مشكلة في الفرامل و مشغل سي دي الاكورد 2004

السلام عليكم ورحمه الله

هذي اول مشاركه لي في المنتدى ولفت نظري الموضووع لاني امتلك اكورد 2004 وفيها نفس المشكله

وحبيت اقولك بالضبط وش الي صار معاي عشان تكون في الصوره وانت احكم بنفسك....:)

اشتريت الاكورد وبعد ماخلصت فترة التمرين وكل شي تمام كنت الاحظ صوت طقطقه في الفرامل خاصة على السرعات

المتدنيه... المهم دخلت السياره للصيانه وقلت لهم عندي الفرامل فيها صوت طقطقه ماادري وش الموضووع بالضبط !!!

طبعا في فترة التمرين ماتعديت 100كلم/الساعه كحد اقصى ...

طلعت السياره من الصيانه وراحت الطقطقه اذا مشيت الى الامام بس ماراحت الطقطقه اذا مشيت بالسياره ريوس !!! :confused:

قلت مو مشكله نمشي بالسياره واذا دخلت السياره صيانه العشره الاف اقولهم على الموضوع..في الفتره هذي جربت

قيادة السياره على سرعات عاليه يعني 160 تقريبا وكنت الاحظ فيها صوت رجه غير طبيعيه( يعني الصوت الكل يلاحظه )

يوم دخلت السياره في العشره الاف قلت لهم على السالفه وغيرو هوبااب امامي وفحمات اماميه للسياره (طبعا على الضمان)
يوم طلعت السياره من االوكاله كنت مبسوط وجربت الفرامل وكانت عال العال وراحت الطقطقه لكن بعد فتره قبل صيانه

العشرين الف رجعت المشكله مره ثانيه :( رجعت مره ثانيه للوكاله وصلحوا السياره بدون اي تغييرات ورجعت الفرامل

عال العال

بعد فتره يوم وصل العداد الى 36000 تقريبا رجعت المشكله مره ثانيه للاسف .. هالمره كان الصوت مرعب :confused:

مع رجّه في الدريكسيون !!

قلت مو معقوله تكون الهوبات رايحه وطي لان استخدامي كان عادي جدا

رحت الوكاله في صيانه الاربعين الف وملامح الغضب تعلووو ملامح وجهي <-=- تكفىى :D

قلت لهم على الموضوع ... وجرب السياره موظف في الصيانه وانا معاه وقالي انت مو اول واحد تشتكي من هالموضوع

وقال للاسف الهوب رايح وطي ولازم يتغير ..!! بعد ماسمع الصوت والرجه في الدريكسيون

غيرو الهوبات على الضمان والفحمات غيرتها على حسابي (هالمره غيرولي طقم هوبات وفحمات توها واصله من الشركه

وفيها شوية تعديلات عن الدفعه السابقه <-=- على ذمه موظف الوكاله :D

لان الفحمات الي في الدفعه السابقه كان فيها قطع حديد وغيروها في الدفعه الجديده

وحبيت انوه ان صوت الطقطقه طلع صوت عادي وهو مجرد فراغ بسيط بين الفحمات والهوب<-=- على ذمة الموظف

الحين السياره ماشيه 49500 تقريبا ,..... وللحين الفرامل تمام مافيها شي .... والله يستر من الي جاااااي

اسف على الاطاله وانشالله اكون ضيف خفيف عليكم والي عنده اي اضافات على الموضووع ياهلا فيه

تحيااااتي ....

اخوي slaaam انا كان عندي نفس مشكلتك في الفرامل

ورحت للوكاله وغيروا فحمات امامي حقت جيب cr-v وضبط والله ما عاد يطلع صوت وصارت تمسك بسررعه ، طبعا على الضمان ومجانا بعد ما صايحت عليهم .. وخذ معاك الفواتير السابقه عشان تصك عليهم :)

وتحياتي لك

مشكله الفرامل في الاكورد عادية يشتكي منه الكثير ولكن ان كان الصوت مبالغ فيه وهو صوت يميل الى الصفير فهذا ربما الفرامل تحتاج الى تبديل فحمات (سفايف )
ان كانت طقطقة متكررة سريعة فهذا هو ABS

اما عن السي دي ليس لدي فكرة وشكرا

للرفع

بالنسبة للعدسة كيف انظفها؟؟؟هل انظفها باستخدام سي دي التنظيف والا شي ثاني؟؟

مشكور اخوي على ردك ...
انا بدلت الفحمات والحين مايطلع صوت ..مرات يطلع صوت خفيف...
بالنسبة للعدسة كيف انظفها؟؟؟هل انظفها باستخدام سي دي التنظيف والا شي ثاني؟؟

اخوي لاتخاف
انت راجع الوكاله وبلغهم عن صوت الفرامل
لأنه في دفعات من الاكورد كان فيها عيب في الفرامل وتعدلت المشكله
انت ودها للوكاله اذا قالو لك طبيعي معناته هذا صوت الABS

اما اذا الصوت زايد عن حده فرح يحلون لك المشكله


بالنسبه للسيدي بعد روح الوكاله وشوف وش يقولون لك... اذا ماقالو لك شي سوي تنظيف للعدسه.

السلام عليكم

معي نفس السيارة ونفس الموديل

الفرامل = صوت طبيعي جداً يتاثر بالرطوبة والطقطقة صوت ال ABS

السيدي = اتوقع ضروري تراجع وكيل هوندا بمنطقتك


تحياتي
محمد