبب الحادث هو التحويل الخاطيء للسكان
وحسب ما سمعت إن منع التسجيل لازال ساري حتى هذا الوقت

أبو عزازي ...
تشتري سيارة محولة وتفهم انشاء الله ...


ومشكوور على المشاركة....

والله مافهمت شيء

اممممم

مشكووورين شباب على تفاعلكم ... معي في هذا الموضوع ...

الأخ العزيز Initail D
حقيقة قلتها والله ... ان معظم الكراجات الي كااااااانت تحول الدركسونات ما مهتمة بشي اسمه سلامة او سيفتي وهذا الي حصل ..ولكن الحين وجدت كراجات تحول بطريقة امنة وشغل نظيف طبعا بالأعتماد على مهندسين وخبراء غير باقي الكراجات واذا كنت بدفع الفين درهم في كراج بيقصص ويركب ليش ما ادفع 10 الاف في كراج بيرتب لي شغل مثل الوكالة ..انا وياك يف هذي النقطة ...

وطبعا باقي دول الخليج للأسف ما اخذت طريق دولة الأمارات في هذا المجال ... يعني الحكومة فرضت ووضعت شي وفتحت الباب امام الأستيراد لهذه السيارات ولكن وضعت شروط علينا ان نطبقها ... وخلنا نكون واقعييين نحن نستطيع تطبيق هذهالشروط ..التي وضعت من قبل الحكومة ...

يعني مو بكرة السعودية تطلع لي فيها وتخلي السيارات المحولة تدخل وتقول اعملوا كذا وكذا .. بشي يفوق الطااقة ...


اخوي الصقار .. مشكووور على الرد والتفاعل ...

العتب مش على السيارة ... العتب على الي حول دركسون السيارة ... والامر الأخر انه الأخ نصب عليه نصبة جامدة .. لأن لو تلاحظ اسعار السيارات في اليابان خصوصا السيارات المحلية اسعارها بالحظيظ .. مرة تحت .. يعني بارلاحة يجيب لكزس 470 بمة الف ريال ..


وايظا نفس الكلام مع القصة الثانية .... ..

ولكن ما رايك لو كانت الدولة عندنا سمحت للسيارات المحولة بالتحويل المستوفي لشروط السلامة بالدخول .. اليس افضل من هذه الفوضى ؟؟؟

اخوي راعي فزعة ....
وجهة نظر ونقدرها ونحترمها ..
ولكن بعد التحويل تصبح منظر السياراة طبيعية ...مش غلط يعني .. فكرها شوي..

اخوي الغيور .. كيفك اول شي ..

ثاني شي اكيد شهدت حادث الجي تي اس 32 الي حصل بالكورنيش ((صاحب الجناح الطويل والتخطيطة على البودي تبع فلم السرعة والغضب))

فعلا شي مؤسف ... والمؤسف بالأمر .. انه وقعت الآئمة على تحويل السيارة من اليمين الى اليسار ...
متفادين وتاركين وضع الحادث الذي كان ...

يعني العسكري يشوف الكفر والدركسون مكسور علشان يلف يسار ... لا يقول العسكري لراعي السيارة سياراتك مش صحيحية ..


العيب مش بالسيارة يا جماعة ولا بتحويلها .. تحويلها نظيف ومية المية هالسيارة ... العيب في الموترين الي طلعو قدامة السيفك الحمراء والدتسن ...

لكن ويش نقول غير الله يهدي العسكري الي عطاه الغلط مية بالمية على الجي تي ...ميستاهل ..

حقيقة هو من انظف الجياتي الموجودة شغلا في التحويل .. يعني تحويله ما عليه كلام 100% وكااااااااااالة ..

وعلى طاري هذي الطريقة .. خلاص قفلوها ....

بس عندك الطريقة دي تقدر تسويها عن طريق عماااان .. دولة عمان السلطنة ..
بعدهم ما يحطوا العين عليها ...


ومشكوورين جميعا ...

وننتظر البقية ..

وبالتوفيق ...

هلا اخوي
سالفة السيارات المحوله الشباب جابو مثل gts وgtr اقصد لسكايلان
وكان تدخيلهم سهل ان الاماراتي الي يشترو السياره من عنده يسوي تفويظ للمشتري انه يطلع ابها من الامارات
ويسوي اله براءة ذمة ويطلع ابها ويجي اهنيه يخلص جماركها في الميناء
وبعدين فهمو السالفه واتسكرت من جميع النواحي

بس الي يبغى يجيب سيارة واراد اليابان يشغل مخه ويجيبها |7|

|243|

انا مااؤيد دخول السياره اللي باليمين

بيطلع شكلها غلط وبعدين الشوارع عندنا مصممه باللفات والدوارات وكل شي انه لليسار يعني صاحب السياره اللي دركسونها يمين بيكون معرض للخطر والحوادث اكثر من اي شخص ثاني

مشكور ويعطيك الف عافيه

.

اخواني ابقولكم قصيتين لا هنتوا

الاولى ان هذي قصه نشرت بجريدة الرياض بالصفحه الاخيره واخذت صفحه كااامله
وهي كالتالي
هذا رجال كان يطلب واحد حوالي 200 الف ريال المهم المديون قاله خذ هاذا جيب لكزس وفكني من الدين الرجال وافق واخذ الجيب بعد كم شهر وهو يمشي وقف عليه الموتر واعلق الدركسون واحترقت الاسلاك يوم وداه الورشه ويطلع الموتر في اكس ليمتد ياباني ومحول الى الجهه اليسار مع تحويل الى لكزس !!!!!


برايكم من اللي دخل الموتر ؟؟ وفرضا لو الرجال كان معه عايله من يعوضهم ؟؟؟


اما القصه الثانيه
وهي ان ولد عمي يشتغل بالجمارك ويحكيلنا هالقصه
يقول ان جاء واحد يبي يدخل عبر منفذ الجمارك اللي على الحدود مع الامارات وهي عباره عن 20 جيب في اكس ار ياباني محول من اليمين لليسار المهم ان الجمارك رفضوا قالوا لازم تعيد تصديرهن يعني ترجعهن قال لا ويجون الجمارك ويقصون السيارات بالنص من فوق يعني من التنده وقالوا الحين تبيعهن غصب والله ويبيعهن على كم واحد بالجمارك الجيب الواحد ب 4 الاف ريال .....



اخواني تخيلوا معي ان الجيوب بالقصه الثانيه دخلت السعوديه وش كان صار ؟؟؟


ولي عوووووودهـ

والله ياخي المفروض يسمحون بالشيء هذا لان فيه دول كثيره ماتمنع مثل هذا الشيء بس طبعا بعد ماتتوافق السياره المحوله مع شروط السلامه الموضوعه في تلك الدول
سابقا الكراجات المتخصصه في التحويل ماكانت مهتمه للشيء هذا وسبب بعض الحوادث الناتجه من خطاء في التحويل بسبب قلة الخبره ... بس حاليا أغلب الكراجات المعروفه يهتمون بشيء اسمه سيفتي بعد تحويل السياره مثل كراج فيوتشر في الامارات .. صحيح ان مثل هالكراجات يكلفك الكثير في عملية التحويل بس يكون شغله إحترافي ومايعطيك سياره فيه أخطاء أو مش سيفتي.

بالنسبه لي انا ضد القرار هذا اللي يمنع استيراد السيارات اليابانيه :( فكروا فيها شباب حنا في سنة 2004 مش 1980 يوم كان كلش شيء شغل خرابيط ؟؟