من لديه الخبره في عيوب الـ 600 s

فاصل الطبلون @user_15743 · 21-11-2004

السلام عليكم ورحمة الله وبركاته

اتمنى ان يكون الجميع بألف صحه وعافيه

اخواني الغالين حبيت استفسر من ذوي الخبره في المرسيدس فئة الأس عن حجم 600

انا معروض علي واحد موديل 2003 وبقيمه معقوله والسياره شبه الجديده وما مشت اكثر من 30 الف كيلو متر اللهم انها جايه من المانيا يعني مو جفالي

وحبيت ان اضع موضوعي هذا عشان اسمع الشور من اهل الخبره والمجربين وبصراحه واجدين قالوا انه حق صرف بنزين وزيت وهذي شي عادي بحكم انه 12 سرندل مو 8 او 6

بس قالوا عنه فيه مشكلة الحراره !!!!!!

عاد مدري اللي مجرب او يعرف شخص مجرب تكفون فزعتكم يالربع وياليت تكون بالتفصيل

اخوووووكم فاصل الطبلون

B.M.S @user_6218 · 28-11-2004

أخوي الشمري مشكور على الرد

والله يوفقك ويعطك ألف عافية

بنز-وبس @user_32977 · 26-11-2004

كل سيارات مرسيدس عملية
بس 600قوي جدا ومصمم حق سفر
الحرارة اذا كان الماني دائما مرتفعه ولاتنزل الا اذا وصلت 120وفوق المكينه ترتاح
اذا تبيها حق مشاوير داخليه خد 320 او 350اما حق سفر ومشاوير طويله 600
وبختصار جميع سيارات مرسيدس فخامة وقوة
تحياتي

soso_ss @user_15642 · 25-11-2004

اخوي جيد وقووووووووووووووووووووي
ويستحمل كرررررررررررف
بس موووووووووووووتر

الشمري @user_2215 · 24-11-2004

بسم الله الرحمن الرحيم

عليكم السلام ورحمة الله وبركاته وبعد ، ، ،

[COLOR=Red]
أقتباس من الرسالة الأصلية فاصل الطبلون
اخواني الغالين حبيت استفسر من ذوي الخبره في المرسيدس فئة الأس عن حجم 600
انا معروض علي واحد موديل 2003 وبقيمه معقوله والسياره شبه الجديده وما مشت اكثر من 30 الف كيلو متر اللهم انها جايه من المانيا يعني مو جفالي

اخي الفاضل فاصل الطبلون بداية الأمر اقول لك أن شريت اسأل الله ان يعطيك خيره، ويبعدك عن شره، اما ان لم تشتري اقول لك اسأل الله ان يلهمك خير ما ستشتري، ويبعدك عن كل ما لا يسعدك فيما ستغتنمه. الحقيقة سأختصر بقدر المستطاع، بالنسبة لمرسيدس حجم S 600 على الرغم من قوة المكينة، والراحة، ويتميز باضافة ديكور الخشب عن الفئات الآخرى الا ان الكمال لوجه الله حيث صيانة سيارة S 600 مكلفة أكثر مما تتصور وهاك مثال على ذلك

شمعات الأحتراق ( البواجي ) عددها 24، وكل شمعة أحتراق قيمتها 76 ريال، أي كافة الشمعات سوف تكلفك 1824 ريال. سعر الفحمات، والهوبات لا تختلف عن حجم S 500، ألا ان الزيت مع الفلتر والوجه يكلفك ( 600 ريال )، هذا بالطبع غيض من فيض. تخيل سعر الصيانة حينما تستبدل الأقمشة، وشمعات الأحتراق، وتغير زيت مع الفلتر، والوجه كم سيكلفك يا ترى لا شك سوف يزيد المبلغ عن ( 3500 ريال ).

اذاُ كما تلاحظ صيانتها مكلفة للغاية، كما هناك امراً كما تفضل به الأخ الفاضل NiCK حينما تود بيعها ليس هناك من ينتظرك لتبيع لأن هذه السيارة لا يشتريها الا من يرغبونها، عكس الأحجام الآخرى. من منطلق ذلك انصحك بـ S 500 او أنك تأخذ S 320 بمواصفات S 600، ولك الخيار وأنت أختار.

أقتباس من الرسالة الأصلية فاصل الطبلون
بس قالوا عنه فيه مشكلة الحراره !!!!!!

ما أشرت اليه صحيح حينما نزلت أول مرة في اسواق الخليج، وقد اصلح العطل لذا نجد الحرارة طبيعية، وثابته. وان زادت عما هيا عليه اذاً هناك خلل يجب ان يبحث عنه ليتم اصلاحه.

أقتباس من الرسالة الأصلية فاصل الطبلون
الحين مركز الصيانه اللي بيشتغل في ال 500 او 320 ما يقدر يشتغل في ال 600

أي مركز متخصص لصيانة السيارات المرسيدس و البي أم دبليو يمكن ان يستقبل حجم S 600
_ _ _ _ _ _ _ _ _ _

صورة تبين S 600 من الداخل
_ _ _ _ _ _ _ _ _ _

أقتباس من الرسالة الأصلية NiCK
لانه بتكلونوجيا اغلاق الاسطوانات
بالعربي اذا ما اسرعت ما يشتغل الا 6 سلندر

اخي الفاضل NiCK ما اشرت اليه صحيح في السابق أما الأن، ومنذ سنتين الـ 12 اسطوانة تعمل مباشرة، لا سيما 6 أسطوانات في 6 اسطوانات بحيث تعمل الأسطوانات الآخرى بعد المائة والعشرون تكلف أكثر من البيع، بالطبع لا يختلف أثنان سوف يكون صرفية البنزين أقل بكثير عما هيا عليه الأن. ألغيت واصبحت تأتي بطلبية تفرض عليك ان تدفع المزيد من المال لكي تحصل هلى هذه الميزة.

أقتباس من الرسالة الأصلية NiCK
والزيت اعتقد انه ياخذ 12 لتر وكل علبه ب 35 يعني 12*35= 420 كل 25 الف بس انا مو متأكد من هالشي اسأل وانشالله يفيدونك

أن كان تغير الزيت بدون الفلتر تأخذ تحديداً ( 11 علبه ) اما مع الفلتر تحديدأ احدى عشر ونصف علبة. كما أشارنا من قبل تكلفة الزيت مع الفلتر والوجه لا يقل عن ( 600 ريال )، تستبدل كلما قطت السيارة مسافة 15000 الف ك . م داخل المدينة اما خارج المدينة مع السفر كلما قطعت مسافة 10000 الف ك . م

أقتباس من الرسالة الأصلية s a e e d
معانا وحده موديل 2001 وتماااام ماشاءالله للحين خذها وارفع ايدك والله معك

ما شاء الله تعالى

الشمري يقول

سعر S 600 طراز 2005 ( 539 الف ريال ) ذى مواصفات كامله، وان صح التعبير كل ما تبحث عنه ستجده، اما الطراز السابق 2004 بيع بملبغ ( 450 الف ريال) حيث كان هناك عرض عليه.

مع فائق احترامنا لشخصكم الكريم - الشمري
[/COLOR]

bmw318ci @user_15741 · 24-11-2004

يبغالك تفحصها كويس وتتأكد انها سليمة و سعرها انا شايف انة مرة مغري

خـالـد @user_2446 · 23-11-2004

اخي الغالي السعر جداً منخفض وحلو

بس تأكد ان السيارة ما جاتها ضربة في الوجهية او انقلبت او فيها اي خلل وخصوصاً الماكينة

ثانياً كلمة عملية تنقال على سيارات الكرف اما هذي السيارات مو حق كرف .. وبتحس بتميزها في خطوط السفر بالذات

والله يوفقك

NiCK @user_11949 · 23-11-2004

هلا اخوي
اول شي ابيك تعرفه ان مكينة ال 600 تحتوي على سوبر شارج او شاحن هوا وهو مو موجود في الباقي

والزيت اعتقد انه ياخذ 12 لتر وكل علبه ب 35 يعني 12*35= 420 كل 25 الف بس انا مو متأكد من هالشي اسأل وانشالله يفيدونك

والسعر اللي تقوله حلوو مرره خاصه اذا ماشيه شوي وموديل 2003

توكل على الله وخذها شكلها لقطه وانا اخوك

تحياتي

فاصل الطبلون @user_15743 صاحب الموضوع · 22-11-2004

اخوي s a e e d

شكراً لردك وما قصرت

فاصل الطبلون @user_15743 صاحب الموضوع · 22-11-2004

أخوي NiCK

شاكر لك مرورك وردك على الموضوع

بالنسبه لردك جعلني في حيره زود وزود

الحين مركز الصيانه اللي بيشتغل في ال 500 او 320 ما يقدر يشتغل في ال 600

وبالنسبه للمكينه من اي ناحية معقده وليش تقول يبيلك ميزانيه للزيت ؟؟

وبالنسبه ايضاً للسعر المعروض علي هو حلو ورخيض بالنسبه للفئات الثانيه هو معروض علي بــ 153 الف ريال

وللعلم هذا سعر الــ 500 موديل 2002 مو 2003 وما يكون ماشي مثل هذي

وهذي نظيفه جداً جداً

بس الكلام هل هي عمليّه والا لا ؟؟؟

شكراً لك مره اخرى

s a e e d @user_8152 · 21-11-2004

معانا وحده موديل 2001 وتماااام ماشاءالله للحين خذها وارفع ايدك والله معك

NiCK @user_11949 · 21-11-2004

اول شي عيوب هالسياره
بيعتها صعبببه يعني مو مرغوبه ابد وغير كذا يطيح سعرها مررره يعني ال 320 اغلى منه بعد فتره من الاستعمال تخيل
واستهلاك البنزين مو عالي مره مثل مافي بالك لانه بتكلونوجيا اغلاق الاسطوانات
بالعربي اذا ما اسرعت ما يشتغل الا 6 سلندر
مكينته معقده نوعا ما ويبي لها ناس فاهمه وقطعها غاااااااااليه المكينه اقصد وشغل اليد حقها غالي مرره

بالنسبه للحراره مالي خبره فيها بس ما اعتقد

والزيت يبي لك ميزانيه لحاله لووول

ميزاتها
فخااامه ورساوه وكل شي افضل من ال 500 بمراحل ودلع اكثر وعزم رهييييب
وطبعا هيبه

عموما ما انصحك فيها الا اذا كانت رخيصه ونظيفة مرره خاصه المكينه

وبالتوفيق