" ريحة الوكالة " وين أحصلها ؟؟

بصراحة اشكر جميع الاعضاء الي شاركونا بالموضوع ............

واقول لـ"السفير " اتوقع انها ماتأثر على الصحة لانها تشبه ريحة العطر

واشكر Dajani على هذا التوضيح

مع التحية لجميع الاعضاء

مرحبا

بالنسبه لريحة الوكاله تلاقيها بمحلات ساكو المنتشرة بجميع انحاء المملكة العربية السعودية

وهي عباره عن:
قطعه مستطيله او دائريه او مربعه او او ...إلخ تنحط على المكيف وفي لها عدة روائح منها : الليمون والتفاح وريحة الوكاله Company

وشكرا..

أنا سمعت أن هالريحة مضرة

و ممكن تسبب السرطان يعني مثل الصبغ

والسبب ما ادري بس يمكن لأنها ناتجة من مواد بلاستيكية

والله اعلم

أنا شريت سيارتي قبل سنة و8 شهور .. وباقي فيها جزء من ريحة الوكالة ..

كل من ركب معي قال لي نفس الشي

وأذا سافرت كم يوم وخليت سيارتي بعدين رجعت وركبتها حسيت بالريحة

شي غريب .. مع إني أشتري فيها من المطاعم وأتعطر فيها وأعطرها أحيانا .. بس مدري ليش ما راحت

عاجبتني بصراحة :D

هلا اخوي موهوب

انا صراحه من الاشخاص الي يقدرون ريحة الوكاله واحيانا تطيح السيارة من عيني اذا صارت ريحتها من داخل (شينه ) وهي جديده مثل ريحة سيارات المازدا ...

ريحة الوكاله تستمر معك شهور وحسب الاستعمال ويمكن تطول اكثر بعد

كل ماعليك بس هو ان السيارة تكون مغلقه اغلب الاوقات ... ماتشيل معك اغراض فيها روائح مثل الوجبات من المطاعم او خضره وفواكه ..واحرص انها تكون بالشنطه احسن من الداخل لانها مع الوقت تؤثر على الريحه ...ابتعد عن استعمال عن اي معطر في السيارات خصوصا هالاشياء الي يعلقن الي يبيعونها محلات الزينه ويحطونها الوكاله اذا سويت صيانه لانها تؤثر وبشكل كبير على ريحة الوكاله والمصيبه بعد ان ريحتها مخيسه ريحة فواكه معفنه ...

ايضا احرص ان مايدخن احد بالسياره ...

اما عن وجود شيء يرجع ريحة السياره او كالبخاخ فمادري عنه صراحه ولااعتقد وجود ذلك واذا وجد فخبرنا .... :)

اخوي *الـسـفـيـر* هذا العطر ينباع بالوكالة وانا متأكد من هالكلام وكذلك ممكن تحصله عن معارض الزينه المشهورة

الناس تسميه عطر الوكالة ولكن له اسم ثاني بس أنا ناسيه وهو نفس ريحة الوكالة بالضبط وينرش على الداخلية بالكامل ويطول مايروح بسرعه

بحفظ الله :)

كان زين يبيعونها حق تتذكر أيام التدليع في السيارة

والريحة هذي ريحة الأسيات ... يعني إذا تبي ريحة الوكالة أشتري أسيات جدد من الوكالة ويمكن تكون فيهم الريحة ;)

تحياتي

أخوي موهوب تحصل هذا العطر عند الوكيل وممكن تحصله عند بعض محلات الزينه الكبيرة

بالتوفيق :)

اشكر الاعضاء المشاركين:)
واقول للاخ "الاسم للبيع"صحيح ان ريحة الوكالة تبطى بس واحد من الشباب دائم يحمل عليها اغراض كثيرة عشان كذا تفقد ريحتها|5|

والله ما اتوقع تلقاها..

بس غريبه راحت اشوف سيارات قديمه وريحتها فيها الى الحين

مااتوقع انك راح تحصلها.....لأن هذي الريحه هي ريحة المواد الداخليه للسياره

وطبعا السياره الجديده تكون اغلب الأوقات مقفله....فتكتم الريحه داخل (يازين ريحة الجديد :D )

ومع كثرة فتح واغلاق السياره مستقبلا....تتلاشى الريحه<<<<<<< حلوه ذي تتلاشى :D