لاصحاب الاكورد

احمد الشريف @user_10525 · 19-12-2004

شباب انان سيارتي ماشيه 36000واعاني من صوت وهو اذا رجعت بالسياره ورى وضربت فرامل يطلع صوت طقه وديت السياره الشركه وقالوه بيصلحونها وراح الصوت فتره ورجع وفيه صوت طقطقه في داخليه السياره اذا احد يعرف عن الصوت بالله يقوللي الصوت تقريبا في الطبلون واحيانا جهه بابا الراكب
وبعدين انا نويت ماعاد اسوي صيانه للسياره يعني ويش الحاجات اللي اغيرها كل فتره ولاتبخلون بالردود
واسف على على الاطاله

**الأكوردي** @user_5924 · 02-01-2005

ماشاء الله على الأخوان كفو ووفوا
تحية خاصة للجميع وخصوصا Accord V6 و سيارة
أعتقد الصوت اللي تسمعه أثناء الريوس وعن الضغط على الفرامل طبيعي
أما الأصوات الأخرى ما عندي أي فكرة عنها

بالنسبة لصيانة 40000 ضروري وبعد ذلك تعتمد على الإمكانية المادية وأهم شي النقاط اللي ذكرها عزيزي Accord V6

وشكرا
أبو نايف

الـصـقـار @user_12505 · 02-01-2005

الطقه من ال abs اما اصوات الديكور عادي من البرد نفس الشي عندي

أكورد وبس @user_7944 · 02-01-2005

الجو المتقلب في الرياض سبب رئيسي في مثل الأصوات هذي

وعلى فكرة ، فتحة الشنطة اللي من عند ركاية المرتبة الخلفية غير مشدودة تماما ، وأحيانا تطلع طقطة خفيييفة ، لذلك حاول تخلي الركاية مقفلة ، يعني مرفوعة على فوق

العميد10 @user_16567 · 02-01-2005

والله نفس المشكلة يوم ادق ريوس وضغط فرامل يطلع صوت

في البداية انفجعت وبعدين خلاص

صاحب الأكورد @user_14940 · 01-01-2005

اخوي انا اتوقع المشكله في الدرج (حقيبة القفازات) اللى قدام الراكب لأن بعض الأحيان وانا مشغل المكيف والسيارة واقفه اسمع صوت طقطقه في الطبلون من جهة الراكب بس لمن امسك الدرج يختفي الصوت فيمكن تكون نفس المشكلة بس بطريق اخرى (هذا على حسب فهمي لكلامك) بس هذي
اهون من سيارات من نفس فئتها فيها بلاوي مثلاً(عداد البنزين خربان-الحساسات الأمامية خربانه - طقطقه في الطبلون مع المطبات - صوت في المراتب - لمبه الإيرباج شغاله - ريموت مخرف - والأشنع من كذا بعض المساعدات تحتاج استبدال - .......................إلخ)

احمد الشريف @user_10525 صاحب الموضوع · 01-01-2005

مشكورين شباب وماقصرتووووووووووووو

سيارة @user_5479 · 19-12-2004

بالنسبة لصوت الطبلون كان عندى بس معاد سمعتة أكيد بيرجع فى الصيف .

us2s2u @user_4553 · 19-12-2004

مرحبا يالحبيب بصراحه انا كانت معي نفس المشكله تقريبا بس مو في الطبلون في نفس الفرامل ومادري بس بعد مارحت للوكاله قالي المهندس معليش صديق هذا صوت ABS وتطمنت بس اذا طلع مو هذا العيب بحوسه

وشكورررررررررررررن

Accord V6 @user_9634 · 19-12-2004

اخوي احمد الشريف

بالنسبة للطقه هذي اول مره اسمع فيها ماعندي أي خلفية عنها

وصوت الطقطقة نفس الشي

اما بالنسبة للأشياء اللي المفروض تغيرها بالمستقبل

كل 40000 كيلو غير زيت القير
كل 3000 كيلو غير زيت المكينة ( بعض الناس كل 5000 كيلو )
كل مرتين تغير الزيت غير الفلتر ( السيفون )
كل 20000 غير البواجي + فلتر الهواء
كل 25000 غير فحمات امامي

كل 50000 كيلو غير سير المكينه + فلتر البنزين

هذا اللي في بالي الحين

إنشاء الله باقي الشباب ما يقصرون معك

مع التحية والتقدير