ألـتيـما ..وش الـفـرق بيـن الـنص فل و السيـاحـي..؟؟

MeeShoo @user_15498 · 28-10-2004

بسم الله الرحمن الرحيم

أولا أشكر أخوي
CAMRY -- XL-I على التقارير الرائعه عن سيارة الالتيما ..
ثاني شيء أولا إلى الان ماشريت السيارة لكني كنت محتار بين الاكورد والزووم والالتيما ..
ورسى الامر على الاخيره ..
والان محتار بين النص فل والسياحي وأبي الفرق بينهم بالشكل الخارجي والداخلي والمكينه ..؟
هل النص فل يجي فيها فتحة ..؟ وبرايكم وش أفضل لون على الالتيما ..؟

ياليت التجاوب لانكم بصراحه أشوفكم ماتقصرون من ناحية الردود والتجاوب مع الاعضاء ..

Dr 3 @user_1751 عضو · 30-10-2004

حبيبي بدل ما تتعب نفسك وتسأل وتأخذ معلومات خطأ
ليه ما تروح لأقرب معرض نيسان وتسألهم

وإذا تبغى مساعده أنا حاضر ..

Dr 3 @user_1751 عضو · 30-10-2004

السلام عليكم ورحمة الله ......

الفرق مره كبير يا أخوي بين الفل والنص فول
السياحي:
مايجيك بجناح ويجي 4 سلندر ومخمل ولايجيك كشف ، المكيف عادي
وجنط مقاس 16 أو تكون طيس إذا أخذتها سياحي مررره مايجي فيها غير مسجل
مافي سي دي << بس فيه 4 سلندر جي فيها سي دي بعضها يجي بكشاف وبعضها مافيه
وسعرها ما يتعدى 65 ألف

الفل:
يجي جناح وكشف و6 سلندر وزنون ومرايا كهرب ومقاعد كهرب أنوار أوتوماتيك كشافات
6 سيديهات + مسجل وسعر حقتي كانت 83 ألف ريال كاش

والصراحة خذلك 6 سلندر أحسن وافخم والشكل رياضي جنط 17

اللون عن نفسي أنا أخذت لـؤلـؤي شوف صورتها في التوقيع حقي

Bo7sen @user_14996 · 29-10-2004

مبروووك اخوي مقدما

و بالنسبه للألوان صدقني السياره كل الالوان عليها تركب

انت روح و شوف الكحلي و الأبيض و الأسود و شوف شيناسبك

عالم مشاعر @user_987 · 29-10-2004

الاربعة ما تجي فتحة للاسف ( هذا من اكبر عيوبها ) لكن تجي فيها كل المواصفات اللي ذكرت

مبرووك مقدما يا غالي

MeeShoo @user_15498 صاحب الموضوع · 29-10-2004

.. تشكرون يعطيكم العافيه ولاهنتوا ..
طيب المواصفات هذي اربعه سلندر كم تجيب ..
فتحة سيدي وجنوط وقير توماتيك مراتب مخمل ..
أخوي النايم ماقصر وقال 66 ألف فهل أنت متأكد اخوي النايم ..

أبو يوسف @user_603 · 29-10-2004

شوقتوني اني اشتري وحدة.....هههه

تحياتي لكم

i35 @user_11919 · 29-10-2004

اخواني انا الى اعرفه ان السته سلندر ثلاث فئات :

SE1 : مسجل و 6 سيديات و جنوط 17 و كشافات ضباب و مخمل فخم ( غير مخمل الاربعه ) و جناح خلفي و ارباق امامي للسائق و الراكب و ABS و EBD و سعرها 76000 ريال

SE2 : زي مواصفات SE1 و زيادة فتحة سقف و زينون ... و سعرها 84000 ريال

SE3 : نفس المواصفات السابقة و زيادة سته ايرباق ( ستاير ايرباق ) و تراكشن .. و جلد و بسبب التركشن زاد سعرها كثير و سعرها 98000 ريال

هدي الاسعار قبل شهر تقريبا .... و ما ادري ادا تغيرت ... و بصراحة افضل طراز في نظري ...SE2 ( يمديك تعدل فيه )

i35

سيارة @user_5479 · 29-10-2004

عزيزي بالنسبة للوان عند اللؤلؤي حـــلو مرة ع الالتيما

vAMP @user_12617 · 29-10-2004

اخوي اللي مع خويي نص فل اوتوماتيك ب 85 ألف ..
واللي معاي فل بس قير عادي ب 85 ألف !!

وترا الفرق شااااااااااااااسع بين النص فل والفل !!

يعني مع إن الفرق 5000 بس لكن الفل فيها زينون (قيمته لحاله تركيب الحمراني ب 4100!!) وفتحة سقف ومقاعد كهرب وحساسات في مراية السواق تغمق مع النور العالي وانوار اتوماتيك ومكيف اتوماتيك !!

والفرق 5 آلاف بس !! والله حرام الواحد ياخذ نص فل !!

تحياتي ..

# OMAR # @user_7317 Banned · 29-10-2004

توني اليوم رايح وكالة نيسان ..
الالتيما ستاندر (( اقل نوع )) بـ 59 الف ريال قير عادي اما الاوتو بـ 63 الف ريال ..
الاربعة سلندر فتحة وجنوط وسيدي بـ 66 الف ريال والجلد يزيد عشرة الاف ريال يعني بـ 76 الف ريال ..
الستة سلندر فل اوبشين مخمل بـ 89 الف ريال والجلد يزيد عشرة الاف ريال يعني 100 الف ريال تقريبا ..

MeeShoo @user_15498 صاحب الموضوع · 29-10-2004

تشكر على ردك السريع ..
وجزاك الله خير ماقصرت..
كفيت ووفيت..

ابو شطب @user_11771 · 29-10-2004

والله النص فل هو ما بين الـ 60000 والــ 70000 ريال

لو تروح الوكاله راح يعطونك كل المعلومات اللي تبغاها بما فيها اسعار الأقصاد......والله يعطيك خيرها ويكفيك شرها

MeeShoo @user_15498 صاحب الموضوع · 29-10-2004

يعطيك الف عافيه ..
انا اللي ابي 4 سلندر ..
طيب الفرق بين الفل والسياحي ..
بالجنوط والسي دي والقير بس ..
انا ناوي 4 سلندر نص فل ..كم سعرها كاش ؟ وبالاقساط ..؟

ابو شطب @user_11771 · 28-10-2004

والله ياخوي فيه فئتين للألتيما 4 و 6 سلندر مدري وش تقصد

على العموم

التيما 4 سلندر (سياحي): مافيها شي مميز (طيس)...قيمتها 59000
التيما 4 سلندر (فل): قير توماتيك+جنوط 16+ تشغيل 6 سي دي.....مافيها فتحه قيمتها حول 70000

التيما 6 سلندر ستاندارد(اقل نوع): نفس مميزات 4 سلندر....لكن الأختلاف في المكينه+جناح خلفي قيمتها حول 80000
التيما 6 سلندر (نص فل): قير توماتيك+ جنوط 17+فتحه+ انوار زينون +مراتب كهرب.......يعني نفس ميزات الفل سته لكن الأختلاف فقط في ان المراتب مخمل.....والفل الراتب جلد......سعر النص فل 89500 يعني 90000 |483|