هل تنصحوني بلكزس ls 430

مشكورين والله على هذا الإطراء بس انا بديت حاليا اعجب ب Bmw 745 سمعت مقوله ان فيه لها فئات اقل منها لاكن مطابقة بالشكل وتختلف بمواصفات المكينه يعني 745 نقول 8 سلندر 730 على ما اعتقد انها 6 سلندر ونفس الشكل والحجم وفيها بعض المواصفات البسيطه لاكن مدري ال bmw يدوم ولا خراباته واجد

اكورد وبس
ترى يكون في علمك بس انا من اكثر المعجبين بسيارات بي ام وتقنياتها لكن مهما كان لا يمكن تقارن الفئه الخامسه باللكزس ls430 يكفيك ياخي الاشياء الموجوده بالمقاعد الخلفيه والمساحة عشان تلغي المنافسه

بالنسبه للانفنتي ملاحظ انت انهم توهم يضيفون تسخين المقاعد؟ وتكايات الراس تحركها بيدينك

واذا جيت تقارنها باللكزس es مواصفات امريكيه لانها تجي بشاشه اعتقد ما راح تتفوق الانفنتي عليها الا بشي واحد اللي هو المحرك :)
وارجع اقول لك اكورد حاااااول قدر المستطاع انك تجرب الانفنتي عشان تعرف ليه اقول لك انها ما تقارن خاصه فوق سرعه 160

تحياتي

وش جاب الكابرس للكزس

اللكزس ES أطلق من الكابرس رويال

أما عن البي إم الفئة الخامسة فل كامل تراها تجي 8 سلندر .. وفخامتها من جوا غير طبيعية ..

اركبها وشف .. أنا ما اقتنعت إلين ركبتها

والإنفينيتي .. أنا اتكلم عن 2005 لأن شكلها بصراحة قوي جدا وصار أكثر هيبة .. وصار فيها مواصفات غير موجودة في 2004 .. وسعرها أرخص من كل السيارات الفخمة

مو نايك نك يعني اسم

وانتظر مصدرك على احر من جمر

وبالنسبه للاخ اللي يقول لي بلا لكزس بلا مرسدس خذ كابرس؟ وشو تستهبل انت ولا كيف
لووووول

اول شي مافيه وجه مقارنه واذا تبي القوه الكابرس 325 حصان وشلون طمر 380 شي غريب

ووالله لو اني مجنون عشان اخلي سياره مثل اللكزس والمرسدس واخذ لي كابرس وانا قادر عليهم

تحياتي

توكل على الله وخذها ..

:)

تحياتي لك

لكزس 430وبس وباقي خس........

تبي النصيحه خلك من اللكزس والمرسيدس روح خذلك كابرس 2002 ss بقوة 360 حصااااااان يعني اللومينا والمكسيما راح تنااااام جنبك

وشكراً

اسف خطأ مطبعي...لنه في عضو اسمه نايس وعتقدتك هو خخخ
نايك*
وبالنسبه لكلامك تبي اثبات
خلني ادور واعطيك خبر

نايس مين يا حبيبي كاتب نك وشلون قلبته نايس لووووول
وبعدين ياخي ممكن مصدر ولا اي شي موثق يثبت كلامك عن ان مكاين اللكزس ما تتحمل دعس؟ لاني صراحه ما اشوف احد يدعس عندنا في الرياض من السيارات الفخمه وخااصه في الخطوط الا اللكزس 430 و400 وما قد سمعنا احد يشتكي منهم

وبالنسبه للمواصفات اذا انت تقصد البي ام 745 فانا اشوف هذي مواصفاتها احسن من اللكزس والمرسدس وكل شي في فئتها بس يمكن تقصد انت ال 730 :D

وبالنسبه لكلامك اكورد وبس
انا أأيدك في اختياراتك
بس اعارضك في كلام انه الفئه الخامسه افخم من اللكزس؟ انت اي لكزس تقصد؟ لا تقول لي ال 430 lsوتخليني اضحك لانه من جد حرام عليك تقارن بينهم
اما اذا تقصد ال gs 430 فهذي ما بعد نزلت عشان كذا ما نقدر نحكم صح ولا لا؟

نجي للانفنتي
انا بسألك انت اذا شفتها في الشارع تحس ان لها هيبه؟ لاني صراحه ما اشوف لها اي هيبه وكل اللي اعرفهم مثلي
شكلها عادي مره واقل من عادي وغبي نوعا ما ومثل ما تفضلت مواصفاتها اقل من مواصفات السيارات الفخمه فليش اخذها؟

تحياتي

أنا أقترح يا إنك تصبر وتفك لك GS 430 بعد كم شهر 8 سلندر

أو تفك لك بي إم الفئة الخامسة فل كامل 8 سلندر بـ 250 ألف تقريبا أو أكثر .. قوية وفخامتها أقوى من فخامة اللكزس وشبابية وتعطييييك

وبالنسبة لكلامي عن الإنفينيتي .. أنا أدري إن اللكزس أفضل منها بواجد .. لكن أنا تكلمت عن نقطة انتشار السيارة وتميزها فقط

بالعربي وعلى بلاطة

خذ اللي تبيه

مادام كل السيارات زيبنة خذ اللي تبيه

وماشاء الله شكلكم مقتدرين مااظن ان قطع الغيار تهمك

وانا من رايي اظن انه المرسيدس له شهرة غير جماله حاجة غير طبيعية

اما البي ام ماتنفع شبابي ولا زم يكون سواق يعني ليموزين

والخيار لك

تحياتي
عذب الاحاسيس

ههههههه اخوي نايس لاوالله مو متعصب الى مرسيدس لكن ذي الحقيقه
انا ماقلت الك لكزس مايتحمل بالعكس سيارة قويه لكن اذا ظل يدعس فيها كاليوم دعس قوي حبيبي بعد كم سنه تطلع خرابات صدقني لكن المرسيدس ماشاء الله مكينته حق دعس
واللكزس قطع غيارة ارخص من المرسيدس وتقدر تصلحة في ورشات هذي ميزة حلوة لكن المرسيدس قطع غيارة غاليه وماتطمن عليه الا في الوكاله ونتو عارفين اسعار الوكاله كيف
وعلى فكرة انا اقدم اللكزس على البي ام في المواصفات رغم اني افضل البي ام
تحياتي

انا نصيحتي انك تتريه شهر 3 و تشتري لكزس gs430 الشكل الجديد الصراحه ما عليه كلام و ما راح تندم و شكله شبابي و جديد ايضاً. و بالنسبه للكزس ls430 , و المرسيدس s انا واحد من اهلي عنده الموترين و موديل 2002 و هذا الشخص عمره ما ساق الا مرسيدي و كان يذم اللكزس انه ياباني و المرسيدي الماني لكن لين جرب اللكزس و المرسيدس انصدم و قال بكل صراحه اللكزس ما عليها كلام. حتى الحين الموترين عنده وبعده يمدح اللكزس انه افضل من المرسيدس في كل النواحي خاصه في الاستحمال.

من جدك اخوي ؟

احد يقول اللكزس لك عليها في الخط ؟

اريح سياره وتسوق فوق ال 120 ولا كانك ماشي الا 80

واما الكمبيوتر وخرابات فهذا غلط

سياره مافيها عيوب مصنعيه ابد

قمممممممممممممة الفخامه والتكنولوجيا

ثبات السعر يعني شيك بيدك

كشششششششخه وفخاااااااامه

واذا على قولتهم تلاقيها واجد

والله صار حتى البي ام الحووت كانه ليموزين اكثر من الهم على القلب

.
واسال مجرب اللكزس

والله ماتلاقي احد معاه لكزس وندمان

والله يوفقك

.

الحين اللكزس ما تتحمل الدعس؟ والمرسدس تتحمل

مشكلتك صار معك مرسدس واعماك التعصب على كيفك لكزس ما يتحمل وهو اكثر من مرسدس جوده وتحمل بمليون مره؟

ولا عذر الهدوء اقبح من ذنب يعني يوم صارت اللكزس اهداء قلت صوت مكينة المرسدس حلو؟ الحين من مواصفات السيارات الفخمه او اهمها الهدوء وتقول لي صوت المكينه ليه شاري سياره سبورت انا؟

عموما حبيبي صاحب الموضوع كانك شباب فخذ ال 430 بدون اي تردد لانها بتلبي كل رغباتك والمرسدس ما راح يلبي لك رغبة القوه ب 250 الف
ما اقول لك اللكزس احسن من المرسدس لكن لك كشاب خذ اللكزس

وبالنسبه لهيبة السياره اتحدىى اي واحد ينكر ان ال 430 هيبتها خاصه الشكل الجديد صار مثل المرسدس لكن البي ام في المقدمه في هالمجال
واذا على الانتشار شف المرسدس والبي ام اكثر من التكاسي الحين :D ومع هذا لهم هيبتهم
اما الاخ اللي يقول لي انفنتي معليش اركبها وبتعرف انها ما تقارن لاااااحظ كلمة اركبها وجربهااااا وجرب غيرها وبتعرف وش اقصد

بالنسبه للرساوه بقول لك شي
لكزس . مرسدس . بي ام كل هالسيارات الفخمه ما راح تحس بفرق كبير في الرساوه بينهم لانهم كلهم راسيات مع تفوق وحده على الثانيه بشي بسيط وغير ملحوظ
وكلهم فك نظام الثبات حقهم وشف كيف تصير سياره شبه عاديه
يعني ما راح تلاحظ الفرق

وبالنسبه للقوه انا اضمن لك انه لا لومينا ولا كابرس ولا شي بيوقف جنب ال 430 خذها مني :)

في الاخير اعيد كلمتي لك اذا انت شباب خذ اللكزس وجربها وبتعرف ليش اقول هالكلام

تحياتي

شوف السيارا ت الي ذكرتهم الك خلهم في كفه والسيارت الثانيه في كفه
لنه فرق كبير جدا بينهم وبين الاس اس وووو

انا جربت فياجرا خالي كويسه واعجبتني بس اللكزس ابجربها ان شاء الله يا في الوكاله يا بتأجير

اهلا اخي الكريم

لكزس ترضي جميع عملائها
انت جرب لكزس وشف هل كل هذه الاتهامات صحيحه ام لا

لكزس من رأيي انها قمة الاختيار بالنسبة لوضعك